Morgunblaðið - 29.07.1989, Page 14

'j'jc .es suoagíeaí'ujL' œjiajsm iu~m
MORGUNBLAÐIÐ 'LAUGA-RDAGURr 29: -JULI -1989-
14
Hafa það heldur sem
ósannara reynist
„Nú veit Tómas Ingi
miklu betur. Hann veit
að höfundur þessarar
greinar knúði fram
samþykkt um Háskól-
ann á Akureyri í ríkis-
stjórninni. Hann veit að
fyrir liggur ákvörðun
ríkissljórnarinnar í
heild um aukafjárveit-
ingu á þessu ári til Há-
skólans á Akureyri til
þess að undirbúa sjáv-
arútvegsbrautina. “
Svavar Gestsson
eftir Svavar Gestsson
Morgunblaðið birtir í dag,
fimmtudag, grein eftir Tómas Inga
Oirich. Þar reynir hann að koma
pólitísku höggi á undirritaðan með
eindæma óheiðarlegum hætti sam-
kvæmt því lögmáli sem Sjálfstæðis-
flokkurinn iðkar í stjórnarandstöðu
að hafa ætíð fremur það sem ósann-
ara reynist ef það gæti komið höggi
á andstæðinginn.
Málið er þetta: Bylgjan sendi út
fréttatíma sem var allur löðrandi í
ósannindum um fyrirhuguð sparn-
aðaráform ríkisstjómarinnar. Þar
var meðal annars sagt að í mennta-
málaráðuneytinu ætti að skera nið-
ur Háskólann á Akureyri það ætti
að ganga í skrokk á Kennaraháskól-
anum og eitthvað fleira var nefnt
sem ég er búinn að gleyma. En í
stuttu máli: Það var allt vitlaust.
Það var hrein tilviljun að ég heyrði
þessi ósköp í bílútvarpi og ég
hringdi strax á Bylgjuna og sagði
orðrétt við fréttamanninn: Viltu
segja að allt það sem sagt var um
niðurskurð í frétt ykkar hafi verið
vitlaust að því er menntamálaráðu-
neytið varðar. Leiðrétting kom en
hún var þannig orðuð að þessi mál
hefðu ekki verið rædd í mennta-
málaráðuneytinu. Með þessu orða-
lagi er Tómasi Inga og hans nótum
gefið tilefni til þess að búa til lyga-
sögu sem er einhvern veginn svona:
Ekki þar nei, í menntamálaráðu-
neytinu, en í ríkisstjórninni kannski
ha, eða hvað? Og áfram er þráður-
inn spunninn þar til í Morgunblaðs-
greininni í gær.
Nú veit Tómas Ingi miklu betur.
Hann veit að höfundur þessarar
greinar knúði fram samþykkt um
Háskólann á Akureyri í ríkisstjórn-
inni. Hann veit að fyrir liggur
ákvörðun ríkisstjórnarinnar í heild
um aukafjárveitingu á þessu ári til
Háskólans á Akureyri til þess að
undirbúa sjávarútvegsbrautina.
Hann veit þetta vegna þess að upp-
lýsingar um ijárveitinguna voru
lagðar fram í fjárveitinganefnd.
Hann veit að það er menntamála-
ráðherra sem fer með Háskólann á
Akureyri. Hann veit að hann á sjálf-
ur aðgang að menntamálaráðherra
og getur hvenær sem er náð til
hans. Samt kaus hann heldur að
hafa það sem ósannara er.
Ég taldi hins vegar óhjákvæmi-
legt að svara grein hans þó ósönn
sé vegna þess að annars gæti Há-
skólinn á Akureyri skaðast af. Von-
andi verður grein Tómasar Inga
ekki til þess að spilla fyrir Háskól-
anum á Akureyri. Það hefur áreið-
anlega ekki verið ætlun hans þó
að hann hafi ætiað sér að koma
höggi á undirritaðan með ósannind-
um.
Höfundur er
menntamálaráðherra.
V er ð a Baulu hf.
o g verð á skyri
eftir Þórð Asgeirsson
Versta lygin er oft fólgin í því
að segja hálfan sannleikann. Þetta
er ekki góður málflutningur en til
hans er stundum gripið og fer það
þá eftir innræti viðkomandi hvernig
fram er sett. Forstjóri Mjólkursam-
sölunnar í Reykjavík skrifar grein
í Morgunblaðið 28. júlí þar sem
honum þykir „nauðsynlegt að upp-
lýsa að ég hafi ítrekað boðið MS
að kaupa fyrirtækið Baulu hf. Þessi
boð hafi verjð opinberuð á smærri
og stærri fundum sem haldnir hafa
verið upp á síðkastið og segi ef til
vill meira um afkomuna en mörg
orð.“ Hér sýnir forstjóri Mjólkur-
samsölunnar innræti sitt.
Það er rangt að ég hafi boðið
MS Baulu til kaups. Það er hins
VERÐSAMANBURÐUR
Hreint MS skyr 200 gr.
(engin samkeppni)
Verð per. kg
125 kr.
vegar rétt að aðrir hafa nefnt það
við forstjóra MS að hugsanlega
gæti MS forðað því að Baula gerist
afurðastöð og um leið gert góðan
„business" með því að kaupa hluta-
bréf Baulu Á FJÓRFÖLDU NAFN-
VERÐI. Ég hef síðan nefnt þetta
á einum eða tveimur fundum sem
dæmi um það hve langt menn hafa
gengið til að reyna að finna lausn
á deilu MS og Baulu. Ég veit ekki
af hveiju forstjóra MS þótti svona
nauðsynlegt að upplýsa lesendur
Morgunblaðsins um hálfan sann-
leikann í þessu máli en mér þykir
trúlegt að hann hafi miklu meiri
áhuga en almenningur á að vita
hver rekstrarafkoma Baulu er. Og
væntanlega annars konar áhuga.
