Morgunblaðið - 25.04.1995, Blaðsíða 6

6 B ÞRIÐJUDAGUR 25. APRÍL 1995
MORGUNBLAÐIÐ
MORGUNBLAÐIÐ
20. AIMDRESAR ANDAR - LEIKARNIR
Morgunblaðið/Reynir Eiríksson
VINKONURNAR Harpa Friðriksdóttir, Eva Dögg
Ólafsdóttlr og Hildur FriArlksdóttlr.
Skemmti-
legasta
mótið
TVÍBURARNIR Harpa og Hild-
ur Friðriksdætur voru að óska
Evu Dögg Ólafsdóttur til hamingju
með sigur hennar í svigi er blaða-
maður hitti þær stöllur, en þær eru
allar frá Akureyri. „Andrésarleik-
amir eru alltaf toppurinn á vetrin-
um og við hlökkum mest til þess
móts allan veturinn. Það er búið
að vera mjög leiðinlegt veður í all-
an vetur og við því ekki getað æft
sem skyldi, en okkur gekk alveg
ágætlega — þó einkum Evu í svig-
inu þar sem hún vann. Við erum
í 10 ára flokki og getum því keppt
á tveimur Andrésarleikum til við-
bótar og það er alveg á hreinu að
það munum við gera og auðvitað
stefnum við að því að komast á
verðlaunapall á þessum mótum,“
sögðu þær stöllur.
■«. ■i
/

Morgunblaðið/Rúnar Þór
Ekkert gefið eftir
GUNNAR S. Jósteinsson frá Húsavík er hér á fullri ferð í svigkeppni 12 ára drengja.
Tomba í uppáhaldi
ANDRI Þór Kjartansson úr Breiðabliki var
með á Andrésar leikunum í fjórða sinn.
Þetta var í fyrsta sinn sem hann nær efsta
sæti, en hann sigraði í stórsvigi, svigi og varð
annar í risasvigi í flokki 10 ára drengja. „Ég
er búinn að æfa skíði síðan ég var sex ára.
Ég bjóst aldrei við að vinna tvo bikara. Ég hef
æft mjög vel í vetur. Uppáhalds skíðamaðurinn
minn er Tomba,“ sagði Andri Þór, sem einnig ---
er í handbolta og fótbolta með Breiðabliki. Andrl Þór
Morgunblaðið/Reynir Eiriksson
FREMRI röð f.v. Kári Brynjólfsson, Andréa Víðisdóttir, Harpa Rut Heimisdóttir, Júlíana Krist-
jánsdóttir og Aron Víðisson, Aftari röð f.v. Fjölnir Finnbogason, Björg Finnbogadóttir, Andri
Sigurjónsson, Gunnar Már Magnússon og BJörn Þór Guðmundsson.
Draumur er að kom-
ast á verðlaunapall
HÓPUR krakka frá Dalvík sat
og sleikti sólskinið ásamt for-
eldrum þegar blaðamaður hitti þau
að máli, og var grejnilegt að þau
undu sér hið besta.
„Við erum búin að æfa mjög vel
í allan vetur og hlökkuðum mjög
mikið til að komast til að keppa á
Andrés,“ sagði einn úr hópnum.
„Það sem er skemmtilegast hérna
er að keppa, fara í [íþróttajhöllina
á kvöldin og svo að leika sér. Það
er auðvitað draumur að komast á
verðlaunapall en það skiptir þó
ekki öllu máli því aðalatriðið er að
vera með. Við erum 69 krakkar
frá Dalvík á þessu móti og þó það
sé ekki langt til Dalvíkur þá dettur
okkur ekki í hug að fara heim á
kvöldin — við gistum að sjálfsögðu
í Lundarskóla, það er sko gaman.“
Eitt foreldrið skaut inní að öll að-
staða í Lundarskóla væri til fyrir-
myndar sem og annað á leikunum.
Hvað heitir
forseti Banda-
ríkjanna?
SÍÐASTA keppnisdaginn var
lögð þrautabraut fyrir keppend-
ur í alpagreinum 8 ára og yngri.
Á leiðinni niður þurftu krakk-
arnir m.a. að stoppa þrisvar og
svara spurningum, þar sem bent
var á myndir af Andrési Ond
og félögum og spurt um nöfn
þeirra. Þetta mæltist mjög vel
fyrir og kunnu krakkarnir vel
að meta þessa nýbreytni. Sum
höfðu heyrt að þau yrðu að
svara spurningum á leiðinni og
voru nokkuð stressuð hvað yrði
gert ef þcim tækist ckki að svara
og hvernig spurningar væri um
að ræða. Einn keppandi í flokki
7 ára var þungt hugsi rétt áður
en hann átti að fara að renna
sér af stað og kallaði svo til liðs-
stjóra síns og sagði: „heyrðu,
hvað heitir aftur forseti Banda-
ríkjanna." Strákur taldi greini-
lega að búast mætti við spurn-
ingum í þyngra lagi.
