Morgunblaðið - 13.08.1996, Qupperneq 8

8 B ÞRIÐJUDAGUR 13. ÁGÚST 1996
MORGUNBLAÐIÐ
ÍÞRÓTTIR
Morgunblaðið/Gunnlaugur Rögnvaldsson
JACQUES Villeneuve vlð Williams-Renault keppnlsbílinn sem hann sigraði á um helgina.
Villeneuve sigraði í ung-
verska kappakstrinum
KANADAM AÐURINN Jacques Villeneuve kom fyrstur í mark í
ungverska kappakstrinum á sunnudaginn, en Bretinn Damon
Hill varð annar. Báðir óku Williams Renault keppnisbílum og
tryggðu með þessum árangri Williams-liðinu heimsmeistaratitil
bflahönnuða. Villeneuve saxaði hinsvegar á forskot Hill í keppni
ökumanna um heimsmeistaratitilinn. Frakkinn Jean Alesi hirti
bronsið. Heimsmeistarinn Michael Schumacher féll enn eina
ferðina úr keppni, núna með bilaða vél og sömu örlög biðu einn-
ig Eddie Irvan hjá Ferrari.
Heimamaður í
stuði undir stýri
að var spenna rétt fyrstu 15-20
hringina í keppninni, þar sem
margir skiptust á að hafa forystu.
Staðan breyttist mest vegna þess
að ökumenn tóku flestir þijú við-
gerðarhlé, sem riðlaði stöðunni. En
þegar nær dró lokum var Villeneuve
hinsvegar kominn með hálfrar mín-
útu forskot sem Hill saxaði jafnt
og þétt á, eftir misheppnað viðgerð-
arhlé Villeneuve. Þegar bílarnir
komu í endamark var aðeins hálfrar
sekúndu munur á köppunum tveim-
ur. Austurríkismaðurinn Gerhard
Berger var framarlega þangað til
að vélin í Benetton hans gaf upp
öndina í annarri keppninni í röð.
Bretinn Martin Brundle var heppinn
þegar Jordan bíll hans fór útaf á
hraðasta kafla brautarinnar, hann
slapp ómeiddur en féll úr keppni.
Aðeins níu af tuttugu bílum sem
keppnina hófu komust í endamark
eftir 305 km akstur. Meðalhraði
Villeneuve í keppninni var 174 km
á klukkustund.
„Það verður hörð keppni milli
okkar Hill í síðustu fjórum mótun-
um. Við erum búnir að tryggja
Williams heimsmeistaratitil bíla-
hönnuða og fáum því lausan taum-
inn á lokasprettinum,“ sagði Vil-
leneuve eftir að hafa tekið á móti
sigurlaununum. „Það munaði
minnstu að ég tapaði keppninni í
þriðja viðgerðarhléinu þegar ró á
afturdekki vildi ekki festast. Ég
tapaði tíu sekúndum á þessu, en
náði samt að halda Hill fyrir aft-
an.“ Hill klúðraði enn á ný í rás-
markinu, var annar í rásröð en féll
í fimmta sæti á fyrstu 100 metrun-
um. „Jean Alesi komst framúr mér
og ég var lengi vel fastur fyrir aft-
an hann og tapaði miklum tíma,
því erfítt var að fara framúr á
þröngri brautinni. Ef dekkin fóru
of utarlega var ryk til staðar sem
gerði brautina hála og hættulega,
þannig að það varð að aka varlega,
halda ökulínunni. Ég náði þó í silfr-
ið og hlakka til síðustu mótanna,
sem munu ráða hver verður heims-
meistari ökumanna," sagði Hill.
Feðgamir Rúnar Jónsson og Jón
Ragnarsson unnu fjórða rallið
í röð á þessu ári á Mazda 323, en
heimamennirnir Vilhjálmur Viðars-
son og Ingólfur Arnarsson á Nissan
nældu í silfur á heimaslóðum. Þriðju
urðu Þorsteinn P. Sverrisson og
Ingvar Guðmundsson á Toyota Cor-
olla og sigruðu þar með í flokki
Norðdekk bíla fyrir lítt breytta
keppnisbíla. Keppnin var fámenn
en sérleiðirnar þóttu sérstaklega
skemmtilegar í keppninni sem fór
fram í nágrenni Sauðárkróks, lá
m.a. um Mælifellsdal.
