Morgunblaðið - 25.04.1995, Blaðsíða 4
4 B ÞRIÐJUDAGUR 25. APRÍL 1995
20. ANDRESAR ANDAR-LEIKARNIR
MORGUNBLAÐIÐ
Hallur Þór best-
ur í risasviginu
Hallur Þór Hallgrímsson frá
Húsavík sigraði í risasvigi í
flokki 12 ára drengja. Hann varð
annar í stórsviginu og fjórði í svig-
inu. Hann hefur verið sigursæll á
leikunum og ávallt farið heim með
bikar sem sigurlaun og nú var það
gullhjálmur sem veittur var fyrir
sigur í risasvignu.
„Ég er búinn að vinna öll árin.
Það hefur verið ofsalega gaman að
keppa á Andrési. Risasvigið er
skemmtileg grein og í mestu uppá-
haldi hjá mér núna. Ég æfi helst
alla daga vikunnar, en stundum er
slæmt veður og þá verður maður
að sleppa æfingu. Ég byijaði að
æfa sex ára og ætla að halda
áfram,“ sagði Hallur Þór.
Risasvigið komið til að vera
Þetta var í fyrsta sinn sem keppt
er í risasvigi á Andrésar andar-Ieik-
unum og þótti takast vel. Þessi
grein hefur ekki verið mikið stund-
uð hér á landi en hefur átt ört vax-
andi vinsældum að fagna. Gísli Kr.
HALLUR Þór Hallgrímsson
með gullhjólminn góða.
Lórenzson, mótstjóri, sagði að lík-
lega yrði risasvigið árleg keppnis-
grein á Andrési. „Það hefur komið
upp sú hugmynd að fella stökkið
niður því það á erfitt uppdráttar
hér á landi. Risasvigið hefur komið
vel út og því ekki að breyta til,“
sagði hann.
STÖKKVARARNIR voru að vonum ánœgðlr með blkarana
sína. Einar Ingvi Andrésson, Siglufirðl, Bragl Slgurður Ósk-
arssson, Ólafsfirði, Jóhann Guðjónsson, Siglufirði og Ingi
Valur Davíðsson, Ólafsfirðl.
Að settu marki
ÞESSI ungi skíðagöngumaður er hér einbeittur á svip og ætlar sér greinilega stóra
20. Andrésar andar-lelkunum sem lauk á Akureyri á sunnudag. Metþátttaka var að þessu
sinni, eða um 870 börn á aldrinum 6 til 12 ára.
Þetta var
rosalega erfitt
Það var greinilegt að Björn Blön-
dal frá Akureyri, gaf sig allan
í keppni í göngu 12 ára með fijálsri
aðferð enda uppskar hann laun erf-
iðisins, en hann sigraði einnig í
hefðbundinni göngu.
„Ég er alveg búinn,“ sagði Björn
þegar hann kom í mark; „og þetta
var alveg rosalega erfitt. Ég er
búinn að æfa mjög vel í vetur og
var gaman að vinna bæði göngu-
mótin því þetta er mitt síðasta skipti
á Andrés og á ég örugglega eftir
að sakna þess að fá ekki að keppa
oftar. Ég byijaði að æfa göngu
þegar ég var 6 ára og þetta eru
fimmtu Andrésarleikarnir þar sem
ég tek þátt,“ sagði hann.
„Því miður þá æfir enginn annar
á Akureyri í mínum aldursflokki og
því hefur keppnin ekki verið sem
skyldi. Ég stefni að því að æfa
áfram og næstu skrefin verða því
keppni í flokki 13-14 ára og er
ég strax farinn að hlakka til þess
að taka þátt í þeim mótum á næsta
vetri,“ sagði Björn að lokum og
tóku vinir að óska honum til ham-
ingju með sigurinn.
Morgunblaðið/Reynir Eiríksson
BJÖRN Blöndal.
Olafsfírðingar og Siglfirðingar
skiptu með sér verðlaununum
Olafsfírðingar og Siglfirðingar
skiptu með sér verðlaununum
í stökki, enda á stökkíþróttin rætur
að rekja til þessara bæjarfélaga.
Bragi Sigurður Óskarsson frá 01-
afsfirði, sem er ellefu ára, sigraði
í þremur greinum á leikunum;
stökki, svigi og stórsvigi og varð
síðan annar í risasvigi.
„Stökkið er skemmtilegast. Ég
stökk 21 metra eða jafn langt og
Ingvar Steinarsson frá Siglufirði,
sem varð annar en ég vann hann
á betri stfl. Ég byijaði að æfa stökk
í vetur og það er ofsalega gaman,“
sagði Bragi sem var að keppa á
Andrési í fimmta sinn. „Ég hafði
einu sinni unnið áður en það var í
svigi fyrir tveimur árum.“
Einar Ingvi Andrésson frá Siglu-
fírði sigraði í stökki í flokki 9 ára
drengja. Hann var að keppa á leik-
unum í þriðja sinn. „Ég á þijá aðra
bikara heima frá Andrésar leikum.
Þetta er í fyrsta sinn sem ég keppi
í stökki á Andrési. Ég er alltaf að
stökkva í gilinu heima á Siglufirði.
Metið.mitt er 22 metrar. Ég keppi
líka í svigi og stórsvigi. Ég er líka
oft að æfa brun,“ sagði Einar Ingvi,
sem er einnig á fullu í fótboltanum
með KS.
Ingi Valur Davíðsson frá Ólafs-
fírði sigraði í stökki í flokki 10 ára,
en hann var að keppa í annað sinn
á leikunum. „Mér finnst skemmti-
legast að stökkva, en það er líka
gaman í svigi og stórsvigi. Það
mikið fjör hér og alltaf nóg að gera.
Ég ætla að halda áfram að æfa
stökk,“ sagði Ingi Valur sem segist
líka vera í fótbolta á sumrin með
Leiftri.
Siglfírðingurinn-Jóhann Guðjóns-
son sigraði í stökki í flokki 12 ára,
en hann sigraði í 11 ára flokki í
fyrra. Hann segir það hafí alltaf
verið æft stökk fyrir leikana nema
núna. „Það var ekki búinn til stökk-
pallur í vetur, en við strákarnir
gátum alltaf fundið okkur staði til
að stökkva á. Stökkið er skemmti-
leg íþrótt en er ekki fyrir loft-
hrædda. Ég er að keppa í fjórða
sinn á Andrési. Þetta er síðasta
árið mitt á leikunum og fer því upp
í unglingaflokk næsta vetur. Ætli
það verði nokkuð keppt í stökki þá,_
en ég vona það besta,“ sagði Jó-"
hann.
Morgunblaðið/Valur Jónatansson
Grænlenskir gestir
TVEIR 12 ára grænlenskir krakkar kepptu sem gestir á mótinu; Ivik Kleist
og Larsine Petrussen frá Narsarsuaq. Þau voru mjög ánægð með mótið og
sögðu brekkumar frábærar. „Við höfum skemmt okkur mjög vel,“ sögðu
þau. Þjálfari þeirra, Anga Peter Edvardsen, sagði að vonandi fengju græn-
lensk börn tækifæri á að vera með á leikunum á næstu árum. „Ég bjóst
ekki við að þetta væri svona mikil skíðahátíð og skíðaaðstaðan er hreint
frábær. Við höfum aðeins eina skíðalyftu heima sem er 450 metrar, en við
eigum fullt af brekkum og nægan snjó. Það er mikill áhugi fyrir skíðum í
Grænlandi, þar æfa um sextíu krakkar,“ sagði Edvardsen.