Morgunblaðið - 26.04.1994, Blaðsíða 5

MORGUNBLAÐIÐ IÞROTTIR ÞRIÐJUDAGUR 26. APRÍL 1994
B 5
JUDO / ISLANDSMOTIÐ
Tvísýn barátta í
opna flokknum
Vernharð Þorleifsson, Akur-
eyringurinn ungi sem varð tvö-
faldur Norðurlandameistari á
dögunum, fagnaði aftur sigri í
þyngdarflokki sínum og opnum
flokki á íslandsmótinu, sem
fram fór í heimabæ hans á laug-
ardag. Sigurinn f þyngdar-
flokknum var auðveldur, en úr-
slitaglíman vlð Sigurð Berg-
mann f opna flokknum tvísýn
og Vernharð sigraðl á dómara-
úrskurði. Á myndinni að neðan
situr Sigurður á Vernharð, eftir
að hafa náð honum í gólfið en
Grindvíkingurinn náði bragðinu
utan vallar, og hann fékk því
ekki stig fyrir það. Vernharð
fagnar sigri f glímunni hér til
hliðar og á neðstu myndinni
afhendir Bjarni Friðriksson arf-
taka sínum sem besta júdó-
manni íslands, bikarínn fyrir
sigur í opna flokknum.
Geriþað
semþarf
- segir Vemharð
Þorleifsson, tvöfald-
ur íslandsmeistari
Vernharð Þorleifsson var að
vonum sigurreifur er Morgun-
blaðið náði tali af honum eftir verð-
launaafhendinguna. „Þetta er hlut-
ur sem ég hef stefnt lengi að. Ég
ætlaði að gera þetta í fyrra en
tókst ekki. Það hefði verið
skemmtilegra að vinna Bjarn’a, en
Siggi er alltaf erfiður. Hann er svo
ofboðslega hraustur, karlinn."
Vernharð sagði að framundan
væri Evrópumeistaramótið í Pól-
landi 19. maí og fleiri mót erlendis
sem hann myndi reyna að komast
á. „Það er aðallega fjárhagshliðin
sem dæmið strandar á. Júdósam-
bandið er sennilega fátækasta fé-
lagið innan ÍSÍ, og það er slæmt
til þess að hugsa að maður komist
kannski ekki út til að keppa vegna
auraleysis. Það er einna helst að
leita til fyrirtækja með stuðning,
en mér finnst bara mjög niðurlægj-
andi að gánga á milli og betla.
Hins vegar fá fyrirtækin afar góða
auglýsingu út úr þessu, sérstak-
lega þau sem eiga hagsmuna að
gæta erlendis."
Aðspurður um glímustíl sinn
sagði Vemarð: „Ég glími kannski
ekki fallega, en ég gerði það sem
þarf til að vinna. Maður þarf ekki
að vera að taka ipponköst þvers
og krass. Ég er búinn að læra það
að glíma mína glímu af öryggi
fremur en að vera með einhver
trix og tapa á áhættu og klaufa-
skap. Það jafnast ekkert á við að
vinna,“ sagði meistarinn.
FOLK
■ BJARNI Friðriksson var að
venju mjög áberandi á íslandsmeist-
aramótinu. Ekki kastaði hann þó
neinum í gólfíð og enginn lenti í al-
ræmdum armlás Bjarna, heldur var
hann kynnir mótsins og skilaði því
verki með sóma.
■ ANNAR þekktur kappi, Freyr
Gauti Sigmundsson íslandsmeistari
í -78 kg flokki í fyrra, var fjarri
góðum gamni vegna slæmra axlar-
meiðsla. Hann var nú samt ekki svo
ýkja fjarri, því tímavarsla á mótinu
var í hans höndum.
■ SIGUR Vemharðs í opna
flokknum markar ákveðin tímamót
í sögu íþróttarinnar hér á landi því
þetta er í fyrsta sinn síðan á áttunda
áratugnum að einhver annar en
Bjarni Friðriksson vinnur.
■ ÞAÐ kom mjög á óvart er Þor-
valdur Biöndal lagði Halldór Haf-
steinsson að velli í -86 kg flokki.
Var Þorvaldi vel fagnað en af eng-
um þó eins mikið og skólafélögum
hans úr MA. Ætlaði sigurhrópum
þeirra seint að linna.
■ ÞESSI hópur menntskælinga lét
mikið til sín taka á áhorfendabekkj-
unum og setti mjög mjög skemmti-
legan svip á mótið.
■ FRIÐRIK Blöndal silfurverð-
launahafi í -78 kg flokki fékk væg-
ast sagt þungt prógramm í opna
flokknum. Þar glímdi hann bæði við
Jón Jakobsson félaga sinn i KA og
Sigurð Bergmann frá UMFG, efstu
menn í þungavigtarflokknum. Frið-
rik velgdi þeim þó báðum undir ugg-
um og glímdi af mikilli glettni við
stóru mennina, þrátt fyrir tap í báð-
um viðureignunum.
