Morgunblaðið - 24.06.1982, Blaðsíða 22
22
MORGUNBLAÐIÐ, FIMMTUDAGUR 24. JÚNÍ 1982
Leonid Brezhnev, forseti Sovétrfkj-
anna, í kjörklefanum á sunnudag,
þegar fram fóru sveitarstjórnarkosn-
ingar i Svoétríkjunum. Urslit kosn-
inganna hafa enn ekki verið birt
Reynaldo Bignone, hið nýja forsetaefni Argentínu:
Talinn hæfur stjórnandi en
ekki nægilega röggsamur
Kuenos Aires, Argentínu. AF.
HINIIM nýja forseta Argentínu, Reynaldo Bignone hershöfðingja, liggur
ekkert á að breyta stjórnskipulagi landsins í átt til lýðræðis. Sjálfur er
hann yfirlýstur íhaldsmaður.
Hinn 54 ára gamli Bignone er þeirrar skoðunar að endurnýja þurfi
embættismenn í öllum áhrifamestu stöðum innan ríkisins áöur en hægt
verði að taka til við endurreisn lýðræðis í landinu.
Þessi skoðun hans var harð-
lega gagnrýnd í fjögurra daga
linnulausum samningaviðræðum
á milli yfirmanna sjó- og flug-
hersins, sem héldu því fram, að
pólitísk og efnahagsleg endur-
reisn yrði að koma til, til að
mæta því vandræðaástandi, sem
skapaðist í landinu eftir auð-
mýkjandi tap fyrir Bretum í
Falklandseyjastríðinu.
Bignoni tók þátt í byltingunni
1976 þegar stjórn Isabellu Peron
var hrundið frá völdum og her-
foringjastjórn, skipuð yfirmönn-
um land-, sjó- og flughersins tók
við. Hann var hins vegar á engan
hátt tengdur stjórn landsins er
Galtieri, fyrrum forseti, neydd-
ist til að segja af sér með skömm
í síðustu viku.
Þegar Bignoni tekur við völd-
um hinn 1. júli nk. verður hann
fjórði herforinginn, sem stjórnar
landinu frá því í byltingunni
1976, en sá fyrsti sem tekur við
völdum án stuðnings yfirmanna
sjó- og flughersins.
Bignoni er talinn nokkuð hæf-
ur stjórnandi, en andstæðingar
hans, sem helst finnast innan
tveggja áðurnefndra arma hers-
ins, finna honum til foráttu, að
hann sé ekki nógu skörulegur.
Argentína þurfi mann með bein í
nefinu til að stjórna landinu á
þessum tímum. „Hann er eins og
pylsa án tómatsósu og sinneps,"
sagði háttsettur yfirmaður inn-
an sjóhersins.
Bignone er náinn vinur Jorge
Videla, hershöfðingja, sem
stjórnaði byltingunni 1976 og
gegndi embætti forseta þar til í
Reynaldo BigMone
fyrra. Ennfremur er talið, að
forsetaefnið sé sömu skoðunar í
efnahagsmálum og viðskipta-
ráðherra Videla var. Stefna hans
í efnahagsmálum, barátta gegn
verðbólgu og einokunarstefna,
hefur verið harðlega gagnrýnd
af öllum undirokuðum stjórn-
málaflokkum landsins. Hefur
stefnu hans verið kennt um
hvernig komið er fyrir efnahag
landsins.
Bignone var útnefndur aðal-
ritari hersins (secretary gener-
al) árið 1979 og var síðan ráð-
gjafi eftirmanns Videla, Roberto
Viola, í forsetaembættinu.
Skömmu áður en hann dró sig í
hlé í fyrra var hann útnefndur
yfirmaður allra herstofnana og
skóla landsins.
