Morgunblaðið - 25.04.1995, Blaðsíða 3
MORGUNBLAÐIÐ
ÞRIÐJUDAGUR 25. APRÍL 1995 B 3
HANDKNATTLEIKUR
Sóknarleikurínn enn
aðal höfuðverkurínn
Aðeins 25% sóknarnýting íslendinga ífyrri hálfleik gegn Svíum
ÍSLENDINGAR mættutil
keppni á Bikubenmótinu í Dan-
mörku með því hugarfari að
standa upp sem sigurvegarar.
Til að svo mætti fara urðu þeir
að sigra Svía í fyrsta leik en
það var borin von. 25% sóknar-
nýting í fyrri hálfleik gerði út-
slagið og þó allt annað hafi
verið að sjá til liðsins eftir hlé
átti ekki fyrir því að liggja að
vinna upp fimm marka forskot
Evrópumeistaranna sem voru
12:7 yfir í hálfleik. Munurinn
var minnsttvö mörk, 21:19.
Þegar tæpar fjórar mfnútur
voru til leiksloka en Svíar gerðu
fjögur síðustu mörkin og unnu
örugglega, 25:19.
Strákarnir voru mjög fastir fyrir
í vörninni þar sem Geir Sveins-
son fyrirliði fór fyrir sínum mönnum.
Staffan Oisson gerði
Steinþór fyrstu tvö mörk Svía
Guðbjartsson með langskotum en
skrifar þeir áttu í mestu
frá Danmörku erfiðleikum með að
fínna smugur á íslensku vöminni eða
þá að Sigmar Þröstur varði frá þeim
og þriðja markið kom ekki fyrr en á
13. mínútu og staðan jöfn, 3:3. Á
þessum tíma gerðu íslendingar nokk-
ur sóknarmistök, fengu tvisvar
dæmdan á sig ruðning og ein sending
fór forgörðum en alls misstu þeir
boltann klaufalega 11 sinnum í hálf-
leiknum og slíkt gengur yfírleitt ekki
og ailra síst gegn Svíum.
Okkar menn mættu ákveðnari til
leiks eftir hlé og þá fóru langskotin
að bera árangur, spilið var hraðara
og markvissara, en þegar möguleiki
virtist á að jafna datt botninn úr
öllu saman og allt fór í sama horf
og fyrr.
Svíar eru hreint ótrúlegir í hand-
boltanum. Þeir voru að koma saman
í fyrsta sinn í langan tíma og þó
hnökrar væru á leik þeirra kom það
ekki að sök. Þeir gerðu einfaldlega
það sem þeir þurftu til að sigra.
Markvörðurinn Peter Gentzel var
hetja liðsins að þessu sinni og vilja
margir meina að þar fari besti mark-
vörður Svía þó af nógum sé að taka
en hann var maðurinn á bak við sig-
ur Redbergslid gegn Drott í barátt-
unni um sænska meistaratitilinn um
helgina. Að öðru leyti er valinn mað-
ur í hveiju rúmi, þekktir menn með
gífurlega reynslu enda hafa flestir
leikið meira en minna saman síðan
1986.
Þorbergur landsliðsþjálfari hefur
sagt að undanförnu að liðið væri á
réttri leið en af þessum leik að dæma
á það þó nokkuð í land. Sem fyrr
er sóknarleikurinn höfuðverkurinn
og það er alveg ljóst að mennimir
verða að einbeita sér betur að verk-
efninu.
Sigmar Þröstur lék í marki allan
leikinn. Hann stóð sig mjög vel í
fyrri hálfleik og varði þá sex sinnum
maður gegn manni. Hann tók líka
tvö góð skot eftir hlé en síðan ekki
söguna meir. Eftir á að hyggja hefði
sennilega verið betra að skipta um
markvörð í hálfleik en látið var á
það reyna hvort Sigmar Þröstur
stæðist svona heilan leik o gþað gekk
ekki. Reyndar sagði Þorbergur við
Morgunblaðið að þegar verið væri
að nálgast mótheijana eins og gerð-
ist í seinni hálfleik væri oft tilhneig-
ing til að skipta ekki um markvörð.
Varnarleikurinn var mjög góður.
Geir bar þar höfuð og herðar yfir
aðra en Júlíus var einnig sterkur.
Engu að síður gerðu Svíar 12 mörk
með langskotum og vinstra homið
hjá Konráði var oft opið.
