Morgunblaðið - 21.06.1990, Blaðsíða 6
6 B
MORGUNBLAÐIÐ VIDSKIPTI/ATVINNULÍF FIMMTUDAGUR 21. JÚNÍ 1990
Bílar
Ætlum að ræsa Mazda
til leiks á ný
— en fyrsta spölinn verður að fara varlega segir Hallgrímur Gunnarsson forstjóri
Ræsis um uppbyggingu Mazda—umboðsins á íslandi
eftir Gylfa Magnússon
RÆSIR hf. telst vart í hópi þeirra fyrirtækja sem mest hefur gustað
um síðustu árin. Starfsemi þessa rótgróna umboðs fyrir Mercedes—
Benz á íslandi hefur tekið hægum breytingum undanfarin ár og
áratugi en nú er útlit fyrir að umsvif þess aukist til muna. Forsvars-
menn fyrirtækisins eiga í viðræðum við Mazda—bílaverksmiðjurnar
í Japan um að verða umboðsmenn fyrir framleiðslu Japananna hér-
lendis. Af samtali við Hallgrím Gunnarsson forstjóra Ræsis er þó
að merkja að þeir Ræsismenn ætla ekki að flana að neinu eða reisa
sér hurðarás um öxl.
Það er ef til vill gott merki um
styrka stöðu Ræsis að fulltrúar
Mazda höfðu samband við fyrirtæk-
ið að fyrra bragði í vor til að kanna
áhuga manna þar á að gerast um-
boðsmenn fyrir Mazda. Mazda átti
einnig í viðræðum við aðra aðila á
íslandi en fyrir skömmu þuðu Jap-
anarnir Ræsi að gerast umboðs-
maður sinn á íslandi að því til-
skyldu að samningar næðust um
það hvemig standa skyldi að rekstri
umboðsins og samskiptum fyrir-
tækjanna, meðal annars hvernig
þjónustu við núverandi Mazda—eig-
endur verði háttað. Þeir samningar
standa nú yfir og er stefnt að því
að ljúka þeim í næsta mánuði.
Hallgrímur segir að fulltrúar jap-
önsku verksmiðjanna séu afar ná-
kvæmir í öllum samningum en því
séu þeir hjá Ræsi vanir eftir sam-
skiptin við Benz—verksmiðjurnar.
Ef allt gengur upp geta íslenskir
bíiakaupendur átt von á að þeim
gefist á ný kostur á að kaupa nýja
Mazda—bíla í kringum næstu ára-
mót.
Benz og Mazda eiga vel
saman
Hallgn'mur telur að fátt sé því
til fyrirstöðu að umboð fyrir Merce-
des—Benz og Mazda séu á einni
hendi hérlendis og segir raunar að
margt mæli með því. „Um leið og
við sáum að þetta gæti verið raun-
hæfur möguleiki þá létum við
Benz—menn vita,“ segir Hallgrím-
ur. Hann segir að þeir hafi verið
jákvæðir þar sem grundvallar-
afstaða Mercedes—Benz í svona til-
vikum markist alltaf af því á hvern
hátt Mercedes—Benz eigendum
verði best þjónað. Þeir vildu frekar
hafa traustan umboðsmann sem
hefði góðar líkur á að lifa af sam-
keppnina en umboðsaðila sem hefði
eingöngu Mercedes—Benz en gæti
ekki náð hámarks árangri í sölu og
þjónustu.
Hallgrímur bendir og á að í mörg-
um nágrannalandanna eru fordæmi
fyrir svipuðu __ samlífí nokkurra
bíltegunda, á írlandi annast sami
aðilinn sölu á Benz, Mazda og
Volkswagen, í Svíþjóð Benz og
Nissan, í Finnlandi Benz, BMW,
Honda og Fiat. „Það eru því mörg
fordæmi fyrir því að Benz sé með
öðrum,“ segir Hallgrímur. „Auk
þess má geta að hér á landi er al-
gengt að sami aðili sé með fleiri
en eitt umboð og það jafnvel fyrir
bílategundir sem keppa að miklu
leyti um sömu viðskiptavinina.
