Morgunblaðið - 04.10.1994, Page 4

4 ÞRIÐJUDAGUR 4. OKTÓBER 1994
MORGUNBLAÐIÐ
FRÉTTIR
Ný flugstjórnarmiðstöð tekin í notkun á Reykjavíkurflugvelli
Áætlaður kostnað
ur 1,4 milljarðar
Myndrænt upplýsingakerfi, Flugvakinn, afhent
NÝBYGGING flugstjórnarmiðstöðvarinnar. Áætlað er að öll starfsemi flytjist í nýju bygginguna á næsta ári.
NYJA flugstjórnarmiðstöðin á
Reykjavíkurflugvelli var tekin í
notkun við hátíðlega athöfn í gær,
og er það upphafið að uppbygg-
ingu tæknibúnaðar framtíðarinnar
hjá Flugmálastjórn samkvæmt
framtíðarstefnu sem Alþjóðaflug-
málastofnunin, ICAO, hefur mark-
að. Halldór Blöndal samgönguráð-
herra og dr. Assad Kotaite forseti
fastaráðs Alþjóðaflugmálstofnun-
arinnar lögðu hornstein að bygg-
ingunni. Aætlað er að-kostnaður
við nýju flugstjórnarmiðstöðina
með tilheyrandi tæknibúnaði verði
um 1,4 milljarðar króna.
íslenska ríkið greiðir um 20%
af framkvæmdakostnaðinum, en
ICAO um 80%, sem innheimt verða
í formi notendagjalda af alþjóð-
legri flugumferð í samræmi við
samning við ICAO. Gert er ráð
fyrir að starfsemi flugstjórnarmið-
stöðvarinnar verði að öllu leyti
flutt í nýju bygginguna á næsta
ári.
Lagning homsteins nýju flug-
stjómarmiðstöðvarinnar er liður í
50 ára afmæli Alþjóðaflugmála-
stofnunarinnar 7. desember næst-
komandi, en hún er ein af stofnun-
um Sameinuðu þjóðanna. Stjórnun
flugumferðar verður aðalviðfangs-
efnið í.nýju flugstjómarmiðstöð-
inni þegar allar viðkomandi deildir
flugumferðarþjónustunnar hafa
flutt starfsemi sína í hin nýju húsa-
kynni, en nú þegar hafa radíó-
deild, tölvudeild og skóli flugum-
ferðarþjónustunnar tekið til starfa
í byggingunni. íslenska fiugstjórn-
arsvæðið er næst stærsta úthafs-
flugstjómarsvæðið í heiminum, en
samtals er það 5,2 milljónir fer-
kílómetra, eða sem svarar til helm-
ingsins af meginlandi N-Ameríku.
Á síðasta ári fóm um flugstjórnar-
svæðið alls 64.955 flugvélar, en
áætlað er að um borð í þéim hafi
verið 13-14 milljónir farþega.
Nægur húsakostur
til ársins 2010
Ákvörðun um byggingu nýju
flugstjórnarmiðstöðvarinnar var
tekin árið 1990, og 10. september
1991 tók Halldór Blöndal sam-
gönguráðherra fyrstu skóflu-
stunguna að byggingunni. Við
hönnun flugstjórnarmiðstöðvar-
innar var reiknað með að húsa-
kostur yrði nægur til ársins 2010.
Var tekið mið af framkvæmda-
áætlun um uppbyggingu alþjóða-
flugþjónustunnar til þess árs, en
í þeirri langtímaspá er gert ráð
fyrir 3% aukningu flugumferðar á
ári. Starfsmenn í flugstjórnarmið-
stöðirini verða um 75 talsins þegar
öil starfsemin verður komin í
bygginguna. í henni verður háþró-
aður tæknibúnaður, svo sem flug-
gagnakerfi, fjarskiptastjórnkerfi,
ratsjárvinnslukerfi og upplýsinga-
kerfi. Er vonast til að búið verði
að afhenda og setja allan tækni-
búnaðinn upp fyrir sumarið 1995,
en stefnt er að því að hefja stjórn
flugumferðar í byggingunni í apríl
það ár.
Nýja byggingin er samtals
3.107,5 fermetrar og er hún á
einni hæð auk kjallara. Arkitektar
eru þeir Halldór Guðmundsson og
Ragnar Auðunn Birgisson hjá
Teiknistofunni hf., verkfræðihönn-
un annaðist Almenna verkfræði-
stofan hf. og Rafhönnun hf.
annaðist raffræðihönnun. Jarð-
vinnu annaðist Borgartak hf. og
SH verktakar hf. önnuðust upp-
steypu byggingarinnar. Bygging-
arstjóri er Jóhann H. Jpnsson
framkvæmdastjóri flugvallaþjón-
ustu, og formaður byggingar-
nefndar er Haukur Hauksson
varaflugmálastjóri.
Fyrsta myndræna
upplýsingakerfið
I tengslum við opnun bygging-
arinnar í gær afhenti Fjarhönnun
hf. Flugmálastjóm Flugvakann,
en það er heitið á nýjasta grafíska
upplýsingakerfi fyrirtækisins.
