Morgunblaðið - 01.11.1994, Qupperneq 12

KVENNALANDSLIÐIÐ
Þær vildu og gátu
- en heppnin varekki með íslensku stúlkunum
ÍSLENSKA kvennalandsliðið í
knattspyrnu tapaði 1:2 fyrir því
enska í seinni leik liðanna í
8-liða úrslitum Evrópukeppn-
innar í Brighton á sunnudag.
Enska liðið sigraði ífyrri leikn-
um í Reykjavík með sömu
markatölu, í leik þar sem fs-
lenska liðið lék langt undir getu
og segja má að „stelpurnar
okkar“ hafi tapað stríðinu þar.
Þær sýndu hins vegar í orr-
ustunni í Brighton, svo ekki
verður um villst, hvað f þeim
býr; léku mjög vel á köflum,
sköpuðu sér ágætis marktæki-
færi, en heppnin var ekki með
þeim og því eru þær úr leik f
keppninni.
Asta B. Gunnlaugsdóttir, leikja-
og markahæsta landsíiðskona
íslands, sem nú hefur ákveðið að
■■■ leggja skóna á hill-
Skapti una, gerði mark ís-
Hallgrímsson lands í Brighton —
skrifarfrá jafnaði með laglegu
Brighton marki á 36. mínútu —
og var óheppin að skora ekki að
minnsta kosti einu sinni til. Hún fékk
dauðafæri í upphafi seinni hálfleiks,
er staðan var 1:1, og með marki þar
hefði dæmið litið ailt öðru vísi út en
reyndin varð; Guðrún Jóna sendi fal-
lega í gegn á Ástu sem skaut, en
knötturinn fór í stöngina og aftur
fyrir. Aðeins spursmál um sentímetra
hvort leikurinn þróaðist ísiandi í hag
eður ei.
Allt annað var að sjá til íslenska
liðsins frá leiknum í Reykjavík. Ljóst
var strax í upphafi að nú var trúin
til staðar, þær trúðu, vildu og hefðu
getað, hefði heppnin verið með þeim.
„Stelpurnar okkar“ byrjuðu mun bet-
ur, fullar sjálfstrausts og engu var
líkara en þær væru á heimavelli.
Boltinn gekk vel manna á milli, en
síðan fengu þær á sig mark. Vanda
spymti útaf eftir að Auður meiddist
en í stað þess að kasta inn til ís-
lensks leikmanns héldu þær ensku
boltanum og fengu aukaspyrnu upp
úr því, 30 metra frá marki. Og Gill-
ian Coultard, hinn smái en knái fyrir-
liði liðsins - sem kom enska liðinu á
bragðið í fyrri leiknum með þrumu-
skoti af löngu færi - gerði sér lítið
og skoraði beint úr aukaspyrnunni;
hamraði boltann yfir varnarvegginn
og efst f homið.
Markið var sannarlega reiðarslag
fyrir íslensku stúlkumar og þvert
gegn gángi leiksins. Þær misstu
móðinn um tíma eftir það en réttu
síðan úr kútnum, og á 36. mín. jafn-
aði Ásta B. eftir að ísland hafði
snögglega snúið vörn f sókn; Olga
fékk boltann á miðjum velli, sendi
hárnákvæmt milli varnarmanna inn
á Ástu sem komst ein í gegn og skor-
aði af öryggi framhjá markverðinum
sem kom út á móti henni.
Ásta var svo aftur á ferðinni í
upphafí seinni hálfleiks en skaut í
Fyrirliðar heilsast
Morgunblaðið/Skapti Hallgrímsson
VANDA Sigurgeirsdóttir (t.h.), fyrlrllði íslenska liðsins, hellsar Gilllan Coultard, fyrlriiAa Englend-
inga og þær skiptust á fánum. Fyrir mlAJu er dómarinn R.O. Hanlon frá írlandi, sem dæmdi vel.
■ TVÆR íslensku landsliðsstúlkn-
anna luku glæstum ferli í Brighton
á sunnudag; Ásta B. Gunnlaugs-
dóttir úr Breiðabliki og Kristín
Arnþórsdóttir úr Val hyggjast nú
leggja skóna á hilluna frægu.