Þetta er í sjálfu sér bara spurning
um að velja hagkvæmt rekstrar-
form.“
Benz gleymist ekki
Hallgrímur segir að málum verði
svo komið fyrir að eftir sameining-
una veiti sérstök deild innan Ræsis
eða ákveðnir starfsmenn Benz—eig-
endum þjónustu og þess verði sér-
staklega gætt að þeim þyki sinn
hlutur ekki verri en áður. „Okkar
fyrsta verk er að gera Benz—þjón-
ustuna betri," segir Hallgrímur.
„Benz gleymist ekki.“ Hann telur
raunar að sambýlið geti komið Benz
að verulegu leyti til göða því að
þegar fleiri komi til að skoða bíla
þá muni fólk sem ella hefði ekki
einu sinni skoðað Benz vegna þess
að það taldi þá of dýra ef til vill
sjá að það eru betri kaup í bílum
af þeirri tegund en það hélt að óat-
huguðu máli.
Hallgrímur telur að þessar tvær
bílategundir keppi ekki nema að
óverulegu leyti um hylli sömu við-
skiptavinanna og það mæli með því
að Ræsir taki að sér Mazda—
umboðið. „Það er mjög lítil skörun
á milli merkjanna," segir Hallgrím-
ur, „hvorki í fólks— né sendibílum.
Mazda—sendibílarnir eru fyrir neð-
an Benz—bílana í stærð, burðargetu
og verði. Við sjáum því fram á
mjög fáa árekstra."
Hallgrímur telur að það hafi ráð-
ið talsverðu um að Mazda ákvað
að ganga til samninga við Ræsi að
allt að 80% umsvifa Ræsis eru
vegna sölu á bílum til atvinnubíl-
stjóra en Mazda selur aðallega
fólksbíla til einkanota svo að minni
hætta er á hagsmunaárekstrum
vegna keppni um hylli viðskiptavina
en væri hjá bílaumboði sem seldi
fyrir mikið af fólksbílum. Hallgrím-
ur segir að atvinnubílstjórar séu
afar kröfuharðir kaupendur og því
hafi Ræsir þurft að leggja mjög
mikið upp úr þeim þætti starfsem-
innar og til dæmis verið fyrstir til
að taka í notkun réttingarbekk fyr-
ir bíla sem lent hafa í árekstri og
bremsuprófunartæki. „Við erum
með vel búið verkstæði og góða
menn og það kann að hafa haft sín
áhrif,“ segir Hallgrímur.
Áhætta fyrir Ræsi
Hallgrímur segir að vissulega
fylgi þessum auknu umsvifum
nokkur áhætta fyrir Ræsi. „Öllu
svona fylgir nokkur áhætta," segir
Hallgrímur. „Það er auðvitað ætl-
unin þegar lagt er upp að fara ekki
of geyst, skuldsetja sig ekki um of
þannig að það eru ekki uppi nein
áform um byggingarævintýri eða
neitt slíkt í tilefni þessa.“
Hallgrímur telur að þegar til
lengri tíma er litið verði það tals-
verður kostur fyrir Ræsi að selja
bíla frá tveimur mismunandi gjald-
eyrissvæðum því að sveiflur í gengi
erlendra gjaldmiðla ráði miklu um
samkeppnisstöðu innflutningsfyrir-
tækja hérlendis. Þannig getur
áhættan minnkað því að þegar
gengi þýska marksins hækkar
gengur sala á Benz treglega en
batnar ef það lækkar í Verði. Með
því að renna fleiri stoðum undir
fyrirtækið á þennan hátt verður því
um leið dregið úr sveiflum i tekjum
þess að mati Hallgríms.
