Morgunblaðið - 26.04.1994, Blaðsíða 1
KNATTSPYRNA
HANDKNATTLEIKUR: SELFYSSINGAR LÖGÐU VALSMENN AÐ VELLI / B3
1994
ÞRIÐJUDAGUR 26. APRIL
BLAD
Eyjólfur hafnaði eins
árs tilboði frá Stuttgart
Er með tilboð frá öðrum þýskum félögum og einnig frönskum
Eyjólfur Sverrisson, landsliðs-
maður í knattspyrnu, hafnaði
fyrir helgina eins árs samningi frá
Stuttgart, en Dieter Höness, fram-
kvæmdastjóri félagsins, vill hafa
hann áfram hjá félaginu. „Ég var
ekki ánægður með það tilboð sem
mér var boðið,“ sagði Eyjólfur, en
hann og Höness hittast aftur
næstu daga til að ræða málin.
„Ég ætla ekki að ana að neinu.
Stuttgart verður að bæta tilboð
sitt verulega til að ég taki því.
Þá hef ég lítinn áhuga að vera að
taka tilboði, til að vera stöðugt
að keppa um sæti við fjölda útlend-
inga, en aðeins þrír geta leikið hér
í einu.
Það sem ég hef fengið fimm
önnur tilboð frá félögum í Þýska-
landi og Frakklandi, er ég í þeirri
stöðu að ég þarf ekki að örvænta.
Þetta iítur vel út,“ sagði Eyjólfur,
sem getur vel hugsað sér að breyta
til og leika í Frakklandi. „Knatt-
spyrnan í Frakklandi er mun sókn-
djarfari en í Þýskalandi, þar sem
leikinn er leikur hinna sterku
varna. Ég hef orðið Þýskalands-
meistari og get vel hugsað mér
að reyna eitthvað nýtt — fara í
sóknarboltann í Frakklandi."
Krislján
skoraði
íNoregi
Bjami lék vel í mark-
inu hjá Brann
Kristján Jónsson gerði annað
mark Bodö/Glimt þegar liðið
sigraði HamKam 3:1 á útivelli um
helgina í norsku
úrvalsdeildinni í
knattspyrnu. Mark-
ið kom eftir horn-
spyrnu; Kristján
stóð við fjærstöng-
ina og skallaði knöttinn glæsilega
í netið.
Kristján var sterkur í vöminni
hjá Bodö/Glimt og var einn af
bestu mönnum liðsins. Antony
Karl Gregory lék ekki með
Bodö/Glimt.
Bjarni Sigurðsson var í aðal-
hlutverki í leik Brann og Start,
en iiðin skildu jöfn, 1:1, í Kristian-
sand. Start var mun betra liðið í
leiknum og sótti grimmt að marki
Brann, en Bjarni bjargaði öðru
stiginu fyrir lið sitt með mjög góðri
markvörslu.
Lilleström, sem Teitur Þórðar-
son þjálfari, gerði 2:2 jafntefli við
meistarana í Rosenborg, eftir að
hafa haft forystu, 2:0, þar til 10
mín. voru eftir.
Erlingur
Jóhannsson
skrifar frá
Noregi
Morgunblaðið/Gunnlaugur Rögnvaldsson
Þorvaldur Örlygsson er hér ásamt Joe Jordan, framkvæmdastjóra Stoke og Stanley Matthews, sem var knattspyrnu-
maður Evrópu 1956 og Knattspymumaður Englands 1948 og 1963, en hann krýndi Þorvald í glæsilegu hófi hjá Stoke.
Frægir
kappargegn
íslendingum
í Brasilíu
Carlos Alberto Parreira, lands-
liðsþjálfari Brasilíu, mun í
dag tilkynna landsliðshóp sinn sem
mætir Islendingum 4. maí. Þegar
er ljóst að nokkrir snjallir leikmenn
frá Evrópu mæta í slaginn, eins
og Jorginho, Bayem Múnehen,
Mozer, Benfica, Aldair, Roma,
Sergio, Bayer Leverkusen og
Dunga, Stuttgart. Litlar líkur eru
á að þeir Rai, París St. Germain,
Romario, Barcelona, Sa Silva og
Bebeto, La Coruna, geti komist í
leikinn, en það kemur í ljós í dag
þegar Carlos Alberto tilkynnir
landsliðshópinn á blaðamanna-
fundi.
Hlynur og
Amór hafa
leikið vel
Arnór Guðjohnsen lék vel þegar
Örebro sigraði Hammerby
1:0 á útivelli á sunnudaginn. Eina
mark leiksins var gert eftir horn-
spyrnu frá Arnóri.
Hlynur Stefánsson
hefur einnig leikið
vel á miðjunni og
eftir fimm umferðir
er hann í hópi efstu
manna í punktagjöf Sænska dag-
blaðsins.
IFK Gautaborg hefur náð
þriggja stiga forskoti í úrvalsdeild-
inni, en þtjú stig eru gefin fyrir
sigurleik. Liðið er með 15 stig,
Öster 12, Malmö og Örebro 11.
Grétar Þór
Eyþórsson
skrifar frá
Svíþjóð
Þorvaldur bestur hjá Stoke
Þorvaldur Örlygsson tók á
fimmtudaginn við bikar sem
viðurkenningu fyrir að vera valinn
besti leikmaður Stoke á keppnis-
tímabilinu. Það er félag fyrrum leik-
manna, styrktaraðila og heiðurs-
félga Stoke sem kusu Þorvald best-
an.
„Þetta er auðvitað mikill heiður
fyrir mig og þá sérstaklega að ég
er fyrsti útlendingurinn til að vera
valinn bestur hjá Stoke. Ég fékk
bikar fyrir og einnig fylgja þessum
titli ýmis fríðindi.
Mér var afhentur bikarinn í mik-
illi veislu á fimmtudaginn þar sem
300 karlmenn voru samankomnir.
Gríðarlega fín veisla en maður kíkti
nú bara inn, tók við verðlaununum
og fékk sér að borða en fór strax
eftir það,“ sagði Þorvaldur í sam-
tali við Morgunblaðið um helgina.
Þorvaldur nefbrotnaöi
Stoke gerði markalaust jafntefli
við Notts County á laugardaginn
og tapaði liðið þar mikilvægum stig-
um í baráttunni um að komast í
úrvalsdeildina.
„Við vorum miklu betri og feng-
um fullt af færum sem við nýttum
ekki þannig að þeir komust í burtu
með eitt stig. Við eygjum þó enn
von um að komast upp, en tvö lið
fara beint og næstu fjögur leika
um tvö önnur sæti.
Ég nefbrotnaði í leiknum, en lét
mig hafa það að halda áfram. Ég
held að þetta liafi verið óviljandi,
við stukkum upp til að skalla og
hann var dálítð seinn. Ég er mikið
bólginn en á von á að ég leiki með
í næstu leikjum," sagði Þoiwaldur.
adidas
Sporthús Reykjavíkur
Laugavegi 44