■ AHORFENDUR vissu ekki
hvaðan á þá stóð veðrið eft-ir leik,
þegar íslenska liðið kom allt saman
í einu horni vallarins, og engu var
líkara að það væri að leita ána-
maðka. Svo var hins vegar ekki þó
völlurinn væri rennblautur og að-
stæður því ákjósanlegar; stúlkumar
og Logi þjálfari gerðu sitt besta til
að finna hálsmen sem Ásta B. glat-
aði í leiknum, en án árangurs.
■ ÍSLENSKI þjóðsöngurinn var
ekki til á spólu á Goldstone Gro-
und, eins og Englendingarnir
héldu. Það var eitthvert allt annað
lag sem var á spólunni. íslendingar
voru með sönginn á geisladiski, en
verkfæri tii að ná laginu af honum
var ekki til á vellinum, þannig að
Rafn Hjaltalín, aðalfararstjóri,
bauðst til að syngja þjóðsönginn inn
á band. „Þeir neituðu því,“ sagði
hann sposkur á svip, og bætti við:
„Vita líklega að verið erum dýrir,
akureyrsku söngvararnir!“
■ ÞJÓÐSÖNG URINN hljómaði
fyrir leikinn; Englendingarnir
náðu að koma honum af geisladisk-
inum yfir á spólu í tæka tíð.
■ AUÐUR Skúladóttir, bakvörð-
ur úr Stjörnunni, fór meidd af velli
í'fyrri hálfleik. Fékk spark í fótinn
og óttast var að liðband væri jafn-
vel slitið, að minnsta kosti tognað.
Helga Ósk Hannesdóttir, úr
Breiðabliki, sem er 18 ára, kom
inn á í stað Auðar og lék mjög vel.
■ ÁSGEIR Elíasson, landsliðs-
þjálfari og Elías Hergeirsson,
gjaldkeri KSÍ, fylgdust með leikn-
um í Brighton. Þeir komu frá Sam-
einuðu arabísku furstadæmunum
á sunnudagsmorgun, þar sem
karlalandsliðið mætti Kúveit á
laugardag, og skelltu sér til Brig-
hton til að sjá stúlkurnar spila.
Leikmennirnir fóru hins vegar beint
til Torquay, þar sem verða þeir í
æfingabúðum næstu vikuna.
stöng, eins og áður er getið, og Is-
lendingar héldu sínu striki; voru betri
en heimamenn, en sagan endurtók
sig frá fyrri hálfieiknum því England
skoraði aftur; framherjinn Marieanne
Spacey var þar að verki eftir slæm
mistök í íslenska iiðinu. Ix>gi breytti
leikaferðinni strax eftir markið —
færði Guðrúnu Sæmundsdóttur úr
vöminni fram á miðjuna, og það kom
alls ekki að sök og við breytinguna
náði íslenska liðið enn betri tökum á
miðjunni þó það nýttist ekki til að
skapa mörg færi. Ásta B. komst
næst því að skora það sem eftir var,
er hún fékk svipað færi og í upphafí
hálfleiksins; að þessu sinni átti Ást-
hildur sendingu inn í gegnum vörnina
en markvörðurinn varði skot Ástu
glæsilega í horn.
Ljóst er að stríðið við Englendinga
tapaðist á Laugardalsvellinum, þar
sem taugaveiklunin réði ríkjum hjá
íslensku stúlkunum en þrátt fyrir tap
í Brighton geta þær verið stoltar af
frammistöðu sinni. Liðið lék vel, sýndi
að þegar hugur fylgir máli og virðing
er ekki borin fyrir mótheijanum er
ekkert ómögulegt. Allt liðið lék vel
þegar á heildina er iitið og einfaldast
að segja að stúlkumar sýndu nú virki-
lega hvað þær geta, sem þær gerðu
því miður ekki í fyrri ieiknum.
Englendingar mæta Þjóðverjum
ENSKA liðið mætir Þjóðverjum í undanúrslitum og Svíar og Norð-
menn mætast. Svíar lögðu Dani að velli 3:0 í Malmö um helgina og
unnu samnlagt 3:2. Noregur vann Ítalíu 4:2 í Ósló og samanlagt 7:3.
