Fréttablaðið - 21.08.2001, Síða 4

SVONA ERUM VÍÐ
RÍKISÚTGJÖLD TIL LANDBÚNAÐAR
Ríkisútgjöld til landbúnaðar hafa minnkað
um nær helming í hlutfalli af heildarút-
gjöldum ríkissjóðs en samdrátturinn er
mun minni í krónutölu.
krónutala hlutfall ríkisútgjalda
1988 7,720,5 9,34%
1989 10,355,5 9,82%
1992 11,967,2 9,01%
1993 8,525,3 6,33%
1994 7,452,9 5,31%
1997 7,717 5,12%
1998 8,386,8 5,03%
HÓTELIÐ
Brunabíl lagt fyrir utan 6 hæða hótelið í
borginni Quezon á Rlippseyjum.
Yfirvöld á Filippseyjum:
Ætla ad
kæra hótel-
eigendur
MANILA. FILIPPSEYJUM. AP. Yfirvöld í
Manila á Filippseyjum sögðust í
gær vera að undirbúa ákærur á
hendur hóteleigendunum sem eru
taldir eiga sök á hótelbrunanum í
landinu á laugardag þegar 72 lét-
ust, flestir vegna reykeitrunar.
Brot á hinum ýmsu öryggisregl-
um er sögð vera ástæða brunans.
„Byggingin var brunagildra. Ég
vorkenni þeim sem festust þarna
inni,“ sagði Romeo Villafuerte, yf-
irmaður rannsóknardeildar sem
rannsakaði orsök brunans. Þetta
er mesti eldsvoði á Flippseyjum
síðan árið 1996 þegarlóO létust
eftir að skemmtistaður brann. ■
|lögreglufréttir|
Þrír portúgalskir ferðamenn
veltu bíl sínum um 17 í gær á
Ólafsvíkurvegi við Ölkeldu. Að
sögn lögreglunnar á Ólafsvík
sluppu allir ómeiddir og var þeim
skutlað inn á Ólafsvík þar sem
þeir eyddu nóttinni á gistiheimili.
I dag munu þeir taka rútuna til
Reykjavíkur en þangað var för-
inni heitið. Ferðamennirnir eru
allir um þrítugt og vildi slysið til
með þeim hætti að þeir voru að
reyna að taka fram úr þar sem
unnið var að gatnagerð og bíllinn
rásaði í iausri möl.
Lögreglunni í Reykjavík barst
tilkynning í gærmorgun um
innbrot á um annan tug bíla. Inn-
brotin voru framið víða um borg-
ina og væri bæði um að ræða að
farið var inn í þá í bílageymslum
og við götur borgarinnar. Ýmsum
verðmætum var stolið úr bílun-
um en þó virðast geislaspilarar
og geisladiskar vera það vin-
sælasta sem tekið er úr bílunum.
Okumaður missti stjórn á bíl
sínum með þeim afleiðingum
að hann valt eftir að hafa lent á
ljósastaur á Selfossi um miðnætti
í fyrrakvöld. Farið var með
manninn til aðhlynningar á Heil-
brigðisstofnun Selfoss en hann
hlaut minniháttar skrámur. Bíll-
inn er mikið skemmdur og þurfti
að fjarlægja hann með kranabíl.
FRETTABLAÐIÐ
21. ágúst 2001 ÞRIÐJUDAGUR
Tíu ár frá hruni Sovétríkjanna:
Rússar áhugalitlir um afmælið
moskva, ap Valdaránstilraunin sem
kollvarpaði Sovétríkjunum fyrir
áratug hreyfði ekki við mörgum í
Rússlandi á sunnudaginn, þegar
þess var minnst að tíu ár voru frá
því hún hófst. Einungis nokkur
hundruð manns létu sjá sig á fyrir-
fram skipulögðum fjöldafundum,
og hvorki fyrrverandi né núver-
andi forseti Rússlands, þeir Boris
Jeltsín og Vladimír Pútín, tjáðu sig
opinberlega í tilefni afmælisins.
Jeltsín varð þjóðhetja í Rúss-
landi þegar hann klifraði upp á
skriðdreka fyrir utan Ilvíta húsið í
Moskvu, og hvatti fólk til að sýna
valdaráni harðlínu kommúnista
mótspyrnu. ■
HVÍTA HÚSIÐ í MOSKVU
Aðeins nokkur hundruð manns söfnuðust þarna saman til þess að minnast atburðanna
fyrir tíu árum.
