Morgunblaðið - 04.11.1997, Blaðsíða 8

8 B ÞRIÐJUDAGUR 4. NÓVEMBER 1997
KNATTSPYRNA
MORGUNBLAÐIÐ
>
j
Englandsmeistarar Manchester United
halda áfram á stórsigrabraut
Vid lékum
mjög vel
MEISTARAR Manchester Un-
ited eru á fljúgandi ferð í ensku
úrvalsdeildinni í knattspyrnu.
Þeir burstuðu Barnsley 7:0 um
fyrri helgi og á laugardag gjör-
sigruðu þeir Sheffield Wedn-
esday, 6:1, á Old Trafford. Á
sama tíma tapaði Arsenal
fyrsta deildarleiknum í vetur,
0:3 í Derby, og Blackburn gerði
aðeins jafntefli í Barnsley,
þannig að United hefur nú
fjögurra stiga forskot í deild-
inni.
Loðað hefur við leikmenn Man-
chester United að þeir hafi
ekki sýnt bestu hliðar sínar helgina
fyrir Evrópuleik, en annað var upp
á teningnum nú. United mætir
Feyenoord í Hollandi á morgun í
Meistaradeildinni en vonir Davids
Pleats og lærisveina hans í Wedn-
esday um að þeir ættu hugsanlega
möguleika á Old Trafford hurfu
fljótlega. Teddy Sheringham gerði
fyrsta markið þegar á 13. mín.
með lausu skoti utan teigs, sem
Kevin Pressman átti alla mögu-
leika á að veija. Hann gerði aftur
mistök þegar Andy Cole gerði ann-
að markið en hin fjögur voru fal-
leg; fyrst skoraði Cole með skalla,
þá Norðmaðurinn Ole Gunnar
Solskjær með skoti úr teignum og
staðan var 4:0 i leikhléi.
Sheringham skoraði snemma í
seinni hálfleik með skalla af stuttu
færi, Guy Wittingham minnkaði
muninn og hinn norski Solskjær
innsiglaði svo glæsilegan sigur
með frábæru marki úr teignum
vinstra megin; skrúfaði knöttinn
upp í hægra markhornið.
Alex Ferguson, knattspyrnu-
stjóri United, sagðist eftir leikinn
verða í vandræðum með að velja
byijunarliðið gegn Feýenoord;
hann hefði úr svo mörgum góðum
leikmönnum að velja, en lokaundir-
búningurinn hefði ekki getað verið
betri. „Við lékum mjög vel,“ sagði
hann. „Láðið er að þroskast. Strák-
amir lærðu mikið á síðasta keppn-
istímabili og eru fullir sjálf-
strausts. Það hefur verið ótrúlegt
hve vel okkur hefur gengið að nýta
færin."
Sanngjamt í Derfay
Derby vann sannfærandi sigur
á Arsenal, 3:0. Lundúnaliðið hafði
ekki tapað í fyrstu 12 deildarleikj-
unum en vamarleikur þess var
vægast sagt afleitur að þessu sinni
og því fór sem fór. Arsenal fékk
raunar tækifæri til að komast yfir
í fyrri hálfleik en Ian Wright mis-
tókst að skora úr vítaspymu. Paulo
Wanchope frá Costa Rica, sem
leikið hefur mjög vel undanfarið,
gerði tvö mörk en hvorugt var
glæsilegt; það fyrra með lausu
skoti utan teigs og það síðara eft-
ir herfíleg mistök Nigels Winter-
bums á markteignum. Dean
Sturridge gerði þriðja markið;
komst einn inn fyrir og vippaði
laglega yfír Seaman markvörð.
Jim Smith, knattspymustjóri
Derby, fagnar 25 ára starfsafmæli
á þessum vettvangi um þessar
mundir og sigur á Arsenal var
ákjósanleg leið til að halda upp á
það. „Við vorum ekki nógu góðir
í fyrri hálfleiknum en eftir að hafa
breytt ákveðnum þáttum fannst
mér sigur okkar mjög sanngjam,"
sagði hann. „Eftir að við voram
komnir í 2:0 gegn Manchester
United [fyrir skömmu] fórum við
að leika mun aftar á vellinum [og
United jafnaði] en nú héldum við
áfram að sækja og uppskáram eins
og til var sáð.“
Fowler rekinn af velli
Robbie Fowler, miðheiji Liver-
pool, kom mikið við sögu gegn
Guðna Bergssyni og félögum í
Bolton. Hann skoraði eftir aðeins
49 sekúndur en var rekinn af velli
stundarfjórðungi fyrir leikslok fyr-
ir að slá Per Frandsen. Atvikið
átti sér stað beint fyrir framan
nefíð á dómaranum, sem sýndi
Fowler að sjálfsögðu rauða spjald-
ið þegar í stað. Framheijinn fer í
þriggja leikja bann fyrir vikið.
Það var Nathan Blake sem gerði
jöfnunarmark Bolton, með góðum
skalla, á 84. mín.