Hallgrímur segir ljóst að húsnæði
fyrirtækisins verði eitthvað að
stækka frá því sem nú er til þess
að hýsa alla starfsemina en segir
að engin ákvörðun hafi verið tekin
um það hvernig staðið skuli að því.
Hann segir þó að hús Bílaborgar
sem áður hafði Mazda—umboðið
komi vart til greina. „Það yrði of
stór biti að kyngja,“ segir Hallgrím-
ur. Hann bætir því við að ekki verði
farið út í að kaupa eða byggja hús-
næði undir fyrirtækið á nýjum stað
fyrr en næsta víst sé að núverandi
húsnæði fyrirtækisins við Skúla-
gctu seljist, frekar verði starfsemi
þess höfð að hluta í bráðabirgða-
húsnæði um tíma. „Þetta verður
að falla saman,“ segir Hallgrímur.
„Ég á ekki von á því að það gerist
neitt næstu tvö til þrjú árin og því
verðum við hér áfram.“
„Ég held að það taki tíma að
koma þessu af stað,“ segir Hallg-
rímur. Hann segir að það muni taka
tíma að byggja upp þjónustu fyrir
viðskiptavinina, kynnast markaðs-
þörfinni — komast að því hvaða
bílgerðir og hve mikið beri að panta.
Síðara atriðið skiptir ekki minnstu
máli í Ijósi þess að um hálft ár líður
frá því að bílar eru pantaðir frá
verksmiðjunum í Japan og þangað
til þeir koma á markað hérlendis.
Samkeppnisaðilarnir liggja heldur
ekki á liði sínu og hafa til dæmis
bæði Hekla, sem flytur inn Mitsub-
ishi, og P. Samúelsson, sem flytur
inn Toyota, varið miklu í auglýs-
ingar undanfarin misseri. Það er
ljóst af samtalinu við Hallgrím að
hann sér fram á mikla vinnu fyrir
sig og aðra starfsmenn Ræsis
næstu misseri.
Leikreglunum breytt í
sífellu
Það auðveldar Ræsis—mönnum
ekki vinnuna að sveiflur í bílainn-
flutningi hafa verið mjög miklar
undanfarin ár. „Erlendis gapa menn
af undrun þegar þeir heyra hvernig
leikreglunum fyrir bílgreinina er í
sífellu breytt hérlendis,“ segir
Hallgrímur. „Þó að við förum ekki
lengra en fjögur til fimm ár aftur
í tímann þá er búið að breyta leik-
reglunum margoft á þeim tíma.
Fyrst voru tollar lækkaðir í stóru
stökki, síðan voru þeir hækkaðir,
að því er mig minnir í tvígang, þá
var verð varahluta allsnarlega
lækkað vegna tollabreytinga og um
leið var öllu tollflokkunarkerfi
breytt.“ Hallgrímur segir að síðast-
nefnda breytingin hafi kostað bfla-
umboð gífurlega vinnu enda hafi
Ræsir til dæmis hátt í 20.000 mis-
munandi varahluti á skrá. Við þessa
upptalningu bætist svo upptaka
staðgreiðslu skatta og virðisauka-
skatts, aðrar breytingar á sköttum
og ófáar gengisfellingar. „Maður
er varla búinn að aðlaga sig að
nýjum aðstæðum þegar næsta
breyting kemur,“ segir Hallgrímur.
Hallgrímur bendir einnig á að
reglum um innflutning á notuðum
bílum hafi verið breytt. Fyrst var
það verð sem tollur var greiddur
af miðað við það verð sem umboðs-
menn bílanna fengu þá á frá verk-
Kvöldverður í Grillinu er engum líkur. Nýr
matseðill býður bæði nýja og hefðbundna
rétti. Stórkostlegt útsýnið er enn á sínum
stað ásamt þjónustu í sérflokki.
KVÖLDVER
Opið öll kvöld.
Mímisbar í nýjum búningi er góð byrjun
og endir á góðu kvöldi.
Opinn fimmtud.-sunnud. frá kl. 19:00.