Morgunblaðið - 30.12.1994, Side 41

MORGUNBLAÐIÐ
FÖSTUDAGUR 30. DESEMBER 1994 41
BRÉF TIL BLAÐSIIMS
Islenska lýðveldisins
minnst í Austurríki
Frá Gudrunu Lange:
í TILEFNI af 50 ára afmæli íslenska
lýðveldisins voru haldnar tvær hátíð-
ir í Austurríki, nánar tiltekið í Bad
Aussee (í nánd við Bad Ischl), þar
sem hinn mikli íslandsvinur Josef
Calasanz Poestion (1853-1922)
fæddist.
Poestion var m.a. bókavörður,
þýðandi, skáld og bókmenntasögu-
höfundur. Hann þýddi bæði íslenskar
fornbókmenntir og nútímabók-
menntir og skrifaði málfræðibækur
og bókmenntasögu um íslensk nú-
tímaskáld sem enn þykja afreksverk
í þýskumælandi löndum. Mikið af
óbirtum bréfaskiptum hans við ís-
lensk skáld og lærða menn er geymt
í Bad Aussee, svo og ferðasaga hans
í handriti um fyrstu íslandsferðina.
Frú Erika Selzer í Bad Aussee hefur
skráð öll rit Poestions svo að almenn-
ingur geti haft aðgang að þeim.
Til að heiðra Poestion og minnast
um leið íslands hafa menn innréttað
Poestion-herbergi í átthagasafni Bad
Aussee og einnig komið fyrir minn-
ingartöflu á nýuppgerðu húsi hans.
Þátttakendur í þessum hátíðarhöld-
um 11. júní og 5. nóvember 1994
voru m.a. af hálfu hins Austurrísk-
íslenska félags Helmut Neumann,
aldursforseti þess, og Hans Dostal,
formaður, en af háifu Félags íslend-
inga í Austurríki Haraldur Jóhanns-
son. Helmut Neumann las upp ís-
lensk kvæði í þýðingu Poestions og
Hólmfríður Jóhannesdóttir söng þau
við píanóundirleik Marínar Gísladótt-
ur-Neumann. Helmut Neumann
flutti við það tækifæri einnig fyrir-
lestur um þýðingu Poestions fyrir
austurrísk-íslensk tengsl.
Fyrri hátíðarhöldin voru undir
vernd frú Dr. Schubrig, konsúLs ís-
lands í Vínaborg, en þess má geta
sérstaklega að hún hefur árum sam-
an séð um rausnarleg hátíðarhöld
fyrir íslendinga, bæði 17. júní og 1.
desember ár hvert.
Á aðalfundi hins Austurrísk-
íslenska félags, 16. nóvember sl.,
bárust fréttir þess efnis að setja
ætti á laggirnar upplýsingastofnun
við Landsbókasafn - Háskólabóka-
safn um bókmennta- og tónlistar-
, söguleg tengsl Islands og Austurrík-
is á 19. og 20. öld. Á þessum sama
fundi hélt undirrituð fyrirlestur um
„Friðþjófs sögu“ sem telst til fyrstu
þýddu rita Poestions úr forníslensku.
Megi hin íslensk-austurrísku tengsl
dafna lengi og vel!
GUDRUN LANGE,
lektor í íslensku við háskólann
í Vínarborg.
Tilboð sem ekki
er hægt að hafna
Frá Finnboga Hallgrímssyni:
„YÐUR er í dag frelsari fæddur
sem er Kristur Drottinn í borg Dav-
íðs.“ (Lk. 2:11.) Hefur þú hugleitt
þessi orð af dýpstu einlægni og hve
mikla þýðingu fæðing Jesús Guðsson-
ar hefur fyrir okkur? Því fagnaðarer-
indið, krossfestingin og upprisa Krists
til eilífs lífs okkur til handa er dýpsti
sannleikur mannlegs veruleika.
Þegar syndin kom í heiminn þá dó
hið beina samband okkar við Guð.
Maðurinn hélt áfram að syndga og
varð fráhverfur Guði. Illskan, fég-
ræðgi, öfundin héldu innreið sína og
kapphlaupið hófst að fá mest út úr
veraldlegum hlutum sem að lokum
leiðir aðeins til upplausnar og dauða.
Það sjáum við í valdagræðgi, stríð-
sógnum, vaxandi ofbeldi, eiturlyfjum
ásamt öllu því sem höfðar til lægstu
hvata okkar. (Meira að segja tilefni
jólanna hefur gleymst í kaupæði,
stressi, jólasveinum o.fl. Sannkölluð
Mammonshátíð sem leitt hefur marga
til gjaldþrots 0g andlegs skipbrots.)
Yfir þessu fráhvarfi okkar mann-
anna grætur „hinn lifandi Guð. Því
hefur hann reynt að leiða okkur aft-
ur til sín með því að gera við okkur
blóðsáttmála og má lesa um það sem
rauðan þráð í gegnum alla Biblíuna.