Chelsea fór upp í ijórða sætið
eftir 2:0 sigur á Aston Villa á úti-
velli. Dwight York hjá Villa skaut
framhjá úr víti í fyrri hálfleiknum
en Mark Hughes og Norðmaðurinn
Tore Andre Flo skoruðu fyrir
Chelsea.
Leicester er í fímmta sæti eftir
3:3 jafntefli við Newcastle á úti-
velli. John Bames kom heima-
mönnum yfír úr vítaspymu strax
í byijun en Ian Marshall skoraði
tvívegis með skalla áður en Daninn
Jon Dahl Tomasson jafnaði með
fyrsta marki sínu fyrir Newcastle.
Matt Elliott kom Leicester aftur
yfír á 54. mín. og allt stefndi í
sigur gestanna þegar John Beres-
ford skallaði í mark þeirra á loka-
sekúndunum.
Leeds lék geysilega vel gegn
Tottenham í London og sigraði 1:0
með marki Rod Wallace snemma
leiks. Leeds stjórnaði leiknum frá
upphafí til enda og sigurinn var
því mjög sanngjam. „Við hefðum
getað gert fjögur mörk. Frammi-
staða okkar var dásamleg, við
höfðum tögl og hagldir allan tím-
ann,“ sagði George Graham, stjóri
Leeds, og brosti breitt að leikslok-
um. Hann hældi ástralska fram-
heijanum unga Harry Kewell sér-
staklega. „Þessi drengur á glæsi-
lega framtíð. Ég mun segja Terry
Venables Jhinum enska landsliðs-
þjálfara Astralíu] að hann gæti
orðið frábær og ætti að fara til
Frakklands [á heimsmeistaramótið
næsta sumar].“
Darren Huckerby og Dion Dubl-
in skoruðu fyrir Coventry, sem
sigraði Wimbledon 2:1 í London.
Reuters
ANDY Cole, mlðherjl Manchester Unlted, getur brosað breltt
þessa dagana. Cole, sem fagnar hér öðru markl sínu gegn
Wednesday, hefur gert flmm mörk í síðustu tvelmur lelkjum.
Pleat sagt upp störfum
DAVID Pleat, knattspymustjóra Sheffíeld Wednesday, var sagt upp
störfum í gærmorgun. Liði hans hefur gengið afleitlega í vetur, er í
neðsta sæti ensku úrvalsdeildarinnar og komið sem fyllti mælinn var
1:6 tapið gegn Manchester United á Old Trafford á laugardag.
Pleat, sem er 52 ára, hefur stýrt liði Wednesday í tæplega tvö og
hálft ár. Liðinu gekk vel á síðasta keppnistímabili en hefur nú aðeins
níu stig eftir 13 leiki og hefur fengið á sig 35 mörk. „Ég er mjög
vonsvikinn [að vera sagt upp] vegna þess að einungis þrettán leikjum
er lokið,“ sagði Pleat í viðtali við BBC í gær. „Okkur gekk mjög vel
á síðasta keppnistfmabili en það hefur verið martröð líkast hve meiðsli
hafa hijáð lykilmenn í vetur og hvers konar mistök við höfum verið
að gera í vöminni," sagði Pleat. „En stjómarmenn líta aðeins á úr-
slit, ekki frammistöðu í leikjunum. Áhangendumir hafa verið mér
góðir og ég óska arftaka mínum velfamaðar í starfí," sagði hann.
FOLK
■ ANGHEL Iordanescu endurnýj-
aði í gær samning sinn við knatt-
spymusamband Rúmeníu og þjálfar
landslið þjóðarinnar fram yfír HM í
Frakklandi næsta sumar. Fréttir
herma að Iordanescu fái rúmar 7
milljónir króna fyrir þennan 10 mán-
aða samning.
■ OCTA VIO Machado sagði óvænt
upp þjálfarastarfí sínu hjá Sporting
í Lissabon um helgina. Liðið mætir
Leverkusen í Meistaradeildinni á
morgun í Þýskalandi.
■ EMILE Heskey, framheijinn
ungi hjá Leicester, var rekinn út
af fáeinum andartökum fyrir leikslok
í Newcastle, eftir að hafa slegið
Philippe Albert.
■ RIVALDO, brasilíski framheijinn
sem Barcelona keypti frá Dep-
ortivo Coruna á 1,8 milljarða króna
í sumar, gerði fyrsta markið gegn
Real - eftir aðeins rúmlega þijár
mínútur. Þetta var sjöunda mark
hans í deildinni í vetur.
■ ÞJÁLFARAR Rómarliðanna
tveggja vom í óvenjulegri aðstöðu
þegar þau mættust á laugardag.
Sven Göran Eriksson hjá Lazio
þjálfaði Roma á sínum tíma og
starfsbróðir hans, Tékkinn Zdenek
Zeman, var við stjórnvölinn hjá
Lazio þar til sl. vor.
■ ANDY Cole, framheiji Man.
Utd., er allur að koma til eftir slaka
byijun. Hann gerði þrennu gegn
Barnsley um fyrri helgi og var ná-
lægt því að endurtaka afrekið gegn
Wednesday; skoraði tvívegis og
þrumaði einu sinni í stöng auk þess
sem hann var nálægt því að skora í
tvö önnur skipti.