■ MEÐAL áhorfenda var Guð-
laugur Halldórsson Islandsmeistari
í -86 kg flokki í fyrra. Guðlaugur,
sem ér KA-maður hefur ekkert æft
í vetur.
■ KA og Ármann fengu þtjá ís-
landsmeistara hvort félag, en UMFG
•og Baldur hlutu einn titil hvort.
Jg§ .... mi
WM/ . \

Morgiinblaðið/Rúnar Þór
Vemharð getur
náð mjög langt
- segir Bjarni Friðriksson
^^ernharð er orðinn mjög öflugur júdómaður nú þeg-
ar, en hann er nátturlega ungur, bara 21 árs. Ef
hann heldur áfram á sömu braut, æfir vel og skipulega
og kemst á mót erlendis, helst sjö til tíu sinnum á ári,
þá getur hann komist mjög langt, jafnvel náð í allra
fremstu röð. En til þess þarf hann fjárhagslegan stuðn-
ing. Það sem hann vantar er reynsla fyrst og fremst,
sagði Bjarni Friðriksson er Morgunblaðið innti hann
álits á arftaka sínum.
„Kostir Vernharðs sem júdómanns eru þeir að hann
er sterkur og mjög stöðugur. Hins vegar finnst mér
hann kannski ekki sækja nóg, og hann þarf því að
bæta tæknina," sagði Bjami.
Vemharð sterkastur
VERNHARÐ Þorleifsson, 21 árs KA-maður, er arftaki Bjarna Frið-
rikssonar í íslensku júdói. Það sannaði hann á íslandsmeistara-
mótinu sem var haldið í KA-húsinu á Akureyri á laugardaginn.
Vernharð sigraði auðveldlega í -95 kg flokki og lagði Sigurð
Bergmann frá Grindavík að velli í úrslitaglímu opna flokksins.
Þessi ungi afreksmaður er því nýkrýndur konungur íslenskra
júdómanna.
Hátindur mótsins var vitanlega
úrslitaglíman í opna flokkn-
um milli þeirra Vernharðs og Sig-
urðar. Báðir höfðu
glímt afbragðsvel
fram að því og unnið
viðureignir sínar
mjög örugglega.
Rimman varð löng og hörð og hvor-
Pálmi
Úskarsson
skrifar frá
Akureyri
ugur sótti mikið. Tökin voru þó
bæði föst og þétt, enda mennirair
engir aukvisar. Kapparnir skoruðu
báðir koka og fengu einnig dæmt
á sig eitt víti hvor. Að lokinni glím-
unni stóðu þeir jafnir og þurfti því
dómaraúrskurður að ráða um úr-
slit. Vernharð þótti hafa sótt heldur
meira og var honum dæmdur sigur.
Sigurður Bermann var ekki alveg
sáttur við dóminn: „Ég taldi mig
hafa átt eina góða sókn sem hefði
átt að ráða úrslitum. Það var nátt-
úrlega vitað fyrirfram hvernig
hornadómararnir myndu dæma, þar
sem annar var þjálfarinn minn og
hinn þjálfarinn hans, en ég var
ekki sáttur við vallardómarann. En
maður verður búinn að gleyma
þessu á morgun.“ Sigurður getur
samt þokkalega við unað því auk
silfurs í opna flokknum hlaut hann
gull í +95 kg flokki þar sem hann
sigraði með yfirburðum. Jón Jak-
obsson varð annar og hinn ungi
Gísli Jón Magnússon lenti í þriðja
sæti sem og í opna flokknum. Bæði
Jón og Gísli eru KA-menn. Vern-
harð vann svo -95 kg flokkinn eins
og áður kom fram, en þar voru
keppendur aðeins þrír.
I -86 kg flokki kom Þorvaldur
Blöndal, KA, mjög á óvart og lagði
Halldór Hafsteinsson úr Árananni í
úrslitaglímu á wasa-ari. Þorvaldur
er aðeins 19 ára gamall og gríðar-
legt efni. Glíma þeirra tveggja var
líklega skemmtilegasta glíma móts-
ins. Jón Kr. Þórsson úr Ármanni
vann Friðrik Blöndal KA í úrslitum
-78 kg flokksins og kom það nokk-
uð á óvart þar eð Frirðik hafði glímt
afar vel fram að því.
Daníel Reynisson úr júdófélaginu
Baldri á Hvolsvelli sigi’aði Jónas
Jónasson, KA, í úrslitaglímu í -71
kg flokki og er þetta fyrsti íslands-
meistaratitill félagsins. Vignir Ste-
ánsson, Ármanni, vann í -65 kg
flokki annað árið í röð og Sævar
Sigursteinsson, KA, varð annar. í
-60 kg flokki sigraði svo Höskuldur
Einarsson úr Ármanni eftir sigur á
íslandsmeistaranum frá því í fyrra,
Rúnari Snæland úr KA.