Forsetinn tilvonandi er fædd-
ur í bænum Moron rétt utan við
Buenos Aires. Hann er af ítölsku
bergi brotinn eins og forverar
hans þrír. Reyndar er nær hálf
argentínska þjóðin af ítölskum
ættum. Hann er kvæntur og á
þrjú börn. Hann útskrifaðist úr
herskóla 1947 og vann sig smám
saman til metorða. Hershöfð-
ingjatignina fékk hann 1975.
Margret Thatcher um varnir Falklandseyja tveimur mánuðum fyrir innrás Argentínumanna:
Sjóliðssveitirnar geta
komið í
fyrir árás
l .ondon, 23. júní. AF.
MARGARET Thatcher, forsætisráðherra Bretlands, sagði tveimur mánuðum
fyrir innrás Argentínumanna á Falklandseyjar, að tilvist sjóliðshermanna-
sveitarinnar á eyjunum ætti að vera „næg vörn gegn hvers konar árás“.
Forsætisráðherrann hélt þessu
fram í skriflegu svari til eins þing-
manns íhaldsflokksins, frúr
Madge Nichols, sem skrifað hafði
forsætisráðherranum og látið í
ljós áhyggjur sínar með varnir
þrezkra eyja í Suður-Atlantshafi.
Um þær mundir voru 42 sjó-
liðshermenn brezkir á Falklands-
eyjum, og ákveðið brfði verið að
kalla eftirlitsskipið Endurance
heim, þar sem það þótti kosta of
mikið að halda því úti við Falk-
landseyjar.
Skrifstofa forsætisráðherra
staðfesti í dag, að frétt í blaðinu
Evening Standard um innihald
bréfsins ætti við rök að styðjast.
Bræður ábyrgir fyrir
olíueitrun handteknir
Mexíkóborg, 23. júní. AF.
TVÆR spænskir bræður, Antonio og
Jose Maria Cox Tapia, voru teknir
fastir í Mexíkó í dag að beiðni
spænskra yfirvalda, sem óskað hafa
eftir framsali þeirra, þar eð þeir eru
taldir ábyrgir fyrir sölu og dreyfingu
eitruðu matarolíunnar, sem orðið
hefur 250 mönnum að fjörtjóni frá
þvi í maí i fyrra. Sá síðasti lézt í dag.
Það var alþjóðalögreglan Int-
erpol, sem tók bræðurna fasta.
Þeir eru eftirlýstir á Spáni fyrir
svindl og glæpi af ýmsu tagi.
Bræðurnir héldu fram sakleysi
sínu á skrifstofu ríkissaksóknara í
dag. Þeir sögðust áður hafa verið
handteknir í sambandi við þetta
mál. „Við berum enga ábyrgð á
þessum eitrunum, og við munum
sanna sakleysi okkar," sögðu
bræðurnir.
Að sögn spænskra yfirvalda,
lézt 250. fórnarlamb matarolí-
ueitrunarinnar í dag. Veikinnar
varð fyrst vart fyrir rösku ári, eft-
ir að fólk, sem neytt hafði matar,
sem meðhöndlaður hafði verið
með eitraðri matarolíu, sem seld
hafði verið við húsdyr sem olífu-
olía, veiktist illilega.
Thatcher sagði í New York í dag
að sjóliðshermannasveitin hefði
alls ekki verið þess megnug að
sporna við jafn viðamikilli innrás.
Talið hefði verið að ekki kæmi til
innrásar á Falklandseyjar fyrr en
eftir tímabil aukinnar og vaxandi
spennu í deilunni um yfirráð á
eyjunum. „Þessa spennu vantaði
nánast alveg," sagði Thatcher.
Talsmaður Thatcher sagði, að
ein af hugsanlegum, mörgum
skýringum á því hversu innrásin
kom Bretum í opna skjöldu, væri
sú, að í febrúarlok hefðu viðræðu-
nefndir landanna gefið út sameig-
inlega yfirlýsingu um að viðræð-
urnar um yfirráð á Falklandseyj-
um, væru komnar á góðan rekspöl,
og hefðu farið fram í mikilli ein-
lægni.
