Morgunblaðið - 03.05.1995, Blaðsíða 4
4 B MIÐVIKUDAGUR 3. MAÍ 1995
MORGUNBLAÐIÐ
i
H M 95
Morgunblaðið/Björn Blöndal
Evtúsjenkó og lærisveinarnir
LANDSLIÐ Kúveit kom til landsins á mánudag, fyrst þeirra 23. erlendu liða sem taka þátt í HM að þessu
sinni. Liðið býr í Keflavík, en mætir unglingalandsliði íslands —Neikmanna 21 árs og yngri — tvívegis í vikunni,
í kvöld og á morgun. Liðið heldur síðan til Akureyrar á laugardag. Þjálfari Kúveita er hinn þekkti Anatólíj
Evtúsjenkó, sem lengi var við stjórnvölinn hjá liði Sovétríkjanna sálugu, m.a. er liðið sigraði með fáheyrðum
glæsibrag á Ólympíuleikunum í Seoul 1988. Hann stendur fremst á myndinni og heldur á pijónahúfu.
Miðasala gengið vel síðustu daga
Nær uppselt í
sæti á sunnudag
Svisslend-
ingar stór-
hættulegir
VIGGÓ Sigurðsson, þjálfari
Stjörnunnar, segir Islendinga
þurfa að vara sig á liði Svisslend-
inga í riðlakeppni HM.
Viggó fylgdist með undirbún-
ingi heimsmeistara Rússa í Sviss
og Þýskalandi, og sá meðal ann-
ars fjögurra landa mótið þar sem
þeir mættu Svisslendingum og
Spánverjum. Svisslendingar eru
sem kunnugt er með Islendingum
í riðli og segir Viggó þá hafa tal-
að þannig að þeir ætluðu sér að
vinna riðilinn — teldu það hrein-
lega sjálfsagt mál.
„Svisslendingar eru stórhættu-
legir. Þeir spila mjög rólega eins
og þeir eru vanir — langar sókn-
ir. Svo þegar maður hefur á til-
finningunni að þeir hljóti að fara
að fá dæmda á sig töf kemur
[Marc] Baumgartner og skorar.
Hann heldur liðinu á floti og skor-
ar nánast þegar hann vill. Frábær
leikmaður. Þetta er lið sem við
verðum að passa okkur mjög vel
á,“ sagði Viggó.
Forsölu niiða á Heimsmeistara-
keppnina í handknattleik lauk
á mánudaginn gær og að sögn
Stefáns Jóhannssonar hjá ferða-
skrifstofunni Ratvís, umboðsaðila
miðasölunnar, hefur salan gengið
vel oger nær uppselt í sæti á fyrsta
leik Islands í keppninni, gegn
Bandaríkjunum, sem verður í
Laugardalshöll og hefst klukkan
20 á sunnudag.
Góð sala síðustu daga
„Salan hefur margfaldast síð-
ustu daga,“ sagði Stefán. „í byijun
síðustu viku var búið að selja miða
fyrir um 10 til 12 milljónir en tal-
an var komin yfir 20 milljónir á
föstudag og seldust miðar fyrir um
þijár milljónir þann dag. 2.126
miðar í sæti voru í boði á leik ís-
lands og Bandaríkjanna og eru
þeir að seljast upp en að öðru leyti
virðist vera frekar jöfn dreifing á
aðra leiki. Þó finnum við fyrir
spennu vegna úrslitaleiksins og
eins gera margir ráð fyrir að leik-
ur Islands og Sviss verði úrslita-
leikur A-riðiIs samkvæmt áhuga á
miðum á þann leik.“
Stefán sagði að prufuleikur ís-
lands og Austúrrikis í Laugardals-
höll s.l. laugardag sýndi vel áhuga
og stemmningu fyrir keppninni.
„Að fólk skuli taka boðinu, mæta
og troðfylla Höllina gefur vísbend-
ingu um stemmninguna sem þar
verður í keppninni, en meira en
5.000 manns voru á leiknum."
Óljóst með útlendinga
Ekki liggja fyrir tölur um sölu
miða erlendis. „Það er erfitt að
segja til um hvað margir koma
og talan er fljót að breytast,“
sagði Stefán. „Stemmningin í ná-
grannalöndunum fer eftir gengi
liðanna en hafa ber í huga að
keppnin er haldin á íslandi fyrir
íslendinga."
Morgunblaðið/Árni Sæberg
Fullkomin prentþjónusta á HM
NÝLEGA var gengið frá samningi
á milli framkvæmdanefndar HM95
annars vegar og Nýheija hf og
Prentsmiðjunnar Odda hins vegar.
