Morgunblaðið - 29.05.1996, Blaðsíða 9

Morgunblaðið - 29.05.1996, Blaðsíða 9
MORGUNBLAÐIÐ MIÐVIKUDAGUR 29. MAÍ 1996 D 9 AKSTURSÍÞRÓTTIR TORFÆRA Meistarinn lagði línurnar Gunnlaugur Rögnvaldsson skrlfar á teningnum. HARALDUR Pétursson f rá Olf- usi lagði línurnar ífyrstu tor- færukeppni ársins á Akureyri um helgina, náði forystu í fyrstu þraut og hélt henni til loka íflokki sérútbúinna jeppa. Einar Gunnlaugsson frá Akur- eyri var þó alltaf skammt und- an, lokaþrautin gerði þó út- slagið. Sigurður Axelsson frá Reykjavík mætti sterkurtil leiks og nældi íþriðja sæti eftir ágæta frammistöðu, en Ijóst er að margir ökumenn verða að taka upp sparihanskana ef þeir ætla að standast Haraldi snúning. Sigurður Jónsson frá Kópavogi vann íflokki götu- jeppa, stal sigrinum ísíðustu þraut, eftir að Rafn A. Guðjóns- son hafði haft forystuna alla keppnina. íslandsmeistarinn Gunnar Guðmundsson úr Reykjavfk varð þriðji. Eftir brambolt mikið á síðasta ári var fróðlegt að sjá frammi- stöðu Sigurðar Axelssonar, á jeppa sem hann mætti með í fyrsta skipti í fyrra. Hvorki gekk né rak hjá honum, en nú var annað upp Sigurður náði fullu húsi stiga i fyrstu þremur þrautun- um og fylgdi Haraldi fast eftir, en eftir þrjár þrautir var Einar aðeins 5 stigum á eftir Sigurði. Hann skaust hinsvegar framúr í fjórðu þraut og var aðeins 15 stigum á eftir Haraldi. Bilið breyttist ekkert í næstu þraut og þá var aðeins loka- þrautin eftir, tímaþraut, þar sem ekið er í kapp við ídukkuna. Taugatitringur gerði vart við sig hjá Haraldi og Einari. Haraldur fór fyrstur og klúðraði krappri beygju, tapaði tíma og því átti Einar ágæta möguleika á að slá honum við. „Mér brást bogalistin, byrjaði í vit- lausum gír og jeppinn orkaði alltof lítið áfram fyrir vikið. Svo mistókst mér beygja í tvígang, var að passa að fara ekki yfir dekk. í stað þess að saxa á Harald tapaði ég tíma og stigum og þar með keppninni. En annað sætið er góð byrjun og ég set í fluggírinn á Egilsstöðum," sagði Einar. í tímaþrautinni blómstraði Gísli G. Jónsson og náði besta tíma, en heldur seint. „Mér mistókst hrapallega í einni þraut og tel að öxull hafi brotnað í byrjun eða verið brotinn þegar ég lagði af stað. Jeppinn hentist til hliðar og endaði á hliðinni," sagði Gísli, „Undirlagið var misjafnt milli þrauta og ég kunni ekki alveg nóg á vélina. Eg skipti um hedd og útbjó vélina á annan hátt en í fyrra og hún var sneggri til. Ég þarf að ná tökum á virkni hennar. Ég eyði- lagði tvö ausudekk í keppninni, sem gæti orðið vandamál á Egilsstöðum, svona dekk liggja ekki á lausu." Gísli var helsti andstæðingur Har- aldar í fyrra, en varð að sætta sig Styttri og betri Morgunblaðið/Gunnlaugur Rögnvaldsson GISLI G. Jónsson sparar ekki orkuna í þessari þraut, en hann mættl á endursmíðuðum jeppa, hafðl stytt aftan af honum og breytt yflrbygglngunni. Þá var Gísli með öflugri vél í bílnum en áður, en kvaðst ekki alveg kunna á hegðun hennar. við fjórða sætið á eftir Sigurði Axlessyni. „Ég er náttúrlega ánægður með þessa byrjun. Það er alltaf erfítt að verja titla. Mér leist þó ekkert á stöðuna þegar ég snarsneri jepp- anum í tímaþrautinni, en beit á jaxl- inn," sagði Haraldur. „Þetta gat farið á báða vegu, Einar er harður á heimavelli, en ég hafði af honum vinninginn. Jeppinn minn kemur vel undan vetri, breytingar sem ég hef gert eru til góða og mér líst vel á sumarið. Þrautirnar í mótinu voru flestar ágætar og mér sýnist að margir verði um hituna í mótum ársins, þótt sumir hafi komið dálítið illa undirbúnir. Það breytist vænt- anlega í næstu keppni," sagði Har- aldur. Áfram, karl minn! GUNNAR Egilsson var heillum horfinn í keppninni í Glerárdal við Akureyri um helgina og sagði á eftir að hann hefði betur látið eiginkonuna, Sæunni