■ ÍTÖLSKU leikmönnunum Paolo
Di Canio og Benito Carbone hjá
Sheffield Wednesday var báðum
skipt út af í leikhléi gegn Manchest-
er United.
■ ROY Keane, fyrirliði Man. Utd.,
sem meiddist á dögunum á hné, var
skorinn upp í gær.
■ ROBBIE Fowler hjá Liverpool,
sem var rekinn af velli gegn Bolton,
fer í þriggja leikja bann; missir af
deildarleikjum gegn Barnsley og
Arsenal og viðureign við Grimsby
í deildarbikarkeppninni.
■ PAUL Ince, fyrirliði Liverpool,
fékk áminningu gegn Bolton og er
sömuleiðis á leið í þriggja leikja bann.
Hann missir einnig af deildarleikjun-
um gegn Barnsley og Arsenal og
verður auk þess illa fjarri góðu gamni
gegn gömlu félögunum í Manchest-
er United.
■ IAN Wright þrumaði í þverslá
úr vítaspymu gegn Derby og er
ijórði leikmaðurinn sem klúðrar víti
gegn liðinu í vetur; Robbie Fowler,
Teddy Sheringham og David How-
ells höfðu áður „afrekað" það.
■ STEVE Bould, vamarmaður hjá
Arsenal, fékk áminningu gegn
Derby og er á leið í þriggja leikja
bann. Það tekur þó ekki gildi fyrr
en eftir leikinn gegn Man. Utd. á
Highbury um næstu helgi.
Bayern í kröppum dans
Kaiserslautem er enn í efsta
sæti þýsku deildarinnar §ór-
um stigum á undan Bayem Miinch-
en eftir 2:2 jafntefli við Dortmund
á fostudaginn. Þótt jafnteflið hafí
ekki komið illa við stöðu efsta liðs-
ins bætti það harla lítið úr skák
fyrir Evrópumeisturanum sem era
í íjórða neðsta sæti og þurfa Iiðs-
menn að fara að bíta í skjaldarrend-
ur ef ekki á illa að fara.
Leikmenn Bayem lentu í tvígang
undir í viðureign sinni við liðsmenn
1860 Munchen í átakaleik þar sem
talsvert var um pústra. Eftir að
Bayem jafnaði í síðara skiptið með
glæsilegu þramuskoti Mario Basl-
ers af 35 m færi lentu þeir fljótlega
í vanda því Ganamaðurinn Kuffour
var rekinn af velli eftir gróft brot
á Harald Cemy. Þá voru enn eftir
22 mínútur og liðsmenn 1860
reyndu að færa sér liðsmuninn í
nyt en tókst ekki.
„Mér fannst þetta góður leikur,"
sagði Giovanni Trapattoni þjálfari
Bayren í leiksloka. „Það var hins
vegar hið versta mál að Kuffour
skyldi fá rauða spjaldið, gult spjald
var alveg nægileg refsing."
Viðureign Stuttgart og Schalke
olli 50.000 áhorfendum miklum
vonbrigðum, enda var um að ræða
afar daufan leik þar sem aðeins var
boðið upp á eitt marktækifæri. En
stigið var leikmönnum Schalke mik-
ilvægt í toppbaráttunni, þeir era í
þriðja sæti deildarinnar næst á eft-
ir Bayem Munchen og Kaiserslaut-
em sem hefur nú fjögurra stiga
forskot eftir að Bayem gerði aðeins
jafntefli við félaga sína í 1860
Múnchen.
Eina marktækifærið í leik
Stuttgart og Schalke var er belg-
íski leikmaðurinn Marx Wilmots
átti fast skot af nokkra færi sem
hafnaði í stöng. Stigið breytti ekki
stöðu Stuttgart sem er í 5. sæti þar
sem Hansa Rostock náði aðeins
jafntefli við Bochum 2:2.
„Við voram að reyna að sækja,
en leikmenn Stuttgart komu hingað
í heimsókn með það eitt að mark-
miði að halda jöfnu og það tókst.
Fyrir vikið varð leikurinn leiðinleg-
ur,“ sagði Joachim Löw þjálfari
Schalke og var ekki ánægður.
Karlsruhe hefur ekki gengið allt
í haginn þar sem af er leiktíðinni
en um helgina náði liðið þó aðeins
að rétta sinn hlut með 3:1 sigri á
Köln. Thomas Hássler skoraði tvö
mörk fyri heimamenn sem við sigur
færðust upp í 13. sæti, en Köln er
í þriðja neðsta sæti með 13 stig.
Hertha Berlín vann annan leik
sinn í röð er þeir lögðu Werder
Bremen 2:0 í Bremen. Eyjólfur
Sverrisson og félagar verma samt
sem áður neðsta sæti deildarinnar
þrátt fyrir sigurinn, er með 12 stig
ásamt Bochum. Þetta var þriðji sig-
ur Herthu á leiktíðinni, en Eyjólfur
Sverrisson tók út leikbann að þessu
sinni.