í samningnum felst að Oddi, sem
sér um alla prentun vegna HM95,
og Nýheiji, sem hefur séð HM95
fyrir ljósritunarvélum og tækni-
þjónustu vegna ljósritunar, samein-
ast um að setja upp „Prentun á
staðnum" í Laugardalshöll á meðan
keppninni stendur. í þjónustumið-
stöð Odda og Nýheija verður
fréttabréf heimsmeistarakeppninn-
ar prentað ásamt ýmsum upplýs-
ingum fyrir innlenda og erlenda
blaðamenn. Tölvur þjónustumið-
stöðvarinnar verða beintengdar
tölvum HM95, þar sem skráðar
verða niður allar upplýsingar með-
an á leik stendur og þær upplýs-
ingar sendar á tölvu, sem fer síðan
beint á ljósritunarvél til prentunar.
Þessi þjónusta verður einsdæmi hér
á iandi og verður á við það besta
sem gerist á stórmótum erlendis.
Heildarverðmæti samningsins
hljóðar upp á tugi milljóna króna.
Myndin var tekin þegar samningur-
inn var kynntur, f.v.:Hilmar Bald-
ursson, frá Odda, Geir H. Haarde,
formaður framkvæmdanefndar
HM95, Erling Ásgeirsson, frá Ný-
heija og Hákon Gunnarsson, fram-
kvæmdastjóri HM95.
_____ÞJÓÐ I ÞJÁLFUN__
Vellíðan í vinnunni
VIÐ veijum hlutfalls-
lega mestum tíma
ævinnar við vinnu. Hún
hefur áhrif á hugsunar-
hátt okkar og athafnir.
Hún hefur áhrif á
hvernig okkur líður.
Ef fólki líður illa í
vinnunni getur það leitt
til lélegra afkasta og
tíðra fjarvista. í íþrótt-
um birtist vansæld og
þreyta leikmanna oft í
kvörtunum gegn dóm-
urum, skófatnaði, lýs-
ingu eða áhorfendum í
stað þess að ráðast að
rótum vandans. Meiri
líkur eru á að afköstin
verði betri og að smáatriðin verði
aukaatriði ef leikmenn bera jákvæða
virðingu fyrir þjálfara og líður vel í
návist hans og meðspilara. Skýrar
ieiðir að markmiðum, hlutverka-
skipting, traust, samkennd, hvatn-
ing, hrós og ábyrgð skiptir einnig
máli í þessu sambandi. Aðstæður á
„vinnustað", þ.e. í fyrirtækjum,
stofnunum, skólum, á heimilum og
í samfélaginu í heild þurfa að vera
með þeim hætti að þær þroski fólk
og efli til frekari dáða. Ánægja í
starfi er mjög mikilvæg. Vinnan er
meira en að fullnægja einungis þörf-
um um klæði og fæði. Langvarandi
atvinnuleysi hefur skaðleg áhrif á
heilsu manna. Oft hverfur sjálfsvirð-
ingin og vonieysi og kvíði tekur við.
Góðir og vondir vinnustaðir
Á góðum vinnustað þorir fólk að
vera það sjálft og býr ekki við ótta
og öryggisleysi. Vandamál eru rædd
til að leysa þau. Miðað er að því að
fólk geti notað hæfileika sína og
þekking og færni hvers og eins sé
metin að verðleikum. Samstarfs-
menn gleðjast með glöðum og
hryggjast með hryggum. Upplýs-
ingastreymi þarf að vera í aljar átt-
ir, upp, niður og til hliðar. f hand-
boltaliði sem vill ná árangri er nauð-
synlegt að liðsmenn beri traust hver
til annars, finni til sam-
hyggðar og hafi um-
burðarlyndi gagnvart
sérkennum hvers ann-
ars jafnframt því að
hugsa um hag heildar-
innar. Á góðum vinnu-
stað eru minni líkur á
kulnun eða starfsþroti.
Starfsþrot lýsir sér
m.a. sem mikil andleg
þreyta og tilfmninga-
leysi í vinnunni og óper-
sónuleg samskipti á
vinnustað. Afköst og
árangur eru minni en búast má við.
Höfuðverkur og vöðvabólga fylgja í
kjölfarið, fjarvistir aukast.
Líkams- og heilsurækt
á vinnustaö
Góðir stjórnendur skynja að fyr-
irtæki og stofnanir snúast um fólk.
Stjórnandinn á mestan þátt í að
skapa starfsandann. Víða hefur ver-
ið gert átak í að skapa gott vinnuum-
hverfi og er þá tekið tillit til margra
þátta sem vitað er að skapa meiri
ánægju og vinnugieði starfsmanna
og þar með betri afköst. Þegar hæfi-
leikar starfsmanns fá að njóta sín
og hann fær að axla ábyrgð og finn-
ur að erfiðið skilar árangri og viður-
kenningu eru líkur á að vinnugleðin
aukist.
