Morgunblaðið - 04.11.1997, Blaðsíða 2
2 B ÞRIÐJUDAGUR 4. NÓVEMBER 1997
MORGUNBLAÐIÐ
IÞROTTIR
HM í Frakklandi 1998
Noregur
22 þjóðir hafa tryggt sér
sæti í úrslitakeppni HM
í knattspyrnu 1998.
10 sæti eru enn laus.
Ein þjóð hefur tryggt sér sæti:
MEXÍKÓ
2 sæti eru enn laus.
Þegar2umf. eru eftirhefur
Mexikó 16 stig, Jamaika 12,
Bandarikin 11, El Salvador 9,
Kosta Rika 8 og Kanada 6.
Skotland
Danmörk
England
Holland
Þessar þjóðir leika í Frakkíandi:
KAMERÚN
MAROKKÓ
NÍGERÍA
S-AFRÍKA
TÚNIS
wmmxm
4 þjóðir hafa tryggt sér sæti:
BRASILÍA Heimsmeistarar
ARGENTÍNA
KÓLUMBÍA
PARAGUAY
Chile og Perú kljást um
síðasta lausa sætið.
Ein þjóð hefur tryggt sér sæti:
S-KÓREA
2 sæti eru enn laus og þess
utan leikur eitt lið frá Aslu
við lið Ástraliu um eitt sæti.
Rúmenía
Spánn
Búlgaria
V
■ ÁSGEIR Þór Þórðarson sigraði
í Freyjumótinu í keilu sem fram fór
í Keilusalnum í Mjódd á sunnudag-
inn. í öðru sæti varð Freyr Braga-
son og Jón Asgeir Ríkharðsson
hreppti þriðja sætið. Meðaltal Ás-
geirs var 202. Sigurinn tryggði hon-
um keppnisrétt á heimsbikarmótinu
í Kaíró 15. til 22. nóvember.
■ SVEINN Margeirsson hreppti
6. sæti á meistaramóti Norðurland-
ana í víðavangshlaupi 19 ára og
yngri, en keppendur voru 16 í hans
flokki. Sveinn var eini íslenski kepp-
andinn á mótinu.
■ STEFÁN Þórðarson og félagar
í Öster gerðu 1:1 jafntefli við
Djurgárden í fyrri viðureign félag-
ana um tvö sæti í sænsku úrvals-
deildinni á næstu leiktíð. í hinni við-
ureigninni um sætin gerðu Hacken
og Vasterás einnig 1:1 jafntefli.
Síðari leikirnir eru á miðvikudag og
fimmtudag.
■ INAKI Urdangarin einn þekkt-
asti handknattleiksmaður Spánverja
og tengdasonur konungshjónana þar
í landi lék með spænska landsliðinu
í fyrsta sinn um helgina eftir að hann
gifti sig í haust. Hann gerði 5 mörk
í 32:23 sigri Spánvetja á Slóvakíu í
undankeppni EM á heimavelli.
FOLX
■ PETE Sampras sigraði Svíann
Jonas Björkman í fjórum settum í
úrslitaleik á Opna Parísarmótinu í
tennis á sunnudaginn. Þetta var í
annað sinn sem Sampras fer með
sigur úr býtum í mótinu. Viðureign
þeirra félaga tók tvær klukkustund-
ir og 12 mínútur og settin enduðu
6-3, 4-6, 6-3, 6-1.
■ JOHN Kagwe hlaupari frá
Kenýa sigraði í New York maraþon-
inu um helgina, hljóp á 2:08.01 og
var aðeins 11 sekúndum frá brautar-
metinu sem Tansaníumaðurinn
Juma Ikangaa á frá 1989. Kagwe
er þriðji Kenýamaðurinn til að vinna
í karlaflokki á þessum áratug.
■ FRANZISKA Rochat-Moser
varð fyrsta svissneska konan til þess
að sigra í kvennaflokki. Kom hún í
mark á 2:27.44 sem besti timi sviss-
neskrar konu í maraþonhlaupi.
■ JURGEN Kohler verður ekki
með félögum sínum í Dortmund er
þeir mæta Parma á heimavelli á
miðvikudaginn í Meistaradeildinni.
Kohler meiddist í hné 2:2 jafnteflis-
leik við Kaiserslautern á föstudag-
inn. Ekki er enn komið í ljós hversu
alvarlega meiðslin eru.
■ HEIKO Herrlich er einnig
meiddur og verður ekki í leikmanna-
hópi Dortmund gegn Parma, sök-
um meiðsla sem hann hlaut á föstu-
daginn.