„Leiðin um Mælifellsdal er
geggjaðasta sérleið á landinu. Það
er varla beinn kafli á leiðinni og
þú getur verið viss um að ef blind-
hæð er framundan, þá er beygja
strax á eftir. Leiðin er gífurlega
hlykkjótt og skemmtileg," sagði
Þorsteinn í samtali við Morgun-
blaðið. Hann og Ingvar hafa háð
harða keppni við Hjört P. Jónsson
og ísak Guðjónsson í flokki lítt
breyttra bíla í sumar, en þeir síðar-
nefndu féllu úr leik á annarri sér-
leið með tvö sprungin dekk. Bilaði
einnig framhjólabúnaður eftir útaf-
akstur á fyrstu leið. „Þegar við
sáum bíl Hjartar bilaðan slökuðum
við örlítið á, en höfðum sprengt á
fyrstu leið. Þar til við sáum Hjört
þá tók ég alla heimsins sjénsa á
blindhæðum til að vinna tímatapið
upp. Keyrði á skapinu frekar en
vitinu og skynsemi. Eftir það var
spurning um að keppa um annað
sætið við Vilhjálm, en við vildum
frekar halda bronsinu en taka
áhættu. Þrátt fyrir ólán Hjartar
sýnist mér að hann nái titli í þess-
um flokki þó tvö mót séu eftir.
Hann þarf aðeins að ná öðru sæti
í öðru þeirra þó ég ynni bæði ,“
sagði Þorsteinn.
Vilhjálmur var að vonum ánægð-
ur að ná silfri á heimavelli, en hann
hafði forystu á tímabili eftir að
feðgarnir Rúnar og Jón töpuðu
þremur mínútum á fyrstu leið. Þeir
sprengdu dekk og ákváðu að skipta.
„Við vorum í forystu fram að há-
degishléi og það var sannarlega
óvænt. Við erum í skýjunum með
silfrið. Ég hefði gjarnan viljað hafa
meira afl, þó það sé varla kominn
tími á það ennþá. Of mikið afl get-
ur valdið óþarfa klúðri," sagði Vil-
hjálmur sem byijaði að keppa í rall-
akstri á þessu ári og hefur sýnt
góða takta. „Ég ætla að reyna að
safna peningum til að komast í al-
þjóðarallið í september og þessi
árangur eykur náttúrulega áhuga
manns mikið. En við verðum að
skoða sérleiðirnar betur en fyrir
þessa keppni til að geta ekið hrað-
ar,“ sagði Vilhjálmur.
Það fór lítillega um Rúnar og Jón
þegar sprakk hjá þeim og tjakkur-
inn festist undir bílnum á fyrstu
sérleið. „Við vorum búnir að aka
þijá kílómetra af 22 á fyrstu leið
þegar sprakk og við urðum að
stöðva og skipta um dekk. Tjakkur-
inn sökk hinsvegar í drullu, en okk-
ur til happs voru áhorfendur nálæg-
ir sem lánuðu okkur tjakk. En við
töpuðum 3,45 sekúndum á fyrsta
bfl,“ sagði Rúnar. „Ég þurfti því
að hafa fyrir sigrinum og var hepp-
inn að ekki voru öflugri bílar í þess-
ari keppni en raun bar vitni. Vil-
hjálmur var hinsvegar þrælsprækur
á sínum bfl, en okkur tókst þó um
síðir að síga framúr honum og unn-
um með tæplega tveggja mínútna
mun. Nú er bara að safna kröftum
fyrir alþjóðarallið, sem er stærsti
viðburðinn í rallinu hérlendis. Ég
hlakka mikið til að keppa þar,“
sagði Rúnar Jónsson.
Ammanæfði
fyrir tor-
færukeppni
Sæunn Lúðvíksdóttir segir ruggustóla
og prjóna ekki tímabæra og keppir í
torfæru um næstu helgi
Fyrsta amman til að keppa í
torfæru verður Sæunn Lúð-
víksdóttir frá Selfossi og það mun
gerast í heimsbikarmóti í torfæru
í Jósepsdal á næsta laugardag.