Flugvakinn er fyrsta myndræna
upplýsingakerfið fyrir flugumferð-
arstjórn, sem byggist á lykilborðs-
lausnum óháðum vinnustöðvum
og gerir vinnuumhverfi flugum-
ferðarstjóra pappirslaust. Flug-
vakinn er hannaður frá grunni til
að auka öryggi við ákvarðanatöku
flugstjóra í ört vaxandi flugumferð
og skilar hann upplýsingum til
flugumferðarstjóra á skjótari og
öruggari hátt en hingað til hefur
þekkst við flugumferðarstjóm. í
Flugvakanum eru allar þær upp-
lýsingar sem flugumferðarstjórar
höfðu áður aðgang að á pappír,
þar á meðal kort, vinnuferlar, upp-
lýsingar um bilanir og allar
handbækur. Hefur Flugvakinn
þegar vakið athygli meðal flugum-
ferðarstjórna víða erlendis og eins
meðal fyrirtækja sem framleiða
tækjabúnað er lýtur að flugum-
ferðarstjórn, og undirbýr Fjar-
hönnun hf. nú samningagerð við
samstarfsaðila um markaðssetn-
ingu og sölu Flugvakans erlendis.
ASSAD Kotaite og Halldór Blöndal lögðu hornstein
að hinni nýju byggingu.
Morgunblaðið/RAX
AÐ OFAN er Ása (t.h.) og fjölskylda hennar í nýja bílnum.
Ása fyrst upp „stigann“
TVÆR fyrstu bifreiðarnar í
Bingó Lottói á Stöð 2 voru af-
hentar á mánudag. Ásu Andrés-
dóttur, 13 ára úr Garðabæ, tókst
að komast upp allan „stigann"
í síðasta þætti og hlaut í vinning
50.000 kr. myndavél frá Hans
Petersen, 135.000 kr. Philips
sjónvarp frá Heimilistækjum
hf., 300.000 kr. ferðavinning
fyrir sig og fjölskylduna til
Flórída og 1.095.000 kr.
Volkswagen Golf-bifreið. Heild-
arverðmæti vinninganna er
1.580.000 kr.
Sama dag var Lúðvíki Jóns-
syni frá Höfn í Hornafirði af-
hent Volkswagen Vento-bifreið.
Bílinn hlaut Lúðvík í „bílastig-
anum“ 24. október. Verðmæti
bílsins er 1.498.000 kr.
Útgerðarmaður Stakfells og Hágangs I og II
Osk um bann á vetrar-
veiðar í Smugu furðuleg
VERÐI físk að fá í Smugunni munu
Stakfell og Hágangur I og II veiða
þar fram að jólum, að sögn Jóhanns
Jónssonar, framkvæmdastjóra Hrað-
frystistöðvar Þórshafnar hf., sem
gerir út Stakfell undir íslenskum
fána og á helmingshlut í Hágangi I
og II á móti fyrirtækinu Úthafi hf.
á Vopnafirði, en þau skip sigla undir
hentifána Mið-Ameríkuríkisins
Belize. Jóhann kveðst telja áskorun
skipstjóra- og stýrimannafélagsins
Sindra á Austfjörðum til samgöngu-
og sjávarútvegsráðgerra, um að
stöðva' haust- og vetrarveiðar í
Smugunni, furðulega.
Óttast ekki um öryggi
sjómanna
„Mér flnnst áiyktunin furðuleg,
þar sem hverjum er í sjáifsvald sett
hvort siglt er til hafs eftir veðri og
vindum og eftir getu skipsins, og
menn verða einfaidlega að meta slíkt
áður en lagt er úr höfn hveiju sinni,“
segir Jóhann. „Við höfum ekki mikla
reynslu af veiðum í Barentshafi, en
Færeyingar sem hafa stundað þar
veiðar um árabil segjast hafa veitt
þar árvisst fram að jólum. Á sein-
asta vetri stundaði Stakfellið veiðar
til 20. desember og rákum við okkur
ekki á mikia annmarka á þeim veið-
um. Sjómenn segja að veður þarna
séu almennt ekki eins hörð og hér
gerist, lægðimar séu t.d. miklu
grynnri. Skipin sem stunda þama
veiðar eru hine vegar mjög misjöfn
að stærð og hæfni, og það getur
verið að einhver skip eigi ekki erindi
þangað allt árið um kring. En hver
og einn skipstjóri verður að meta
hvort hann treystir skipi sínu í þetta,
námkvæmlega eins og gerist í öðrum
veiðum á Islandsmiðum. Ég óttast
ekki um öryggi sjómanna á þessum
slóðum, umfram aðrar hættur við
sjómennsku sem eru víða ef ekki er
aðgát höfð. Sama gildir um haust-
og vetrarveiðar í Smugunni, það
verður að leggja mat á aðstæður og
aldrei er of varlega farið. Við sjáum
engin rök fyrir því að setja allsheijar-
bann við veiðum á þessum slóðum
að vetrarlagi, fremur en einhvers
staðar hér við land. Mér fínnst að
útgerðir og skipstjórar verði að meta .
það í hveiju tilfelli, enda ekki hægt
að draga öll skipin í Smugunni í einn
dilk.“
Ekki verra en við ísland
Hafsteinn Esjar Stefánsson, skip-
stjóri og einn eigandi Skriðjökuls hf.
sem gerir út Ottar Birting undir
hentifána Panama, segir að sjómenn
sem hafa veitt í Smugunni telji veið-
ar þar að vetrarlagi síst verri en hér '
við land þegar verst er. Sjólag hér
við land sé t.d. verra. „Ég sé ekki
ástæðu til að vera andvígur veiðum
í Smugunni á þessum árstíma, ýmsar
þjóðir hafa veitt þarna allt árið og
þó að eflaust sé ekkert skemmtilegt
að veiða þar, er það varla verra en
á íslandsmiðum eða hættan meiri.
Norður af iandinu er ísing algeng
og ölduhæð miklu meiri hér en þar,“
segir Hafsteinn. Hann kveðst gera
ráð fyrir að Ottar Birting verði að
veiðum í Smugunni að minnsta kosti
fram að áramótum, en skipið var þar
að veiðum frá 10. desember til 10-i
janúar í fyrra.