Það skyldi þó ekki vera að þessi
málflutningur forstjóra MS mótist
SKYRI OG JÓGÚRT
Hrein MS jógúrt 180 gr.
(engin samkeppni)
Verð per. kg
211 kr.
MS ávaxtaskyr 150 gr.
(engin samkeppni)
287 kr.
Jógúrt með ávöxtum 180 gr.
(MS og Baula í samkeppni)
222 kr.
af þeirri óskhyggju hans og mark-
miði að sjá rekstrarafkomu Baulu
lagða í rúst.
Ég ætla ekki að svara öðrum
ruglings- og þokukenndum atriðum
í blaðagrein MS-forstjórans en af
því að hann skrifar um að MS geri
sér far um að tryggja hag neytenda
í verðlagningu á vörum sínum þá
ætla ég að koma hér með eitt lítið
dæmi um verðlagningu MS. Hefur
ekki MS gleymt að tryggja hag
neytenda í öðrum vörum en þeim
sem eru í samkeppni við Baulu.
MS verðleggur sem sagt ávexti
og bragðefni í skyr á 162 kr. í
hvert kg af skyri sem þeir hafa
lögvarinn einkarétt á að selja. Hins
Þórður Ásgeirsson
„Það er rangt að ég
hafi boðið MS Baulu til
kaups. Það er hins veg-
ar rétt að aðrir hafa
nefnt það við forstjóra
MS að hugsanlega gæti
MS forðað því að Baula
gerist afurðastöð og um
leið gert góðan „busi-
ness“ með því að kaupa
hlutabréf Baulu á Qór-
foldu nafiiverði.“
vegar verðleggja þeir ávexti og
bragðefni í hvert kg af jógúrt á 11
kr. Lesendur verða að dæma um
hvort þetta bendir til meiri um-
hyggju MS fyrir neytendum eða
áhuga á að drepa keppinautinn
Baulu með lágri álagningu á einu
vöruna sem Baula framleiðir — jóg-
úrt með ávöxtum.
Gerðir þú þér grein fyrir því les-
andi góður að ávaxtaskyr er 30%
dýrara en ávaxtajógúrt og heldur
þú að þetta væri svona ef Baula
mætti líka framleiða ávaxtaskyr?
Höfundur erforstjóri Baulu.
80 keppendur á J
frj álsíþr óttamóti
Borg í Miklaholtshreppi.
Fijálsíþróttamót á sunnan-
verðu Snæfellsnesi var haldið
nýlega að Breiðabliki. Þátttaka
í þessu móti var úr öllum hrepp-
um sunnan fjalls. Er þetta í ann-
að sinn sem þessi háttur er hafð-
ur en nú var þátttaka úr öllum
sveitum sem ekki var í fyrra.
Upphafsmaður að þessu móts-
haldi er formaður Iþróttafélags
Miklaholtshrepps, Eggert Kjartans-
son á Hofstöðum. Keppendur á
þessu móti voru rúmlega 80 tals-
ins. Verðlaunapeningar voru gefnir
af útibúi KB á Vegamótum. Móts-
stjóri var Höskuldur Goði Karlsson
skólastjóri Laugagerðisskóla. Úrslit
mótsins urðu þessi: íþróttafélag
Miklaholtshrepps 130 stig, Eldborg
Kolbeinsstaðahreppi 94 stig, Ung-
mennafélag Staðarsveitar 47 stig,
Árroðinn Eyjahreppi 26 stig,
Trausti Breiðuvíkúrhreppi 24 stig.
Á meðan á mótsstarfi stóð mátti
heita að væri þurrt veður og tókst
þetta á allan hátt ljómandi vel.
Segja má að hér sé góður íþrótta-
andi meðal unga fólksins. Það var
góð tilbreytni frá amstri daganna
sem flestir eru sólarlausir og blaut-
ir, að sjá þetta unga fólk hraust
og frjálslegt í hörkuspennandi
keppni.
Páll
Þorvaldur Halldórsson sér um tónlist á Sólardögum 89 ásamt öðru
Ungu fólki með hlutverk.
Ungt fólk með hlutverk:
Sólardagar ’89
UNGT fólk með hlutverk, ásamt
erlendum gestum, stendur fyrir
dagskrá sem það kallar Sólardaga
89 á næstunni. Raðsamkomur
verða í Seltjarnarneskirkju og
samverustundir verða á Eiðis-
torgi, í miðbæ Reykjavíkur og
víðar næstu þrjár vikur.
Átakið hefst í Seltjarnameskirkju
sunnudaginn 30. júlí með kvöldmessu
kl. 20.30 þar sem fram fer altaris-
ganga og létt tónlist verður flutt.
Séra Solveig Lára Guðmundsdóttir
þjónar fyrir altari og Jóhann Guð-
mundsson predikar.
Ungt fólk með hlutverk og gestir
þess leika á hljóðfæri, syngja, verða
með leikræna tjáningu og fólk sem
mætt hefur Jesú sem frelsara sínum
verður með vitnisburði. Oll tónlist er
í umsjá Þorvalds Halldórssonar.
COMBICAMPtjaldvagnar SÝN
Staðreyndir:
Engin hælun — 15 sek. að tjalda
3 m3geymsla — Gólf íframtjaldi
Stórir hjólbarðar — Góðar fjaðrir
Vindþéttur og hlýr — Hátt endursöluverð
Hagstætt verð —
Góð greiðslukjör
Opið:
Laugardag kl. 10-17.
Mánudag-föstudags
kl.9-18.
BENCO hf.
Lágmúla 7, sími 84077.