Fengu silfurmerki IBA
AÐ MÆÐIR mikið á þeim sem
skipuleggja Andrésarleikana
á hveiju ári, en það er óhætt að
segja að þrír þeirra sem eru í Andr-
ésamefndinni ættu að vera öllum
hnútum kunnugir því þeir hafa ver-
ið í henni frá upphafi. Þessir heiður-
menn era Gísli Kristinn Lórenzson,
Kristinn Steinsson og ívar Sig-
mundsson. í hófi sem haldið var á
leikunum vora þeir sæmdir Silfur-
merki ÍBA fyrir vel unnin störf í
þágu skíðþróttarinnar með vinnu
sinni við Andrésarleikana. Þeir fé-
lagar sögðu að það hefði ekki einu
sinni verið draumir í upphafi þegar
keppendur voru 148 að fjöldi kepp-
enda væri eitthvað viðlíka því sem
nú er orðið. Þeir bentu á að ekki
ætti að vera mikið mál að auka
§ölda keppenda hvað aðstöðu varð-
ar í fjallinu en vinna þyrfti í málum
varðandi dvalarstaði í bænum og
þá má ekki gleyma því að íþrótta-
höllin tekur um 1400 manns og hún
var troðfull öll kvöldin, en þessu
má má eflaust leysa. Tveir aðrir í
nefndinni, Magnús Ingólfsson og
Friðrik Adólfsson, fengu við sama
tækifæri og þremenningamir
bronsmerki ÍBA.
Það er vel við hæfi að óska þeim
til hamingju með silfurmerkin og
þann frábæra árangur sem tekist
hefur í uppbyggingu Andrésarleik-
anna á Akureyri sem era orðnir
eitt glæsilegasta íþróttamót á
hveiju ári sem haldið er hérlendis.
Mjög góðar vinkonur
ÆR VORU að vonum kampa-
kátar; Freydís Konráðsdóttir,
Edda Rún Aradóttir og Guðný Ósk
Gottlíbsdóttir 10 ára frá Ólafsfirði
því þær vora í fyrstu þremur sætun-
um í göngu með fijálsri aðferð.
„Við erum mjög góðar vinkonur og
æfum yfirleitt saman og höfum við
verið nokkuð duglegar að æfa í
.vetur. Við rífumst aldrei þrátt fyrir
að keppnin sé alltaf nokkuð hörð á
milli okkar, en það skiptir ekki
mestu máli hver vinnur. Við æfðum
svigskíði þar til í fyrravetur en þá
hættum við og höfum einbeitt okk-
ur að göngunni síðan og munum
gera það áfram, það er alveg á
hreinu. Þetta mót er alveg frábært
og við hlökkum alltaf til þess að
koma hingað allan veturinn og
munum örugglega koma hingað á
meðan við megum keppa.“
Morgunblaðið/Reynir Eiríksson
ÞEIR Kristlnn Steinsson, ívar Slgmundsson og Gísii
Kristinn Lórenzson fengu silfurmerki ÍBA.
Önfirðingar með
í fyrsta skipti
ONFIRÐINGAR sendu í fyrsta
skipti keppendur á Andrésar-
leikana að þessu sinni og voru það
sex börn sem kepptu í göngu 10
ára. Þau Kristín, Markús, Hjalti,
Jón, Margrét og Bernharður voru
í sjöunda himni með að koma á
Andrés og féllust strax á að spjalla
við blaðamann. „Við byijuðum að
æfa í vetur þegar kom kennari til
okkar sem hafði áhuga á skíða-
göngu og hann hefur verið að æfa
okkur. Þetta mót er reyndar það
fyrsta sem við tökum þátt í og
eram við ánægð með árangurinn.
Það er alveg frábært að koma hér
til að keppa og eitt er víst að við
munum koma að ári til að taka
þátt. Við erum bara á skíðum með
rifflum að neðan en ekki á keppnis-
skíðum sem borið er neðan í, en
við ætlum að fá okkur svoleiðis
skíði á næsta ári og koma með þau
næst.“
Þau sögðu æfingaaðstöðuna á
heimaslóðum þeirra pekki sérstak-
lega góða. „Það er mjög flatlent
heima og lítið um hóla í landslag-
inu og ef við förum upp í fjall þá
er það bara beint upp og niður.
En það skiptir kannski ekki öllu
máli og við eram staðráðin í að
halda áfram að æfa- og með til-
komu ganganna þá getum við far-
ið til Ísaíjarðar og æft þar líka en
þar er betri aðstaða".
ÖNFIRÐINGAR voru í fyrsta slnn. Aftari röð f.v. Kristín Sig-
urðardóttir, Markús Björnsson, Hjalti Ásgeirsson og Jón
Axel Jónsson. Fremri röð f.v. Margrét Magnúsdóttir og Bern-
harður Guðmundsson.
FREYR Steinar Guðlaugsson 10 ára, Árni Teltur Stein-
grímsson 11 ára og Jakbob Sævar Sigurðsson 10 ára.
Prófuðum
Telemark-
svigið í gær
VIÐ ERUM að æfa rennslið fyrir
keppnina í dag, sögðu þeir Arni
Teitur, Freyr og Jakob frá Siglufirði.