í gyðingdómi Gamla testamentisins
var blóði gallalausra fórnardýra út-
Það getur skipt sköpum með
skotelda og blys,
að gleyma aldrei glyrnum því
að glappaskot er slys,
öllum koma að óvörum og fyrr
en nokkurn varir
og ekki er að vita nema á spít-
ala þú farir.
hellt á friðþægingardaginn mikila.
Þó gat það blóð aðeins hulið synd
mannsins en ekki afmáð.
Hinn fullkomni blóðsáttmáli sem
Guð gerði við okkur mennina var
með Jesúm Krist sem meðalgangara.
„Því svo elskaði Guð heiminn að
hann gaf son sinn eingetinn til þess
að hver sem á hann trúir glatist
ekki heldur hafi eilíft líf. (Jh 3:16.)
Kristur vísar m.a. til blóðsáttmálans
í síðustu kvöldmáltíðinni er hann
segir: „Þetta er blóð mitt, blóð sátt-
málans, úthellt fyrir marga til fyrir-
gefningu synda. “ (Mt. 26:28). Jesús
Kristur er fullkominn og gallalaus
eins og fórnardýrin urðu að vera.
Þann sem þekkti ekki synd gjörði
hann að synd vor vegna til þess að
vér skyldum verða réttlæti Guðs í
honum. (2. Kor. 5:12) Þegar blóði
Krists var úthellt á krossinum þá
rifnaði fortjald musterisins sem var
tákn þess að sáttmálinn væri fujl-
komnaður. Syndin var afmáð. Öll
okkar bölvun og synd var negld á
krossinn með Kristi. Hann greiddi
skuldabréfið að fullu fýrir okkur.
Hann dó fyrir okkur. Syndin hefði
tortímt okkur, en hann tók hana á
sig og dó. Þetta var leiðin til hjálp-
ræðis og eilífs lífs okkar til handa.
Hugsið ykkur, hann kom til jarð-
arinnar fullkominn og syndlaus,
kenndi okkur allt sem fagurt er og
gott, vísaði okkur leiðina til Guðs og
hvað kærleikurinn er mikils virði,
meira að segja bað hann Guð að
fyrirgefa þeim sem negldu hann á
krossinn. Enda sagði Jesús að enginn
ætti meiri kærleik en þann að leggja
líf sitt í sölurnar fyrir vini sína.
Fyrir alla þá undursamlegu hluti
sem hann framkvæmdi í orði og verki
var hann hrakyrtur, smánaður, pínd-
ur og krossfestur. Með upprisunni
vann hann lokasigur fyrir okkur.
Leiðin var opnuð til eilífs lífs og
náðar Guðs. Jesús réttlætti okkur
fyrir Guði en til þess að við getum
notið alls þess sem Kristur gerði fyr-
ir okkur verðum við að trúa á hann
af öllu'hjarta, láta hann búa í okk-
ur. Það er eina skilyrðið. Trú á Jesús
innifelur réttlæti. Hann réttlætti mig
og þig fyrir Guði. Það kostaði mig
ekkert en það kostaði Jesúm lífið.
Kærleikur Krists til okkar er svo
mikill að hann þráir að búa í hjarta
okkar og leiða okkur til alls hins
besta í lífinu.
Skrefið .til Jesú er auðvelt og ein-
falt en það er erfitt að sannfæra því
veraldlegir hlutir og lystisemdir eru
svo margar og freistandi að menn
gleyma andanum. Mjög margir eru
afvegaleiddir, m.a. af nýaldartrú,
FFH o.fl. enda varaði Kristur við
þessu þegar hann sagði að margir
falskristar kæmu í hans nafni og
gerðu undur og stórmerki. Jesús er
sigurvegari lífsins, því reyna hin
svörtu tortímandi öfl með öllum ráð-
um að koma í veg fyrir að við fáum
að njóta sigurs lífsins yfir dauða.
Ekki er nóg að segjast trúa heldur
verður að taka sér bólfestu í hjart-
anu. Finnst ykkur ekki að Jesús eigi
skilið að fá tækifæri hjá ykkur til
að sýna hvers hann er megnugur?
Til að stíga yfir þröskuld efans til
trúar á frelsarann þarf aðeins djörf-
ung til að taka þetta litla skref —
sem jafnframt er risaskref — því þá
öðlast maður dýpsta sannleika mann-
legs skilnings á Guðríki og vilja hans.
Innri friður og óumræðanleg gleði
flæðir um í hjartanu og ljós lífsins
verður áþreifanlegt. Því hvet ég alla
að opna hjarta sitt án fordóma og
efasemda og segja: „Jesús er Drott-
inn. Ég trúi að Jesús sé sonur Guðs.
