Morgunblaðið - 05.01.1994, Qupperneq 13

MORGUNBLAÐIÐ MIÐVIKUDAGUR 5. JANÚAR 1994
13
►
)
)
)
>
í
»
I
I
I-
Morgunblaðið/Kristinn
Við styrkveitingu Visa. F.v. Sigríður Eyþórsdóttir, Þóra Einarsdótt-
ir, Jón G. Friðjónsson og Ingibjörg Hauksdóttir eiginkona Hannesar
Péturssonar.
Styrkþegar menn-
ingarsjóðs Yisa
STYRKIR úr menningarsjóði Visa voru afhentir í Listasafni Sigur-
jóns Ólafssonar 30. desember. Þeir sem þá hlutu eru Hannes Péturs-
son skáld, Jón G. Friðjónsson dósent, Þóra Einarsdóttir sópransöng-
kona og Perlan, leikhópur þroskaheftra. Alls nema verðlaunin einni
og hálfri milljón króna. Þau voru nú veitt í annað sinn.
Menningarsjóðurinn var stofnað-
ur 1992 á aðalfundi Visa íslands —
Greiðslumiðlunar hf. Stjórn hans
skipa Jóhann Ágústsson aðstoðar-
bankastjóri, Einar S. Einarsson
framkvæmdastjóri og Jón Stefáns-
son organisti og kórstjóri. Verð-
launin eru veitt á fjórum sviðum: Á
sviði rit- og ljóðlistar, vísinda og
fræða, tónlistar og loks leiklistar
og líknarmála.
í umsögn sjóðsstjórnar segir að
Hannes Pétursson hafí í nærfellt
fjóra áratugi staðið í fremstu röð
íslenskra ljóðskálda. Hann hafi á
meistaralegan hátt brúað bilið milli
hins hefðbundna ljóðforms og nú-
tímaljóða, en fá íslensk ljóðskáld
hafí náð eins fögrum samhljómi við
landið sitt og hann. Djúpar tilfinn-
ingar hafi líka verið honum yrkis-
efni og nefna megi einlæg og hríf-
andi trúarljóð hans. I haust sendi
Hannes frá sér ljóðabókina Eldhyl.
Um Þóru Einarsóttur segir að
hún hafí verið ein fárra útlendinga
sem inngöngu hlutu í „Guildhall
School of Music and Drama“ í Lund-
únum. Á fímmta hundrað hafí
þreytt próf en tuttugu nemendur
verið teknir inn 1991. Og fyrir ári
hafí hún hlotið inngöngu í óperu-
deild skólans, yngst þeirra sem það
hefur tekist. Þóra er fædd 1971,
stúdent af tónlistarbraut MH og
nemandi Ólafar Kolbrúnar Harðar-
dóttur í Söngskólanum í Reykjavík.
Hún söng með kór íslensku óper-
unnar og Kór Langholtskirkju, oft
einsör.g, auk smærri hlutverka í
óperunni áður en hún hélt utan.
Kennari hennar þar er Laura Sarti.
Jón G. Friðjónsson hlaut verðlaun
á sviði vísinda og fræða fyrir orða:
tiltækjabókina Mergur málsins. í
umsögn sjóðsstjórnar segir að meira
en tíu ára vinna búi að baki verk-
inu, fjallað sé um yfir 6.000 orðatil-
tæki og nærri láti að tveir þriðju-
hlutar þeirra hafí ekki verið áður
skýrð með þessum hætti. Hér sé
um að ræða stórverk á sviði málvís-
inda og íslenskra fræða.
Um leikhópinn Perluna segir að
þessi hópur þroskaheftra, sem æft
hafí leikþætti og sýnt opinberlega
undir stjórn Sigríðar Eyþórsdóttur
leiklistarkennara, hafi hvervetna
vakið athygli og aðdáun á undan-
förnum árum fyrir einlæga og fagra
túlkun. í Perlunni sem fyrst hafí
komið fram 1982 séu 13 manns,
hópurinn hafí komið fram á ýmiss
konar samkomum, útvarpi, sjón-
varpi og listahátíðum, að ógleymd-
um sýningum á leikferðum til út-
landa. Sigríður hafi í ellefu ár
stjórnað Perlunni af þrautseigju og
alúð. Fyrir það verðskuldi hún lof
og leikhópurinn virðingu og viður-
kenningu.
Örn Árnason og Lilja Guðrún Þorvaldsdóttir í hlutverkum sínum.
Kjaftagangur á fjal-
irnar í Þjóðleikhúsinu
NÚ ERU aftur að hefjast sýning-
ar á gamanleiknum Kjaftagangi,
sem frumsýndur var í Þjóðleik-
húsinu í vor.
í sýningunni taka þátt allir helstu
gamanleikarar leikhússins af yngri
kynslóðinni, þau Sigurður Sigur-
jónsson, Öm Árnason, Lilja Guðrún
Þorvaldsdóttir, Tinna Gunnlaugs-
dóttir, Ólafía Hrönn Jónsdóttir,
Pálmi Gestsson, Halldóra Björns-
dóttir og Ingvar E. Sigurðsson, auk
Randvers Þorlákssonar og Þóreyjar
Sigþórsdóttur. Asko Sarkola, sem
er einn af þekktustu leikhúsmönn-
um Norðurlanda, setti Kjaftagang
á svið.
Kjaftagangur er eftir þekktan
Nbandarískan gamanleikjahöfund,
Neil Simon, en Þórarinn Eldjárn
þýddi og staðfærði verkið og lætur
það gerast á íslandi. Þetta er farsi
með tilheyrandi misskilningi, flækj-
um og ærslum.
Fyrirhugað er að sýna Kjafta-
gang til loka janúarmánaðar, þann-
ig að sýningum fer nú fækkandi.
Næstu sýningar á Kjaftagangi
eru laugardaginn 8. janúar og
fimmtudaginn 13. janúar.
Um karla
veró frá ocg meö
1. febrúar:
2.850
-en fynip
konup og
karfa
fæst í næstu
bókabúó
Karlmenn hafa löngum verið tregir til að spyrja
spurninga sem varða karlmennskutákn þeirra:
kynfærin. Hvað er eðlilegt? Hvað hefur farið úrskeiðis
þegar kynlífsvandamál láta á sér kræla? Hvers vegna
eru sumir menn ófrjóir og hvað geta læknar gert við
því? Hvernig skal túlka varnaðarmerkin?
Karlafræðarinn svarar þessum spurningum og
ótalmörgum öðrum sem allt of sjaldan koma upp á
yfirborðið. Höfundurinn hefur lagt stund á
„karlalækningari* um árabil og lýsir reynslu sinni á
beinskeyttan, spaugsaman og notalegan hátt. Hann
fjallar um kynfæri karlmannsins, m.a. þýðingu þeirra í
sögunni, um goðsagnirnar, kynhvötina, sjúkdómana
og frjósemina - og slær aldrei af kröfum um fræðilega
nákvæmni, þótt hann leyfi sér að færa í stílinn.
Þetta er bók fyrir karla á öllum aldri, og
konur sem vilja kynnast karlkyninu út í hörgul.
O Ft
A G I
M A L O G M E N N I N G