Morgunblaðið - 21.05.1986, Blaðsíða 7

MORGUNBLAÐIÐ, MIÐVIKUDAGUR 21. MAÍ 1986
B 7
Morgunblaðið/Skapti
par markabikar Morgunblaðsins, sem hann vann sér til eignar fyrir að skora
jyrnu 1986.
rvandi að byrja
5 á að skora“
jarni Sveinbjörnsson sem
kabikar Morgunblaðsins
varnarmanna reyndi að hreinsa á
línunni en ég held satt aö segja
að hann hafi sparkað í mig og
boltinn spýst þannig til baka og í
markið!!" sagði Bjarni. “Eftir mark-
ið sóttum viö heldur meira, í fyrri
hálfleiknum, og markið hjá Hlyn
kom á hárréttum tíma. Það var
glæsilegt mark og kom okkur í
góða stöðu. f seinni hálfleiknum
bökkuðum við svo mjög mikið og
hugsuðum aðeins um að halda
forystunni."
Bjarni sagðist bjartsýnn á fram-
haldið í sumar. „Við stefnum á
toppinn. Ég held að liðið eigi að
vera alveg jafn sterkt í ár og í fyrra
- jafnvel sterkara, því margir
yngstu leikmannanna hafa öðlast
meiri reynslu. Til dæmis Hlynur
og Moli (Siguróli), þá er Baldur
Guðnason að koma inn í liðið og
Júlíus er mjög sterkur. Sívaxandi
leikmaður."
Bjarni meiddist á miðju keppnis-
tímabili í fyrra - hafði þá skoraö
sjö mörk í fyrri umferðinni. Hann
lék einn landsleik - gegn Færeying-
um á Akranesi - en meiddist síðan
strax í næsta leik þar á eftir, gegn
ÍA á Skaganum. „Þetta var mitt
besta sumar. En nú hef ég alveg
náð mér af meiðslunum og stefni
á meira í sumar. Mér gekk ágæt-
lega í vorieikjunum, skoraði 4 mörk
í KRA-mótinu og nokkur í æfinga-
leikjunum þannig að maður hefur
ekki alveg gleymt því hvernig á að
skora! Og auðvitað var það mikils
virði aö byrja fslandsmótið á að
skora - það var mjög uppörvandi,
og ekki skemmdi fyrir að skora
svona snemma og hljóta Morgun-
blaðsbikarinn. Það var mjög
ánægjulegt," sagöi Bjarni Svein-
björnsson.
Morgunblaöið/Sig.Jóns.
• Selfyssingar, sem komu úr 3. deild í fyrra, hafa fengið til sfn nokkra nýja, góða leikmenn og
ætla sér að verða í toppbaráttu annarar deildar f ér. Á myndinni er „útlendingahersveitin“ f liðinu
fyrir leikinn gegn Skallagrími á laugardaginn. Frá vinstri: Sigurður Halldórsson, fyrrum skagamaður,
Magnús Brandsson, einnig af Skaganum, Jón Gunnar Bergs, fyrrum Valsmaður og Bliki, Bjöm
Axelsson, fyrrum leikmaður Skallagrfms og Tómas Pálsson, gamli refurinn úr ÍBV.
2. deild:
Góðir leikir
og mikil spenna
SELFOSS-SKALLA-
GRÍMUR4:1
NÝLIÐARNIR f annarri deild,
Selfyssingar, fóru vel af stað
og hafa sett markið hátt f ár.
Þeir unnu á laugardaginn
Skallagrím og léku mjög sann-
færandi og voru áberandi betrí
aðilinn í leiknum.
Jón Gunnar Bergs gerði þrjú
mörk fyrir Selfyssinga, tvö í síöari
hálfleik og eitt í þeim fyrri, en
fyrsta markið gerði hinn „útlend-
ingurinn" í framlínunni, Tómas
Pálsson. Skallagrímsmenn skor-
uði sitt eina mark alveg undir lok
leiksins þegar Árni Gunnarsson
afgreiddi vítaspyrnu snyrtilega.
Sigur Selfyssinga hefði getað
orðið ennþá stærri en 4:1, þeir
fengu fjöldamörg góð marktæki-
færi, og skoruðu m.a. þrjú mörk,
sem öll voru dæmd af vegna
rangstöðu.
KS-VÖLSUNGUR 0:0
SIGLFIRÐINGAR og Völsungur
frá Húsavfk gerðu markalaust
jafntefli í 2. deildinni á Siglufirði
á laugardaginn. Leikurinn var
þokkalega vel leikinn og það
eina sem vantaði voru mörkin.
Jafntefli voru sanngjörn úrslit.
Sveinn markvörður Völsungs
varði hreint frábærlega á 12.
mínútu er Gústaf Björnsson, ný-
ráðinn þjálfari KS, tók auka-
spyrnu sem stefndi efst í mark-
hornið en Sveinn bjargaði vel.
Stuttu seinna áttu Siglfirðingar
skot í þverslá.
Eina umtalsverða tækifærið í
seinni hálfleik kom á 77. mínútu
er leikmaður Völsungs bjargaöi á
línu þrumuskoti frá Hafþóri Kol-
beinssyni. Völsungur var meira
með knöttinn í seinni hálfleik en
liðiö náði ekki að skapa sér
umtalsverð marktækifæri.
Baldur Bergþórsson, varnar-
maður, var bestur í liði KS. Gúst-
af Björnsson styrkir liðið mikið
og er góður leikstjórnandi.
Sveinn markvörður var bestur í
liði Völsungs. Kristján Olgeirsson
fékk að sjá gula spjaldið hjá dóm-
aranum.
KA-EINHERJI 4:0
Akurayri.