Hún er aðeins 34 ára gömul en
engu að síður orðin amma. Dóttir
hennar Margrét Ósk eignaðist son
fyrir skömmu, en hún er sautján
ára gömul. Á sama aldri og þegar
móðir hennar ól hana. Sæunn er
eiginkona Gunnars Egilssonar
sem keppt hefur í torfæru í mörg
ár.
Sæunn hefur keppt áður, í æf-
ingamótum en keppir nú í bikar-
móti sem verður grunnur að al-
þjóðlegu torfærumóti framtíðar-
innar. Margir torfærujeppar eru
til á Norðurlöndum og nokkrir
þeirra verða í keppninni um næstu
helgi. Sæunn skrapp á laugardag-
inn í prufutúr á keppnistæki fjöl-
skyldunnar. „Ég náði úr mér
skrekknum á æfingu í Jósepsdal.
Ég velti harkalega þama í fyrra
í myndatöku og jeppinn fór í steik
að framan. En ég var fljót að rífa
skrekkinn úr mér eftir akstur í
hliðarhalla og börðum. Ég ætla
að æfa mig vel fyrir mótið og ná
árangri. Gef körlunum ekkert eft-
ir og þeir fá að finna fyrir hve
kraftmiklar ömmur geta verið,“
sagði Sæunn.
„Veltan í fyrra var mjög harka-
leg, jeppinn stakkst framyfír sig
með látum. En öryggisbúnaðurinn
er mikill og því er ég róleg að
keppa. Eftir að ég varð amma þá
hefur fólk komið til mín og spurt
hvort ekki væri kominn tími til
að slaka á. Jafnvel þó ég sé að-
eins 34 ára, þá er titillinn amma
farin að setja sitt mark á mig.
Ég á greinilega bara að vera í
pilsi og með pijóna í ruggustól.
En ég hef svarað því til að ef ég
hætti í torfæru, þá fari ég bara
í fallhlífastökk í staðinn. Þá hefur
fólk hætt að tala um þetta, sætt-
ir sig við að ég sé í torfærunni.
Ég finn mig vel undir stýri, hef
alltaf ekið mikið og torfæran er
orðin lífsstfll hjá okkur Gunnari.
Krakkamir okkar eru heilluð líka,
eiga eigin útfærslur af torfæru-
jeppum sem Gunnar og Ævar
bróðir minn smíðuðu. Þau koma
á öll mót með okkur,“ sagði Sæ-
unn.
„Strákunum mínum líst svona
þokkalega á að ég ætli að keppa.
Þeir eru' svolitlar karlrembur,
finnst pabbi eiga betur heima um
borð í keppnistækinu.“ Hún segir
þau Gunnar hafa ólíka aksturs-
tækni. „Ég held að ég sé næmari
í börðum, en Gunnar betri í tíma-
þrautum og í því að krækja fyrir
dekk. Ég á eftir að læra það bet-
ur. Ég ætla að liggja yfir mynd-
böndum af mótum sumarsins og
skoða hvernig andstæðingarnir
keyra. Það skiptir máli hvar þú
ert í rásröð og hvemig ökumaður-
inn fyrir framan þig ekur í þraut-
um. Svo er spuming hvort maður
muni það allt á keppnisstað, en
ég verð vel undirbúin. Ég á alveg
möguleika að vinna eins og strák-
arnir sem hafa verið í þessu. Þeir
verða örugglega á nálum, vilja
ekki að amma leggi þá að velli í
karlaíþrótt sem margir telja tor-
fæmna vera. Ég ætla sanna að
svo er ekki,“ sagði Sæunn galv-
ösk.
Morgunblaðið/Gunnlaugur Rögnvaldsson
Amman og
synirnir
SÆUNN Lúðvíksdóttir, 34
ára amma sem keppir í tor-
færu um næstu helgi, æfðl í
Jósepsdal á laugardaginn.
Synir hennar Ægir Óskar og
Hafberg Óskar Gunnarssyn-
ir mættu með eftirlíkingar
af keppnistæki hennar á
staðinn og fylgdust með að-
förum hennar. Hún verður
fyrsta amman sem keppir í
torfæru.