„Það verður að renna vel ekki síður en
fatta ef maður ætlar að ná góðum ár-
angri í keppni. Okkur hefur gengið vel
til þessa á Andrés,“ sagði einn þeirra,
en Árni sigraði í göngu í 11 ára flokki
með hefðbundinni aðferð og Freyr í 10
ára flokki. „Auðvitað stefnum við að
því að vinna í dag,“ sagði annar þeirra,
og þess má geta að það tókst þeim félög-
um.
„Mér gengur ágætlega og lenti í
fjórða sæti í hefðbundinni göngu“, bætti
Jakob við. „Það var alveg frábært veð-
ur á föstudaginn hérna og þá voram
við að leika okkur í fjallinu og fórum
með lyftunum og svo renndum við okk-
ur niður og þá prófuðum við Telemark-
svig. Það var rosalega gaman."
ÞORSTEINN Þorvaldsson, Haukum og Inglbjörg Þ. Jónsdóttir
frá Eskifiröi sigruðu í svigi í flokki 7 ára og yngrl.
Bjóst ekki
við sigri
ORSTEINN Þorvaldsson úr
Haukum úr Hafnarfirði og
Ingibjörg Þ. Jónsdóttir frá Eski-
firði sigruðu í svigi í flokki 7 ára
og yngri. Þorsteinn var að keppa
í annað sinn á leikunum en Ingi-
björg í fyrsta sinn.
Þorsteinn sagði að í fyrra hafi
hann orðið í níunda sæti. Hann
sagðist ekki hafa búist við að sigra
núna. „Ég man ekki alveg hvenær
ég byijaði að æfa — ætli það séu
ekki svona fjögur ár síðan. Það er
ofsalega gaman að keppa hér og
það er mikið fjör enda mikið af
krökkum. Ég æfi alltaf í Bláfjöllum
og fer með rútu á æfingar. Ég
ætla örugglega að halda áfram að
æfa því það er svo gaman að kom-
ast á leikana,“ sagði Þorvaldur.
Ingibjörg náði því að sigra á
sínum fyrstu leikum. „Ég trúði því
varla að ég hefði unnið, bjóst alls
ekki við því vegna þess að ég var
í sjöunda sæti í stórsviginu. Ég fór
fyrst á skíði þegar ég var svona
fjögurra ára. Eg æfi með Eskfirð-
ingum í Oddskarði.
ÞRIÐJUDAGUR 25. APRÍL 1995 B 7
11 ....l>
Byrjaði að æfa
þriggja ára
Eg byrjaði
að æfa þegar
ég var þriggja ára
og er nú að taka
þátt í Andrésar-
leikum í annað
skipti,“ sagði Eyr-
ún Marínósdóttir
8 ára frá Dalvík.
„Ég hef aldrei ver-
ið í fyrsta sæti á
Andrési áður og
það var rosalega
gaman. Ég hef
verið nokkuð dug-
leg að æfa í vetur
og taka þátt í
mótum og var því
ágætlega undir- Eyrún
búin fyrir Andrésarleikana“, sagði Eyrún
og var þotin til vina sem vildu fá að sjá
bikarinn sem hún hafði unnið.
Helen best í svigi
HELEN Auðuns-
dóttir frá Ak-
ureyri sigraði í svigi
í flokki 11 ára
stúlkna og varð
þriðja í risasvigi.
„Ég hef þrisvar áður
unnið á Andrési,
tvisvar þegar ég var
sjö ára og einu sinni
átta ára. Ég átti
ekki von á sigri
núna, en auðvitað
reynir maður alltaf
að gera sitt besta.
Við höfum æft vel í
vetur, reynt að fara
á skíði þegar viðrað
hefur til þess,“ sagði
Helen. Helen
Gekk
mjög
vel
|ÉR GEKK
mjög vel og
náði að vinna svig-
ið,“ sagði Hreiðar
Birgisson 8 ára frá
Húsavík. „Ég er bú-
inn að æfa mjög vel
í vetur og því á
ágætri æfingu. Það
er frábært að vinna
og gaman að kom-
ast á verðlaunapall
og hampa bikarn-
um. Ég ætla að vera
duglegur að æfa á
komandi árum og
stefni að því að
koma oft á Andrés
— öll árin sem ég
má keppa og auðvit-
að væri gaman að
komast aftur á verð-
launapall".
Skíði um helgar
en dans á kvöldin
BERGRÚN Stef-
ánsdóttir úr Ár-
manni sigraði í stór-
svigi í og varð fjórða
í stórsvigi í flokki 8
ára. „Ég bjóst ekki
við að vinna en það
var gaman. Ég var
i þriðja og níunda
sæti í fyrra en þá
keppti ég í fyrsta
sinn,“ sagði Bergr-
ún sem einnig æfir
samkvæmisdans með vinkonu sinni, Ing-
unni Ósk. Bergrún segir að skíðin séu
númer eitt og dansinn númer tvö. „Ég
æfi skíðin í Bláíjöllum um helgar og dans-
inn hjá Jóni Pétri og Köru á kvöldin.“
Bergrún