Lúðvíks- dóttur, um að keyra. Sæunn er einnig góður ökumaður og ætlar að aka bíl þeirra hjóna í bikar- mótunum tveimur sem verða í sumar, eins og hún gerði í fyrra Á myndinni hvetur Sæunn eigin- manninn af innlifun er hann var í tímabrautinni. KART -H BRAUTARVERÐIR hanga á jeppa Slgurðar Jónssonar elns og um skútu sé að ræða. Koma þar með f veg fyrlrað hann veltl niður bratta hlíð, en Slgurður vann í flokki götujeppa. Kappaksturskeppni innanbæjará Akureyri Kappakstursfélag Akureyrar hélt kart kappaksturskeppni í miðbæ Akureyrar eftir að torfærukeppninni lauk. Fjöldi áhorfenda skoðaði þessa nýju akstursíþrótt hérlendis, sem m.a. Formula 1 ökumenn nota til að halda snerpunni og úthaldi í lagi. „Þetta á að vera fyrsta íslandsmótið, en okkur fannst aðstæður alltof hættulegar, kantsteinar og ljósastaurar hefðu getað skaðað ökumenn. Það þarf að finna betra svæði fyrir þessa íþrótt, því hraðinn og hamagang- urinn er mikill í kartakstri," sagði Ólafur Guðmundsson i samtali við Morgunblaðið. „Þetta er ódýrasta akstursíþrótt, sem hægt er að stunda og ekki minna gefandi en aðrar. En aðstæðurnar verða að vera öruggar, svona 100 kúbiksentímetra bílar eins og við leyfðum hérna ná 100 kíló- metra hraða á fjórum sekúndum. Ég held að það sé bara tímaspursmál hvenær þetta slær í gegn hérlendis, en við þurfum að finna góð svæði fyrir keppni af þessu tagi." Spariskórnir dugðu ekki SPARISKÓRNIR dugðu Einari Gunnlaugssyni ekki í fyrsta mótinu. Hann keppir alltaf í spariskóm, hefur gamalt aukapar í jeppanum. Hann kvaðst nú verða skreppa til Skagastrandar eftir nýju pari, fyrst sigur vannst ekki. Spariskórnir eru framleiddir þar um slóðir og aðra vill hann ekki sjá sem keppnisskó. Söknuður RAGNAR Skúlason, fyrrum ís- landsmeistari í torfæru mætti sem áhorfandi á mótið. Hann var með æpandi gula hárkolla ásamt félaga sínum, saknaði greinilega jeppa sins, sem var skærgulur og kallað- ist Galdargulur. Breyting GÍSLI G. Jónsson hefur stytt jeppa sinn umtalsvert og fjarlægt stóran hluta yfirbyggingarinnar. Jeppinn léttist um nokkra tugi kílóa við þessar breytingar. Hann er með nýja auglýsendur, Apple umboðið og sagði að hann hefði líklega hætt ef hann hefði ekki fengið aukið auglýsingafé í ár. Eitrað fyrir bíl Einars? VÉLIN í jeppa Einars Gunnlaugs- sonar olli honum vandræðum. Hann var með gamansama og einfalda skýringu á því. Díselvélin í viðgerð- arbíl Sigurðar Jónssonar hefði ör- ugglega spúð díselreyk í átt að jeppa hans og hreinlega eitrað fyrir vélinni. Hann gæti sannað það vís- indalega. Nei, takk! KÆRUSTUR og eiginkonur kepp- enda fengu græna starfsmanna- passa, sem á stóð; eiginkona kepp- anda. íris Viggósdóttir, kærasta íslandsmeistarans Haraldar Péturs- sonar var þó ekkert á því að setja slíkt upp. Það næsta sem hún vissi yrði að hún væri komin í uppvaskið. Óheppinn MILLIKASSINN brotnaði i fyrstu þraut í jeppa Ásgeirs Jamil Allans- son og hann varð að horfa á eftir það. Það sama henti í sömu keppni fyrir ári síðan. Óhress VIÐAR Sigþórsson sérpantaði keppnisvél frá Bandaríkjunum fyrir keppnistímabilið. Hún virkaði aldrei almennilega og Viðar var hinn versti viðureignar í fyrstu þrautun- um að sögn aðstoðarmanna. Hann kvað það ömurlega upplifun að þurfa dóla þrautirnar, en hann ætti mikið inni. Víða að SEX sjómenn kepptu í torfærumót- inu á Akureyri, fjórir bifvélavirkjar, tveir bílasalar, einn múrari, dekkja- sali og viðskiptajöfur. Oryggi BÍLAKLÚBBUR Akureyrar er elsti akstursíþróttaklúbbur landsins og hefur haldið tæplega 200 mót frá stofnun hans þann 27. maí 1974. Keppnin í Glerárdal var ágætlega skipulögð og áhorfendur voru í ör- uggri fjariægð, nokkuð sem þarf að gæta að í öllum mótum ársins.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.