Morgunblaðið - 17.06.1983, Side 22

22
MORGUNBLAÐIÐ, FÖSTUDAGUR 17. JÚNÍ 1983
Aðalfundur Félags íslenskra rithöfunda:
Aðalfundarefni
réttindamál
Kclag íslenskra rithöfunda hélt
aðalfund sinn fimmtudaginn 19. maí
að Hótel Esju.
Formaður félagsins, Gunnar
Dal, skýrði frá störfum félagsins á
liðnu ári. Látist höfðu á árinu þrír
félagar: Kristján Eldjárn, fyrrver-
andi forseti íslands, Þóroddur
Guðmundsson og Poul M. Peder-
sen, ljóðskáld og ljóðaþýðandi í
Kaupmannahöfn. Haldnar voru
kvöldvökur og fundir til skemmt-
unar með bókmenntakynningum
og upplestrum rithöfunda úr eigin
verkum. Unnið var að réttinda-
málum félagsmanna á árinu. Sig-
urður Gunnarsson gjaldkeri gerði
grein fyrir fjárhag félagsins.
Aðalfundarefni voru réttinda-
málin og staða þeirra. í umræðum
um þau komst formaður svo að
orði: „Skylda og réttur rithöfund-
ar er að ganga uppréttur. Full-
komin réttarleg samstaða okkar
er á næsta leyti. Það sem gerir
samstöðu okkar náttúrlega og
sjálfsagða er trú okkar á vestræn-
an húmanisma og mannúðar-
stefnu. Við viljum ekki ofbeldi, og
við sættum okkur ekki við author-
iseraða innrætingu örfárra sem
stefnumarkandi varðandi ritstörf
okkar." Indriði G. Þorsteinsson
komst svo að orði í þessum um-
ræðum: „Við viðurkennum ekki
það athæfi í félagslegu starfi að
verið sé að flokka menn niður í
góða og slæma rithöfunda eftir
einhverjum annarlegum og inn-
rætingarlituðum aðferðum. Við
höfum í okkur inngróna andstöðu
við slík sjónarmið. Við félagar er-
um allir menn sem skrifum bæk-
ur, og eigum kröfu á að vera metn-
ir út frá því sjónarmiði til hlut-
deildar."
Tvær úrsagnir bárust úr félag-
inu og tveir gengu í félagið á ár-
inu. Tala félagsmanna er sjötíu og
sex.
Formaður var endurkjörinn
Gunnar Dal. Aðrir í stjórn eru
Baldur óskarsson, Indriði Indr-
iðason, Indriði G. Þorsteinsson,
Ingimar Erlendur Sigurðsson,
Jónas Guðmundsson og Pjetur
Hafstein Lárusson. Varamenn í
stjórn eru þeir Jón Björnsson og
Sveinn Sæmundsson. Endurskoð-
endur eru Stefán Ágúst Kristjáns-
son og Jón Bjarman.
FrétUtilkynning.
Boltagetraun Bikarsins:
Tæplega 3 þúsund manns
tóku þátt í getrauninni
ÓVENJULEG getraun fór fram í
versluninni Bikarnum á Skólavörðu-
stíg í sl. mánuði.
Gluggi verslunarinnar var fyllt-
ur af boltum af öllum stærðum og
gerðum, og var vegfarendum og
viðskiptavinum gefinn kostur á að
giska á tölu knattanna og eiga von
á dýrindis Adidas Tango Espania
bolta að launum ef ágiskunin
reyndist rétt. Tæplega þrjú þús-
und manns tóku þátt í getrauninni
og giskuðu tíu á rétta tölu. Dregið
var úr réttum svörum. Sá sem
verðlaunin hreppti heitir Jóhann
Kjartansson og á meðfylgjandi
mynd er Garðar Kjartansson,
starfsmaður Bikarsins (t.v.), að
færa honum knöttinn góða.
F V i i
ml
Eins og Mbl. skýrði frá í síðustu viku er hafín tunnuframleiðsla í salarkynnum Síldarverksmiðju ríkisins á
Siglufírði. Meðfylgjandi mynd tók Steingrímur Kristjánsson á Siglufirði við tunnuframleiðsluna og heiðurs-
mennirnir á myndinni eru (f.v.) Páll Jónsson og Jóhann Möller, gamalgrónir starfsmenn sfldarverksmiðjanna.
Samfok:
Beinum tengslum við Fræðslu-
ráð Reykjavíkur komið á
Ljósm. Mbl./ Kee
Frá fundi Fræðsluráðs Reykjavíkur og fulltrúa nemenda- og kennarafélag-
anna innan SAMFOK. F.v. Bogi Arnar Finnbogason, formaður SAMFOK
Markús Örn Antonsson, formaður Fræðsluráðs Reykjavíkur, Ragnar Júlíus-
son, skólastjóri, dr. Bragi Jósepsson, Arnfínnur Jónsson og Hafdís Sigur-
geirsdóttir, kennari.