— Ég trúi í hjarta mínu að Guð hafi
uppvakið hann frá dauðum vegna
réttlætingar minnar. Því með hjart-
anu er trúað*til réttlætis og með
munninum til hjálpræðis. Ég játa
hann nú sem Drottin minn.“ Einlæg
bæn til Jesú mun skila sér. Jesús
lofar og fullyrðir að ef þú trúir og
afneitar honum ekki muntu öðlast líf
í fullri gnægð. Með Jesúm í fylgd
með þér ertu á sigurbraut og átt
kröfu um fyllra og gleðiríkara líf.
Jesús lofar einnig að allt sem við
biðjum í bæn í hans nafni muni upp-
fyllast vegna trúarinnar.
Jesús vill að þér líði vel, sért heil-
brigður, hafír vinnu, húsnæði njótir
efnahagslegrar velgengni og sért
glaður og kærleiksríkur. Hann hefur
keypt okkur undan öllu oki. Hann
hvetur aila þá sem erfiði og þunga
eru hlaðnir að koma til sín og hann
muni veita þeim hvíld og bera byrð-
arnar fyrir okkur. Ekkert er honum
ómögulegt þar sem Guð gaf honum
allt vald á himni og jörðu.
Hugleiðið hversu einfalt það er að
ganga Jesú á hönd. Hver vill ekki
fá allt fyrir ekkert nú á dögum?
Aðeins tvö tilboð eru í gangi — eilíft
líf með Jesú Kristi eða dauði án hans.
Valið ætti að vera auðvelt. Friður í
stað kvalar — ljós í stað myrkurs —
líf í stað dauða — frelsun í stað
ánauðar — ríkidæmi í stað fátæktar.
Stærsta og óeigingjarnasta gjöf
sem nokkurn tímann hefur verið
gefin mannkyninu er eilíft líf sem
Jesús Kristur afhenti okkur í kær-
leika sínum.
Að lokum: Jesús er hér, hann vill
finna þig.
Ef þig vantar hjálp eða vilt kynna
þér málin geturðu t.d. komið í Orð
lífsins á Grensásvegi 8. Þar er opið
hús fyrir alla á fimmtudögum kl.
20.30 og á sunnudögum kl. 11.00.
FINNBOGI HALLGRÍMSSON,
Lindarsmára 3, Kópavogi.
Nicotinell
nikótínplásturinn virkar
allan sólarhringinn
s

■i
Ef þú ætlar þér að hætta að reykja þá
getur Nicotinell nikótínplásturiim gert
gæfumuninn.
Nicotinell nikótínplástur kemur í veg fyrir þörf
líkamans fyrir nikótín alla klukkutíma sólar-
hringsins og losar þig þannig úr vítahring vanans.
Nicotinell plásturinn er til í þremur styrkleikum
og fæst í apótekum án lyfseðils. Lestu vel leið-
beiningar og holl ráð sem fylgja Nicotinell
plástrinum.
Nicotinell er plástur sem inniheldur nikótín og er ætlaður sem hjálparlyf til að
hætta reykingum. Notist eingöngu af fullorðnum. Plásturinn skal líma á hárlausa
og heila húð. Skömmtun: Fyrir þá sefh reykja 20 sígarettur á dag eða meira:
1 plástur með 21 mg á sólarhring daglega í 3-4 vikur, því næst 1 plástur með 14
mg á sólarhring, daglega í aðrar 3-4 vikur og að síðustu plástur með 7 mg á
sólarhring, daglega í 3-4 vikur. Fyrir þá sem reykja minna en 20 sígarettur á dag:
1 plástur með 14 mg á sólarhring daglega í 3-4 vikur og meðferðin cndar á
plástrinum sem inniheldur 7 mg á sólarhring, daglega í 3-4 vikur. Meðferð
skal ekki standa lengur en í 3 mánuði. Ekki skal setja plásturinn á sama stað dag
eftir dag, heldur finna annan stað ó líkamanum. Kláði og roði á húð geta gert
vart við sig undan plástrinum. í einstaka tilfellum geta komið fram auka-
verkanir sem tengjast nikótínáhrifum plástursins, þ. e. höfuðverkur svimi,
svefntruflanir og ógleði. Rétt er að ráðfæra sig við Iækni eða lyfjafræðing ef
þessi óþægindi verða veruleg eða viðvarandi. Fólk með kransæðasjúkdóma,
og blóðrásartruflanir, sem og þcir sem fengið hafa heilablóðfall ættu að ráðfæra
sig við lækni áður en þeir byrja að nota plásturinn. Nikótín getur dregið úr
fósturvexti.
FramleiðaiHli: Ciba -
(íeigv ,\( í. Hasel. Svlss.
Imill\l jandi oj4 liand-
hali matkaðsUvlis:
Stcfán Thorareiisen
h.f., Síiliiiniila 32,
Hejkjavík. síini! 91-
(1S0044.
P&Ó hf.