Sóknarleikurinn var afleitur í fyrri
hálfleik. Mikið var sótt inn á miðjuna
en þar voru Per Carlen og Magnus
Wislander kóngar í ríkinu. Sóknirnar
voru líka oft of stuttar, skotið eftir
10 sekúndur eða svo, hraðaupphlaup
og mark hjá Svfum. Þetta gerðist á
Opna Reykjavíkurmótinu og aftur
núna sem bendir til þess að menn
hafa ekki alveg unnið heimavinnuna.
Samt sem áður voru ljósir punkt-
ar. Valdimar var mjög grimmur og
ákveðinn, „stal“ boltanum nokkrum
sinnum og gerði þijú mörk efti hrað-
aupphlaup. Geir var við öllu búinn á
línunni og nýtti sendingamar ágæt-
lega. Júlíus var ekki í byijunarliðinu
en ógnaði í seinni hálfleik og Ólafur
gerði góð mörk. Sigurður Sveinsson
kom fyrst inn á þegar stundarfjórð-
ungur var til leiksloka og náði ekki
að setja mark sitt á leikinn. Jón
Kristjánsson var ekki nógu ákveðinn
og Dagur lét mótlætið fara í skapið
á sér. Bergsveinn Bergsveinsson var
eini leikmaður hópsins sem fór ekki
inn á en vonandi eru hinir reynslunni
ríkari. Mönnum fyrirgefst að gera
mistök í þessu móti eins og landsliðs-
þjálfarinn sagði í viðtali við Morgun-
blaðið á sunnudag en batnandi manni
er best að lifa.
GEIR Sveinsson var geysilega sterkur I vörnlnnl gegn Svíum.
Stjórnaði sínum mönnum elns og herforlngl — lék reyndar
„fróbærlega" f gær að matl Bengts Johansons, þjálfara Svfa.
SÓKNAR-
NÝTING
Bicuben-mótið i Danmörku
Jl___
ÍSLAND
Mörk Séknir %
SVÍÞJÓÐ
Mörk Sóknir %
7 28 25 F.h 12 28 43
12 24 50 S.h 13 23 57
19 52 36 Alls 25 51 49
4 Langskot 12
1 Gegnumbrot 1
4 Hraðaupphlaup 3
3 Horn 4
5 Llna 5
2 Vfti 0
Bengt Johansson, þjálfari Svía, ánægðurmeðsigurinn
Eðlilegur leikur mið-
að við aðstæður
Bengt Johansson, þjálfari Svía,
fagnaði enn einu sinni sigri
gegn íslendingum og var auðvitað
ánægður með það en sagði við
Morgunblaðið að margt ætti eftir
að breytast, verða betra, áður en
alvaran byijaði á Islandi.
„Við spiluðum eins og ég átti von
á og miðað við aðstæður var þetta
eðlilegur leikur hjá okkur. Hins
vegar ber að hafa í huga að við
erum ekki enn komnir með alla leik-
mennina og erum í raun að hittast
í fyrsta sinn í lokaundirbúningnum
fyrir HM - þetta var fyrsti leikur
okkar í langan tíma. En ég er
ánægður með sigurinn þó ég hefði
viljað hafa sóknarnýtinguna betri.“
Svíar voru með 49% sóknarnýt-
ingu, 43% í fyrri hálfleik og 56,5%
í þeim seinni. „Við lékum ekki eins
hratt og við viljum en það á eftir
að lagast. Við þurfum að einbeita
okkur betur og ná að gera fleiri
mörk eftir hraðaupphlaup. En þetta
var harður leikur, íslendingarnir
spiluðu mjög fast.“
Johansson var sérstaklega
ánægður með markvörðinn Peter
Gentzel og sagði að íslenska liðið
væri betra en á Opna Reykjavíkur-
mótinu í nóvember sem leið. „Það
er mikill styrkur fyrir liðið að hafa
Júlíus með. Hann var mjög sterkur
í vörninni og gerði góð mörk fyrir
utan í seinni hálfleik en Geir Sveins-
son var frábær.“
ÞolinmæAln
ekki til staðar
Þorbergur Aðalsteinsson, lands-
liðsþjálfari Íslands, sagði við strák-
ana fyrir leik að þeir yrðu að ein-
beita sér-að því að nýta breidd vall-
arins í sókninni og vera þolinmóðir.
Þetta gekk ekki eftir og sagði hann
við Morgunblaðið að það væri
ástæða tapsins.
„Við lögðum af stað með það
veganesti að til að sigra þyrfti of-
boðslega þolinmæði. Hún var ekki
fyrir hendi og við féllum á sama
bragði og í síðustu tveimur leikjum
gegn Svíum. Við töluðum um að
nýta breiddina en gerðum það ekki
í fyrri hálfleik og það gengur ekki
að vera með 25% sóknarnýtingu.