KA-MENN sigruðu Einherja frá
Vopnafirði 4:0 í fyrsta leik lið-
anna f 2. deildínni í knattspyrnu
á á sunnudag. Öll mörk leiksins
voru gerð í síðari hálfleik.
Fyrri hálfleikur var í jafnvægi.
Hvort lið fékk eitt gott færi: fyrsta
þrumaði Einherjinn Helgi Ás-
geirsson i þverslá KA-marksins
og rétt fyrir leikhlé bjargaði
Hreggviður markvörður austan-
manna vel góðu skoti Tryggva
Gunnarssonar af stuttu færi.
Fljótlega í byrjun síðari hálf-
leiks munaði litlu að Einherji
skoraði. Njáll Eiðsson, þjálfari
liðsins og fyrrum leikmaður KA,
átti þrumuskot utan úr teig sem
Haukur varði mjög vel en hélt
ekki knettinum. Njáll fylgdi á eftir
en varnarmenn náðu að bægja
hættunni frá.
Eftir þetta var leikurinn algjör
einstefna að marki Einherja og
léku KA-strákarnir oft góða
knattspyrnu.
Fyrsta markið koma á 57. mín.
er Hinrik Þórhallsson skoraöi rétt
innan vítateigs eftir sendingu
Tryggva Gunnarssonar. Tryggvi
skoraði næsta mark - með föstu
skoti upp í þaknetið yst úr teign-
um. Á 68. mín. skoraði Helgi Jó-
hannsson auðveldlega af stuttu
færi eftir hornspyrnu, staðan þá
3:0, og fjórða markið skoraði síð-
an Tryggvi Gunnarsson úr víta-
spyrnu á 71. mín. eftir að einn
varnarmanna Einherja hafði
handleikið boltann.
Sigur KA var öruggur þegar
upp var staðið. Fyrri hálfleikur
var jafn eins og áður sagði en
Einherjamenn „sprungu" algjör-
lega í seinni hálfleik og KA hafði
þá aigjöra yfirburði.
-AS.
ÍBÍ-NJARÐVÍK 3:3
ÍBÍ og Njarðvík gerðu jafn-
tefli, 3:3, á nýjum malarvelli á
ísafirði í 2. deild á taugardaginn.
Völlurinn sem er á Torfnesl var
vígður formlega fyrír leikinn.
Njarðvíkingurinn, Ragnar Her-
mannsson skoraði fyrsta markið
er 5 mín. voru liðnar af leiknum.
Hann komst þá einn innfyrir og
skoraði örugglega. Haukur
Magnússon jafnaði fyrir ÍBÍ á 16.
mínútu með gullfallegu skalla-
marki eftir hornspyrnu Örnólfs
Oddssonar. Njarðvík náði aftur
forystunni er Rúnar Jónsson
skoraði eftir skyndisókn og þann-
ig var staðan í hálfleik.
Ragnar Hermannsson var svo
aftur á ferðinni fyrir Njarðvík er
stundarfjórðungur var liðinn af
seinni hálfleik. Hann virtist þá
gefa sendingu aftur fyrir sig inn
í vítateiginn sem fór á óskiljanleg-
an hátt í netið. Fjórum mínútum
síðar skoraði Guðmundur Jó-
hannsson annað mark ísfirðinga
með skalla eftir fyrirgjöf frá
Hauki. Jón Oddsson, þjálfari ÍBÍ,
átti svo síðasta orðiö er hann
jafnaði meö enn einu skallamark-
inu.
ísfirðingar voru meira með
knöttinn í þessum leik og hefðu
átt að sigra en Njarðvíkingar áttu
mjög hættulegar skyndisóknir.
Haukur Magnússon var yfir-
burðamaður í liði ÍBÍ og sama
má segja um Ragnar Hermanns-
son hjá Njarövík.
ÞRÓTTUR-VÍKINGUR
1:1
VÍKINGUR og Þróttur, liðin sem
féllu úr fyrstu deild í fyrrasumar
og eru þvf fyrirfram líkleg topp-
baráttulið í annarri f ár, gerðu
jafntefli, 1:1, f kalsaveðri á Val-
bjarnarvelli á mánudagskvöldið.
Bæði mörkin voru gerð undan
vindi. Miðvörðurinn Björn Bjart-
mars gerði mark Víkings í fyrri
hátfleik með skalla eftir horn-
spyrnu, og Daði Harðarson jafn-
aði fyrir Þrótt í síðari hálfleik með
aldeilis stórglæsilegu þrumu-
skoti af tæplega 30 metra færi
eftir að boltanum var rennt til
hans úr óbeinni aukaspyrnu.
Leikurinn var annars ekki mjög
skemmtilegur á að horfa, barátt-
an mikil, en fallegt spil lítið. Hann
var þó alls ekki laus við spennu.
Elías Guðmundsson, sem eitt
sinn lék með KR, var bestur Vík-
inga, skemmtilega leikinn með
knöttinn og hafði mikla yfirferð.
Lið Þróttar var jafnt, en á tímum
endalausra félagaskipta leik-
manna hlýtur maður að spyrja
sig hversvegna Kristján Jónsson
er ekki að leika með fyrstudeild-
arliði. Hann er líklega sá leikmað-
ur íslenskur, af þeim sem nú
spila á íslandi, sem kemst næst
því að hafa yfir sér raunverulegan
„klassa". Ef hann væri að spila
með einhverju toppliðanna á ís-
landi þar sem hann fengi stuðn-
ing úrvals samherja væri hann
líklega á leið í atvinnumennsku .
Nokkuð sem gerist varla á með-
an hann er í 2. deild með þrótti.