■ CELTA Vigo hefur óskað eftir
því við knattspymusamband Júgó-
slavíu að Goran Djorovic verði
ekki valinn í landsliðið fyrir síðari
leik Júgóslava og Ungverja keppni
um laus sæti á HM. Leikurinn að
fara fram í Belgrad 15. nóvember,
en bæði 12. og 16. á Celta mikil-
væga leiki í spænsku deildinni, við
Mallorka og Barcelona. Djorovic
styður beiðni félags síns.
■ JUANELE framheiji Tenerife
hefur verið dæmdur í fjögurra daga
fangelsi fyrir þátt í slagsmálum á
bar í mars 1994. Juanele er 26 ára
og hefur leikið 5 landsleiki fyrir
Spán.
UPPELDI
Ellert B. Schram, forseti
íþrótta- og ólympíusam-
bands íslands, ræddi m.a. um íjár-
mál íþróttahreyfingarinnar í setn-
ingarræðu sinni á íþróttaþingi á
laugardag, og hlutverk
hennar í samfélaginu. WUSMM
Sagði hann stærsta
vanda hreyfingarinnar
þann að félög ættu við
vaxandi erfiðleika að
etja við að standa und-
ir hlutverki sinu, m.a.
vegna fjárskorts.
Forsetinn sagði að í krafti sjálf-
boðaliða og tryggðar hefði tekist
að reka félögin með „gamla lag-
inu, þar sem menn eru að redda
hlutum frá einum degi til annars,
þar sem forystumenn og þjálfarar
mæta að ioknum vinnudegi til að
halda hlutunum gangandi, þar
sem æskan hefur þegið þjálfun
og félagsaðstöðu í krafti áhuga-
mennsku og sjálfboðaliðastarfs,"
eins og hann orðaði það.
Ellert bendir þama á athygli-
vert atriði. Undirritaður hefur
lengi velt því fyrir sér hve lengi
núverandi rekstrarform íþrótta-
félaga getur gengið; hve lengi
forráðamenn þeirri nenni að veija
jafn tniklum tíma og raun ber
vitni, í sjálfboðavinnu, í að afla
fjár, sem í seinni t(ð fer í auknum
mæli í að greiða keppnisfólki og
þjálfurum laun. Gott og vel; þeir
geta áfram séð um að útvega fjár-
magn vegna keppnisíþróttanna,
en lengi hefur verið bent á uppeld-
ishlutverk íþróttahreyfingarinnar
sem ekki er minna virði en ann-
arra „stofnana" - og því vaknar
sú spuming hvort sveitarfélög
þurfi ekki að styrkja starfið í
auknum mæli, t.d. með því að
taka þátt í að greiða laun þjálfara
yngstu félagsmanna. Iþrótta-
hreyfingin er vitaskuld geysilega
mikilvæg; hún snýst ekki bara um
keppni og afreksíþróttir heldur
tekur þátt í uppeldi fjölda ung-
menna og nú þegar eituriyf og
önnur óárán heijar á samfélagið
hefur hreyfingin aldrei verið mikil-
vægari. Hið opinbera hefur lengi
„Fóstmr felaganna^
ekki síður mikilvægar
en hins opinbera
styrkt uppbyggingu íþróttamann-
virkja myndarlega, en huga þarf
að öðm atriði.
Að gefnu tilefni leyfir undirrit-
aður sér að vitna í grein, sem birt-
ist í blaðinu / vertíðarlok, blaði
knattspymudeildar Þórs á Akur-
eyri haustið 1980. Þar segir m.a.:
„Ég vil einnig leyfa mér að benda
á að íþróttafélögin reka að sumr-
inu stærstu og fjölmennustu leik-
velli bæjarins án þess þó að „fóstr-
ur félaganna“ (þjálfarar og aðrir
leiðbeinendur) þiggi nokkur laun
fyrir frá opinberum aðilum. Ekki
verður séð hvað hin fijálsa félaga-
starfsemi getur lengi staðið ein
og óstudd að slíkum rekstri og
verður að mínu mati að finna
þessu starfi þann farveg að allir
geti vei við unað.“ Þó að 17 ár
séu síðan Hallgrímur Skaptason,
þáverandi formaður knattspymu-
deildar Þórs (sem reyndar er faðir
undirritaðs) skrifaði þetta, eru orð
hans enn ( fullu gildi. Timi hlýtur
að vera til kominn að iþróttahreyf-
ingin og sveitarstjómarmenn ræði
málið af fullri alvöru. Uppeldis-
hlutverk iþróttahreyfingarinnar er
allt of mikilvegt til að hún geti
ekki sinnt því nægilega vel; td.
nái forystumennimir ekki „að
redda“ því sem nauðsynlegt er
vegna þessa þáttar starfsins.
Skapti
Haligrímsson
Erskagfirski^bakvörðuim ARNAR SNÆR KÁRASOIM ekki^hugamaðurmi hesta?