Við sóttum heldur ekki nógu hratt
í fyrri hálfleik en þetta lagaðist
eftir hlé og þá gerðum við líka fleiri
mörk. En það verður að segjast
eins og er að við erum sjálfum okk-
ur verstir - við erum helstu and-
stæðingar okkar.“
Þorbergur var óhress en sagði
að eins og leikurinn þróaðist hefði
verið eðlilegt að tapa með tveimur
mörkum. „Vamarleikurinn var
mjög góður þrátt fyrir þessi 25
mörk. Ég er einnig ánægður með
hvernig við gátum komið inn í seinni
hálfleikinn og spilað þann hand-
bolta sem fýrir var lagt, en við
þurfum að gera betur."
■ FIMM íslenskir leikmenn horfðu
á leik íslands og Svíþjóðar uppi á
áhorfendabekkjum. Þeir sem hvíldu
sig voru Guðmundur Hrafnkels-
son, Gunnar Beinteinsson, Bjarki
Sigurðsson, Einar Gunnar Sig-
urðsson og Róbert Sighvatsson.
■ TVEIR leikmenn í sænska
landsliðinu urðu Evrópumeistarar
með félagsliðum sínum um helgina.
Staffan Olsson spilar með þýska
liðinu Niederwuzbach sem varð
meistari í borgarkeppni Evrópu og
Thomas Svensson lagði sitt af
mörkum með frábærri markvörslu
þegar spænska liðið Bidasoa sigraði
í Evrópukeppni meistaraliða.
■ NIKOLAJ Jacobsen, helsti skor-
ari danska liðsins GOG, hefur ekki
leikið nógu vel að undanfömu að
mati Ulfs Schefverts, landsliðsþjálf-
ara Dana. Hann lék ekki með Dön-
um í gærkvöldi frekar en hinir landsl-
iðsmenn GOG.
■ SCHEFVERT sagði að sá mögu-
leiki væri fyrir hendi að tilkynna 15
manna hóp og halda sæti opnu fyrir
einn besta hornamann heims en hann
væri of „þungur og þyrfti að bæta
sig mikið.
■ THOMAS Svensson, markvörður
sænska landsliðsins, kemur til liðs
við hópinn í dag og er það í fyrsta
sinn sem „allur landsliðshópuinn er
saman í lokaundirbúningnum fyrir
HM. ^
■ NÍU leikmenn Svía komu saman
í þijá daga í síðusfu viku en annars
hefur liðið ekkert gert síðan í Lotto-
keppninni.
■ MIKIL samvinna ríkir gjarnan á
milli handboltaliða í alþjóða mótum.
Landslið Islands og Svíþjóðar fóru
til dæmis í sömu rútu frá Ishöj til
Helsingör í fyrsta leik Bikubenmóts-
ins og aftur saman eftir leik, um 60
km hvora leið.
Þorbergur
ánægður með
Danaleikina
ÍSLENDINGAR og Danir
léku 3x30 mínútna æfinga-
leik í Bröndby á f östudags-
kvöld og annan á laugardag.
Þjálfarar liðanna skiptust á
um að ráða því hvernig varn-
arleik mótherjinn beitti og
var Þorbergur Aðalsteins-
son, landsliðsþjálfari íslands
ánægður með hvenig til
tókst.
„Þetta var mjög gagnlegt
og við fengum ótrúlega mik-
ið út úr þessu, mikið meira
en ég átti von á,“ sagði hann
við Morgunblaðið. „Þegar við
stillum upp á æfingum er
ekki eins mikil alvara í hlut-
unum en núna gafst okkur
tækifæri til að æfa ýmsa
vamaraðfeðir og reyna
margs konar sóknarleik
gegn hinum og þessum varn-
arafbigðum í nánast alvöru
leikjum."
Eins og fram hefur komið
eru 17 leikmenn í hópnum
sem kom hingað til Dan-
merkur sl. fimmtudag og
fengu allir nánast jafn mik-
inn leiktíma gegn Dönum.
Þorbergur sagði að vissulega
hefði ýmislegt skýrst og hóp-
urinn væri stöðugt að þrengj-
ast en enn væri allt opið varð-
andi endanlegan hóp i heims-
meistarakeppninni sem hefst
í Laugardalshöll 7. maí. „Við
leikum mest níu leiki í HM
og það er ljóst að við keyrum
ekki á örfáum mönnurn. Við
verðum með 16 menn en það
getur vel verið að ég tilkynni
aðeins 15 og haldi einu sæti
opnu.“