Góður starfsandi og gott vinnu-
umhverfi eru því heilsuefling í víðum
skilningi. Samtökin Iþróttir fyrir alla
og Máttur vinnuvernd hafa verið í
fararbroddi við að hvetja stjómendur
og starfsmannafélög til að efla lík-
amsrækt og vinnuvemd. Rannsóknir
sýna að eftir að boðið hefur verið
upp á skipulagða líkams- og heilsu-
rækt í fyrirtækjum með tilheyrandi
fræðslu, ráðgjöf og hvatningu frá
stjórnendum hefur íjarvistum starfs-
fólks fækkað verulega. Á mörgum
vinnustöðum hefur starfsfólkið sjálft
stofnað gönguhópa og skipuleggur
gönguferðir með þátttöku fjölskyld-
unnar. Slíkar athafnir bæta vinnu-
andann. Fjölmargir fá sér göngutúr
í hádeginu í stað þess að sitja aðgerð-
arlausir. Daglegur göngutúr í hádeg-
inu er góð líkamsrækt.
Hléæfingar 4-6 mínút-
ur tvisvar á vinnudegi
hafa verið stundaðar
um árabil í fyrirtækjum
í Japan og Kína.
Markmiðið með hléæf-
ingum er að minnka
vöðvaþreytu, auka blóð-
streymi til vöðva, auka
teygjanleika vöðva og
hreyfanleika liða,
minnka streitu og bæta
starfsandann. Að ganga
í vinnuna og sleppa lyft-
unni er einnig heilsu-
bætandi. Rétt líkams-
beiting við vinnu skiptir
máli. Enginn vinnustell-
ing er það góð að æskilegt sé að
halda henni óbreyttri í langan tíma.
Skiptu sem oftast um vinnustellingu
og athugaðu vinnustólinn þinn. Er
hann rétt stiiltur?
Ég þekki sælustraum-
inn sem kemur þegar
hrópað er af 4.000
áhorfendum: „Áfram
ísland,“ segir Gunnar
Einarsson. Hugsið ykk-
ur ef slíkur göldi stæði
í götunni ykkar og hróp-
aði áfram og nafnið þitt.
Stjórnun
Stjórnun getur verið með mismun-
andi hætti og leitt til ólíks árang-
urs. Hin eina rétta stjórnun er ekki
til. Stjórnun er eins og listgrein.
Sagt hefur verið að 80% af vanda-
málum fyrirtækja megi rekja til yfir-
stjórnunar þeirra en 20% til annarra
starfsmanna. Nútíma stjórnandi þarf
að geta tileinkað sér
aðstæðubundna stjórn-
un. Hann þarf að geta
verið stýrandi þ.e. gef-
ið nákvæm fyrirmæli
um hvað, hvernig og
hvenær vinna eigi
verkið. Hann þarf að
vera hvetjandi, út-
skýra ákvarðanir og
hvetja starfsmenn að
koma með tillögur.
Hann þarf að vera
þátttakandi, styðja
starfsmenn við lausn
verkefna. Hann þarf að geta verið
veitandi, látið starfsmenn um
ákvarðanatöku og vinnslu verkefna.
Mismunandi stjórnunarstílar bera
góðan árangur við réttar aðstæður
en skila ekki árangri í öðrum að-
stæðum. Stjórnandinn þarf að finna
þann veg, að laga stjórnun að að-
stæðum og að laga aðstæður að
stjórnun. Stjórnandinn þarf að hafa
ákveðna hæfni í mannlegum sam-
skiptum og bera umhyggju fyrir
starfsfólkinu. Grundvallaratriði í
allri stjórnun er þó væntanlega það
að bera virðingu fyrir manneskjunni
og þörfum hennar.
Að lokum
Allir hafa þörf fyrir að hafa til-
gang með starfi sínu, að sjá árang-
ur, fá hrós og geta fundið að þeir
séu í framför. Þetta gildir alls stað-
ar. Landsliðsstrákarnir okkar í hand-
knattleik eru engin undantekning.
Þeir þurfa líka hvatningu. Ég þekki
sælustrauminn sem kemur þegar
hrópað er af 4.000 áhorfendum:
„Áfram ísland." Hugsið ykkur ef
slíkur fjöldi stæði í götunni ykkar
og hrópaði áfram og nafnið þitt.
Slík hvatning hefði áhrif. Þvílík við-
urkenning. Næsti pistill fjallar um
lífsstíl. Heimaverkefni þangað til er
að hugsa um hver þungamiðja lífs
þíns er, hvetja fjölskyldumeðlimi til
dáða og reyna eitthvað nýtt.
Höfundur stjómnr átakinu „Þjóð
íjijálfun"á vcgum Hcilsucflingar,
íþróttn fyrir nlhi og
framkvæmdanefndar HM95.
Gunnar
Einarsson