Nógafhesta-
mönnum hér
KÖRFUKNATTLEIKSLIÐI Tindastóls á Sauðárkróki hefur
gengið vel í upphafi keppnistímabilsins, liðið er komið í undan-
úrslit eggjabikarsins og í DHL-deildinni er liðið í þriðja sæti,
hefur aðeins tapað einum leik. Leikstjórnandi Tindastóls,
Arnar Snær Kárason, hefur leikið vel og á ekki hvað minnstan
þátt ívelgengni liðsins. Hann er fæddur í Keflavík 21. janúar
1977 en flutti með foreldrum sínum í Skagafjörð þegar hann
var eins og hálfs árs gamall og hefur búið nyrðra síðan.
Eftir
Skúla Unnar
Sveinsson
Arnar, sem er „einn og yfirgef-
inn“, eins og hann orðaði
það, hefur í nógu að snúast því
auk þess að leika
með Tindastóli á
Sauðárkróki er
hann á fyrsta ári
í viðskiptafræði í
Háskóla íslands í Reykjavík og
þarf því að fara nokkrar ferðir
milli Reykjavíkur og Sauðárkróks
í vetur ásamt fjórum félögum sín-
um, sem einnig eru við nám í
Reykjavík. „Ég, Lárus Dagur,
Hinrik, Ómar og Skarphéðinn
keyrum eða fljúgum á milli. Við
förum oft norður á fimmtudögum,
æfum og leikum síðan í deildinni
á föstudegi. Síðan er farið suður
og leikið á sunnudegi. Við höfum
þvælst á milli húsa fyrir sunnan
í haust en ég held að við fáum
hliðarsalinn í Laugardalshöll núna
í vikunni þannig að þá fáum við
einhvern fastastað til æfinga."
Arnar á ekki langt að sækja
áhuga sinn á körfuknattleik því
faðir hans, Kári Marísson, lék um
langt skeið með Njarðvík og hefur
Ieikið 34 landsleiki. Byrjaðir þú
snemma að fylgjast með?
„Já, pabbi var auðvitað á fullu
í körfunni og ég var ekki gamali
þegar ég fór að þvælast með hon-
um á æfingar, en hann var þá
þjálfari Tindastóls. Þegar við
fluttum norður bjuggum við að
Sólheimum í Blönduhlíð í Skaga-
firði og þar bjó ég þar til við flutt-
um í Varmahlíð þegar ég var 16
ára. Þá fór ég sem skiptinemi til
Bandaríkjanna þar sem ég var í
New York ríki og lék körfubolta
með skólaliðinu. Það var bæði
gaman og lærdómsríkt."
Fylgistu með öðrum íþróttum?
„Já, já. Ég mér fmnst gaman
af flestöllum íþróttum og fylgist
vel með þeim. í fótboltanum er
það auðvitað Manchester United
Morgunblaðið/Golli
ARNAR Snær Kárason var kominn suður í gær til þess að
fara á fyrirlestur í viðskiptafræðideild Háskóla íslands.
sem er efst á blaði.“
Hvað með áhugamál? Nú ert
þú úr Skagafirðinum og eru hest-
ar þá ekki áhugamálið?
„Nei, alls ekki hesta. Það er
nóg af hestamönnum hér. Ég
hlusta hins vegar mjög mikið á
tónlist og þá nánast á hvað sem
er.“
Ykkur hefur gengið vel í vetur
og ætlið ykkur sjálfsagt að ná
langt. Hvert er markmiðið?
„Við ætlum að tryggja okkur
gott sæti í úrslitakeppninni og
vonandi tekst það þó maður viti
aldrei - það getur alltaf eitthvað
komið uppá. Eg held að við höfum
sýnt þegar við lögðum Grindavík
með tuttugu stigum að við getum
unnið hvaða lið sem er. Kjarninn
í liðinu er af Króknum og síðan
fengum við Sverri og útlending-
ana þannig að það má segja að
uppbyggingarstarfið sé að skila
sér. Við erum með mjög góðan
þjálfara og æfðum vel í sumar og
mér sýnist þetta vera að skila
sér. Aðal liðsins er vörnin, þar
erum við fljótir og svo höfum við
stóra menn með okkur og það
hefur dugað hingað til.“
Þú varst valinn í landsliðshóp-
inn í fyrra en dast út þegar hann
var minnkaður. Stefnir þú ennþá
að landsliðssæti?
„Auðvitað! Maður stefnir að því
fyrst og fremst að gera sitt besta
og þó maður verði að beijast um
sæti við þá Fal [Harðarson] og
Jón Arnar [Ingvarsson] þá þýðir
ekkert að hætta. Þeir eru góðir
en eru þeir ekki að verða svo
gamlir?" segir hann í hálfkæringi.