Að sögn brezkra heimilda er nú
unnið að brottflutningi brezka
herliðsins frá Falklandseyjum, en
Bretar hyggjast þó hafa þar
eitthvert lið, þar til framtíð eyj-
anna hefur verið treyst, t.d. með
myndun fjölþjóðlegra friðar-
gæzlusveita.
*■« jjtffc
Andrew Bretaprins vió myndatökur I Stanley á Falklandseyjum eftir að
Bretar endurheimtu eyjarnar úr höndum Argentínumanna. Prinsinn tók
virkan þátt i bardögunum sem þyrluflugmaður á flugmóðurskipinu
Invincible. Þegar Stanley var fallinn fékk prinsinn að skreppa í land og
spóka sig þar með myndavél sína.
Sovétmenn sprengja upp hús
og myrða óbreytta borgara
Moon bannað að koma
til Vestur-Þýzkalands
Konn, 23. júní. AF.
Vestur-þýzku landamæralögregl-
unni hefur verið skipað að hleypa
Sun Myung Moon, leiðtoga „moon-
ista“, ekki inn i landið freisti hann
Þýzkalandsferðar.
Talið er að Moon hyggist flytja
frá Bandaríkjunum til Dússeldorf,
þar sem sameiningarkirkja hans
hefur keypt miklar eignir, sem
hentugar gætu verið fyrir höfuð-
stöðvar trúflokksins.
Claus Grobecker, innanríkis-
ráðherra, sagði í þinginu í dag, að
ef í Ijós kæmi að Moon væri þegar
kominn til V-Þýzkalands, yrði
honum samstundis vísað úr landi,
ekki sízt ef hann hefði komið
þangað með ólöglegum hætti.
Moon hefur átt í erfiðleikum
vegna málaferla í Bandaríkjunum.
Talið er að í V-Þýzkalandi séu allt
að 2.500 „moonistar".
Nýju Dehlí, 23. júní. AF.
VESTRÆNIR diplómatar sögðu í
dag að sovézka innrásarliðið í Af-
ganistan hefði sprengt í loft upp
mörg hús manna, sem taldir
væru tilheyra afgönskum frels-
issveitum, í aðgerð sovézka hers-
ins á Shomali-svæðinu norður af
Kabúl.
Þá eru Sovétmenn sagðir
hafa myrt marga óbreytta
borgara í ákafri húsleit á
Maidan-svæðinu vestur af
Kabúl, í kjölfar átaka innrás-
arhermanna og frelsissveita.
Sagt er að stór hluti íbúanna á
svæðinu sé flúinn til Kabúl í
von um meira öryggi í höfuð-
borginni.
í átökum í þorpinu Qala Gul-
am í Maidan voru fjórir bryn-
varðir vagnar sovézka innrás-
arliðsins eyðilagðir, að sögn
diplómatanna. Hermt er að
frelsisöflin hafi beðið hnekki f
Shomali þegar leiðtogi þeirra,
Basir, féll í árás á sovézku
herstöðina í Qala-e-Mourad
Beg. Aðstoðarmaður Basirs féll
í bardaga við Kariz-e-Mir. Bas-
ir hafði 1500 menn undir vopn-
um og nokkur hundruð menn í
varasveitum. Komið hefur til
harðra átaka frelsissveitanna
og sovézkra hermanna í Shom-
ali síðustu mánuði.
Þá hefur einnig komið til
átaka í Paghman-héraði norð-
vestur af Kabúl. Frelsissveit-
irnar réðust á stöðvar stjórn-
arhersins við helztu borg hér-
aðsins og felldu fjölda stjórn-
arhermanna.
Stjórnarhermenn réðust á
virki freisissveita í Faryab-
héraði norðvestur af Kabúl og
brenndu miklar kornbirgðir, en
talið er að takmark stjórnar-
hersins sé að svelta frelsis-
sveitirnar.