„Mér fannst við betri“
sagði Logi Ólafsson. „Leiddum nánast allan leikinn"
ÉG var ánægður með hvernig leikurinn spilaðist því mér fannst
við betri og það er aldrei að vita hvað hefði getað gerst ef Ásta
hefði háð að skora í upphafi seinni hálfleiks þegar hún skaut í
stöngina. Ég er líka viss um að ef þetta lið væri búið að ganga
i gegnum svona leiki áður, átta liða úrslit í Evrópukeppni —
reynslan verið til staðar — hefði þetta farið öðruvísi," sagði
Logi Ólafsson, þjálfari kvennalandsliðsins, eftir tapið í Brighton.
V
rið ætluðum okkur að pressa
þær framarlega á vellinum og
það tókst. Munurinn á leiknum nú
og heima að við nú leiddum við
nánast allan leikinn en vorum eins
og hræddir hérar heima.“ Logi
sagðist ekki telja íslenska liðið lak-
ara en það enska. „Liðið er nógu
gott til að fara í fjögurra liða úr-
slit miðað við andstæðingana, en
þetta er bara spurning um tíma.
Þetta kemur, og ég sé fram á það
í náinni framtíð að stelpurnar eiga
eftir að ná langt,“ sagði Logi, sem
hættir nú sem þjálfari liðsins. Hann
hefur sem kunnugt er verið ráðinn
þjálfari íslandsmeistara ÍA í karla-
flokki.
Ásta B. Gunnlaugsdóttir
„Ég vissi ekki hvert ég ætlaði,
þegar mér mistókst að skora í byij-
un seinni hálfleiksins, ég varð svo
reið. Þetta var mjög gott færi; ég
fékk boltann á háréttum tíma, ætl-
aði að reyna að lyfta honum yfir
markmanninn en skaut í stöng og
út,“ sagði Ásta B. Gunnlaugsdóttir
sem fékk dauðafæri og þar með
tækifæri til að koma Islandi yfir
fljótlega eftir hlé. Ásta fékk annað
mjög gott færi seinna í leiknum:
,jÞá varði markmaðurinn mjög vel.
Eg var því að fá færi í dag og
náði að nýta eitt, ég var auðvitað
búin að óska þess að síðasti lands-
leikurinn yrði sigurleikur, en það
gekk ekki upp en ég skoraði mark
í staðinn þannig að ég get hætt
tiltölulega sátt,“ sagði Asta.
Vanda Sigurgeirsdóttir
„Ég á erfitt með að vera ánægð
eftir að hafa tapað, því ég er frek-
ar tapsár en við spiluðum mun bet-
ur en síðast. Ég er ánægð með það
en svekkt yfir að ná ekki betri úr-
slitum fyrst við spiluðum miklu
betur,“ sagði Vanda Sigurgeirsdótt-
ir, fyrirliði. Vanda vildi meina að
reynslan hefði skipt miklu máli í
stríðinu við Englendinga, sérstak-
lega í fyrri leiknum þar sem ís-
lensku stúlkurnar voru taugaó-
styrkar. „Ein þeirra, fyrirliðmn,
hefur leikið nærri jafn marga lands-
leiki og við allar til samans — nærri
80 leiki og þrjár hafa spilað yfir
60 landsleiki — og það tók okkur
tíma í fyrri leiknum að þora að
spila gegn þeim eins og við getum.
Þær eru góðar og hreyfa sig mjög
mikið en það er alls ekkert óyfirstíg-
anlegt að spila gegn þeim og standa
sig. Það sem lið okkar vantar eru
bara fleiri svona hörkuleikir, til að
fá reynslu. Ekki einu sinni við, sem
höfum spilað flesta landsleiki — um
tuttugu — höfum spilað svona mik-
ilvæga leiki áður, þannig að segja
má á að þetta sé gott. Ég er sann-
færð um að ungu stelpurnar eiga
eftir að búa að þessu og framtíðin
er björt,“ sagði Vanda.
ENGLAND: 212 X 1 X 221 12X1
ITALIA: 1X1 211 1X1 112X