Morgunblaðið - 15.04.1998, Side 1
1998
m MIÐVIKUDAGUR 15. APRIL
BLAÐ
Ronaldo
góður
í snjónum
Reuters
HANDKNATTLEIKUR / ÞYSKALAND
Vilja fjölga í deildinni
ÍTÖLSKU félögin Inter og Lazio
mætast í úrslitaleik UEFA-keppn-
innar í knattspymu í vor. Síðari und-
anúrslitaleikirnir fóru frarn í gær;
Lazio gerði þá markalaust jafntefli
við Atletico Madrid á heimavelli og
Inter sigraði Spartak í Moskvu, 2:1.
Brasilíumaðurinn Ronaldo, sem hér
leikur á Sergei Gorlukovic, gerði
bæði mörk Mílanóliðsins í Moskvu.
Vallaraðstæður voru erfiðar í rúss-
nesku höfuðborginni eftir mikla
snjókomu og ekki var ákveðið fyrr
um miðjan dag í gær að leikurinn
færi fram.
■ Ronaldo / B12
Sjö lið í þýsku 1. deildinni í hand-
knattleiknum hafa óskað eftir því
við þýska handknattleikssambandið
að fjölgað verði um tvö lið í 1. deild-
inni frá og með næstu leiktíð. Yrðu
þar með 18 lið í deildinni í stað 16
sem nú eru, en reyndar hafa þau að-
eins verið 15 írá áramótum eftir að
Rheinahausen varð gjaldþrota. Með-
al þeirra liða sem óskað hafa eftir að
þessi breyting verði gerð eru Bayer
Dormagen, Hameln og Essen en með
þessum liðum leika íslenskir hand-
knattleiksmenn. Dormagen og Ha-
meln eru í fallhættu, en miklir fjár-
hagslegir hagsmunir eru í húfi fyrir
þau að halda sæti sínu í deildinni.
Að sögn Alfreðs Gíslasonar, þjálf-
ara hjá Hameln, tengjast óskir félag-
anna ekki stöðu þeirra í deildinni og
hræðslu við að falla í 2. deild. Aðalá-
stæðan væri sú að menn vildu lengja
keppnistímabilið og ná betri nýtingu
út úr þeim leikmönnum sem hjá fé-
lögunum eru, en launagreiðslur hafa
hækkað verulega til þeirra á síðustu
árum.
Til þess að hægt væri að leggja
fram þessa beiðni til sambandsins
þurftu a.m.k. fimm lið að standa að
baki henni en nú eru félögin orðin
sjö og var óskin lögð inn skömmu
fyrir páska. Meðal annarra félaga
sem standa að tillögunni er Gum-
mersbach sem hefur mikil ítök innan
þýska handknattleiksins enda verið
besta lið landsins undanfarna ára-
tugi þó skútan hafi örlítið látið á sjá í
vetur.
Alfreð sagði ennfremur að stjóm
þýska handknattleikssambandsins
hefði ekki enn komið saman til þess
að ræða tillöguna og vildi hann ekk-
ert segja hvort um þess væri vænst
að hún fengi jákvæðar undirtektir.
Verði hún að veruleika eru hugmynd-
ir uppi um að hefja keppnistímabilið
tveimur vikur fyrr en sl. haust,
þ.e.a.s í kringum fyrsta september og
síðasta umferðin færi fram upp úr 20.
maí í stað byrjun maí eins nú verður.
VALSMENN KOMNIR MEÐ AÐRA HÖND Á ÍSLANDSBIKARINN / B2
• Lottómiðinn með 1. vinningi
sl. laugardag var keyptur f
Happahúsinu í Kringlunni í
Reykjavík, en miðinn með
bónusvinningnum var keypt-
ur í Gullnesti við
Fjallkonuveg í Grafarvogi í
Reykjavík.
• Fyrsti vinningur í Víkinga-
lottói sl. miðvikudag skipt-
ist milli Dana og Finna.
• 27. apríl hefst nýr leikur
með Lottói 5/38. Fylgist
með!