SAMFOK er félag foreldra og kenn-
ara í grunnskólum Reykjavfkur sem
var stofnað í aprfl sl. í félaginu eru
foreldra- og kennarafélög 20 grunn-
skóla í Reykjavík.
Formaður SAMFOKS er Bogi
Arnar Finnbogason og sagði hann í
samtali við Mbl. að tildrög stofnun-
ar félagsins væru þau að síðasta
sumar boðuðu foreldra- og kenn-
arafélög Breiðagerðisskóla annars
vegar og Hlíðaskóla hins vegar til
funda formanna allra félaganna,
þar sem rædd var sú hugmynd að
stofna samband félaganna í borg-
inni. Þeirri hugmynd var hrundið í
framkvæmd og haldinn sameigin-
legur fundur þar sem í ljós kom
mikill áhugi fólks á málinu. Fimm
manna nefnd vann svo að undirbún-
ingi og á stofnfundinum í apríl
gerðust flest foreldra- og kennara-
félög í Reykjavík aðilar að SAM-
FOK.
Bogi Arnar sagði ennfremur að
frá stofnun félagsins hefði áhugi
manna sífellt aukist enda væru fé-
lögin búin að starfa í mislangan
tíma og því mikið að miðla innbyrð-
is í SAMFOK. Sagði Bogi að til-
gangur þess að hafa sameiginlegt
félag væri auðvitað sá að eiga sem
sterkust samtök í jafnmikilvægu
máli og menntun barna og unglinga
og að nýta krafta áhugasamra for-
eldra til þátttöku í skólastarfi á
fleiri sviðum en þeim sem lúta að
félagsstörfum. Markmið félagsins
er m.a. að fá aðild foreldra að
stjórnun skólanna, eins og gert mun
ráð fyrir í endurskoðuðu frumvarpi
til laga um grunnskóla, svo og að fá
beina og formlega aðild að fræðslu-
ráði Reykjavíkur. Með aðild að
fræðsluráðinu yrðu áhrif foreldra á
skólamál aukin og þeim gert kleift
að fylgjast með framkvæmd grunn-
skólalaga.
Fræðsluráð Reykjavíkur bauð til
fundar 11. júní sl. og kynnti þar
fulltrúum SAMFOKS þau mál sem
ráðið hefur haft til umfjöllunar
undanfarið. Markús Örn Antonsson
setti fundinn fyrir hönd Fræðslu-
ráðs Reykjavíkur og sagði mark-
miðið með fundinum vera að koma
á beinum tengslum Fræðsluráðs og
SAMFOKS. A fundinum, sem var
sóttur af stjórnum félaganna í
SAMFOK, voru þrjú mál til um-
ræðu að hálfu Fræðsluráðs. Dr.
Bragi Jósepsson ræddi um aukna
kennslu sex ára barna og voru
menn sammála um nauðsyn hennar
og kosti. Þá var rætt um tilrauna-
sölu nestispakka frá Mjólkursam-
sölunni en slíkir pakkar voru seldir
í nokkrum grunnskólum sl. vetur á
mjög vægu verði. Reykjavíkurborg
greiddi niður verð pakkanna en
reynt verður að fá ríkisstyrk til að
greiða niður nestispakka og er það
skoðun SAMFOK að slíkt beri að
gera í sem flestum skólum. Þá var
og rætt um félagsstörf foreldra og
nemenda í skólum.
Af hálfu SAMFOKS voru lagðar
nokkrar spurningar fyrir Fræðslu-
ráð og verður þeim svarað skriflega
síðar þar sem ekki vannst tími til
að ræða öll mál til hlítar.
Hveragerði:
Tízkusýningar í Eden
Ifveragerdi, 10. júní.
UNDANFARIN 10 ár hefur Bragi
Einarsson eigandi Eden í Hvera-
gerði gengist fyrir tískusýningum á
fímmtudagskvöldum og hafa þær
verið mjög vel sóttar af fólki víða
af Suðurlandi og Reykjavíkur-
svæðinu og ferðafólki annars stað-
ar af landinu, ef dæma má af ein-
kennisstöfum bifreiðanna, sem úti
bíða eigenda sinna.
í sumar verða sýningar um
tveggja mánaða skeið, fyrsta
sýning var 2. júní og önnur í
gærkvöldi, fimmtudaginn 9. júní.
Ég brá mér í Eden til að sjá
tískuna og reyna að festa hana á
filmu, var þar margt gesta á öll-
um aldri.
Sýningarfólk frá Karonsam-
tökunum sýndi föt frá Herraríki
og Lilju í Glæsibæ. Var það mest
sumar- og sporttískan í mikilli
litadýrð, en einnig föt með
hefðbundnum litum og sniði.
Stjórnandi var Svala Haukdal
og sagði hún að þetta væri
skemmtilegt starf og þeim félli
mjög vel að sýna í Eden, þar
væri alveg sérstakur andblær og
fyndist þeim, sem þar væru þau
á „heimavelli".
Gestir virtust skemmta sér vel
og létu hrifningu sína í ljósi með
lófaklappi.
Sigrún