LOGREGLUFRETTIR
Lögreglan í Hafnarfirði hafði í
nógu að snúast um helgina.
Aðfaranótt laugardagsins bárust
henni átta kvartanir og tilkynn-
ingar vegna samkvæma unglinga
í heimahúsum eða að um hóp-
myndanir væri að ræða. Voru það
svefnvana nági-annar sem til-
kynntu til lögreglunnar.
Asunnudagsmorgun var ekið á
þrjár mannlausar bifreiðar á
Öldugötu í Hafnarfirði. Ökumað-
ur bifreiðarinnar lét sig hverfa
frá vettvangi og bifreið sinni og
er málið í frekari rannsókn. Lög-
reglunni í Hafnarfirði hafði af-
skipti af fjói’um ökumönnum um
helgina grunaða um ölvun við
akstui-.
MENNINGARNÓTT
Því miður voru ekki aliir þeir sem voru í miðborginni þar til að njóta þess sem boðið var upp á. Mikíð var um átök, ofbeldi og annan ósóma.
Köstuðu af sér vatni yfir
gangandi hátíðargesti
Margar líkamsárásir voru kærðar til lögreglu.Mikil ölvun og ólæti voru í Reykjavík að lokinni
Menningarnótt. Rúða í lögreglubíl brotin.
lögreglumÁl Töluverður erill var
hjá lögreglunni í Reykjavík á
Menningarnóttinni og mikið um
ölvun og skrílslæti. Samkvæmt
upplýsingum frá lögreglu er talið
að í kringum fimm þúsund manns
hafi verið í miðborginni upp úr
miðnætti. Margir tilkynntu um
líkamsárásir um nóttina og nokkr-
ir menn voru handteknir vegna
þess.
Lögregla hafði afskipti af fólki
sem stóð upp á þaki við verslunina
Zimsen í Hafnarstræti og var að
henda flöskum í fólk og kasta af
sér þvagi. Þá var tilkynnt um
hópslagsmál á Furumel þar sem
tveir hópar tókust á og þurfti að
flytja einn þátttakendanna á slysa-
deild.
Lögreglan hafði afskipti af
fólki sem var að grýta flöskum á
Lækjartorgi með þeim afleiðing-
um að ekki vær hægt að ná niður
sölutjöldum sem þar voru og
komst lögreglan ekki að vegna
mannfjöldans. Maður kom hlaup-
andi að lögreglubifreið í Lækjar-
torgi og barði hana þannig að far-
þegarúðan brotnaði og rigndi gler-
brotum yfir lögreglumennina.
Maðurinn var handtekinn og flutt-
ur á lögreglustöðina.
Um fimmleytið á sunnudags-
morgninum er talið að um fimmt-
án hundruð manns hafi verið í
miðbænum. Um það leyti berst
lögreglunni tilkynning um mjög
blóðugan mann á Lækjartorginu.
Sagði hann tvo stráka hafa ráðist á
sig með hníf en maðurinn var með
þrjá skurði á hendi og nefbrotinn.
Var hann fluttur á slysadeild þar
sem gert var að sárum hans. ■
Breski íhaldsflokkurinn:
Clarke ber sig vel
bretlanp Kenneth Clarke, annar
frambjóðanda til formennsku í
breska íhaldsflokknum, bar sig
vel eftir að Willim Hague, sem
sagði af sér embættinu eftir
hrakfarir ihaldsflokksins í kosn-
ingunum í júní síðastliðnum, lýsti
yfir stuðningi sínum við Iain
Duncan-Smith á laugardaginn.
Clarke segir þessa stuðnings-
yfirlýsingu ekki hafa komið á
óvart, og sagðist þess fullviss að
Margareth Thatcher styðji líka
mótframbjóðanda sinn, enda er
Duncan-Smith fullur tortryggni
gagnvart Evrópusambandinu og
mjög vel liðinn af íhaldskjarna
flokksins.
Hague sagðist telja hættu á
frekari sundrungu meðal flokks-
manna ef Evrópusinninn Clarke
verður fyrir valinu sem næsti
formaður, heldur en ef Duncan
Smith hreppir hnossið. Clarke
þykir teygja sig mun lengra til
vinstri heldur en harði íhalds-
kjarninn í flokknum sættir sig
við.
Duncan Smith er ekki eins vel
þekktur og Clarke, sem gegnt
hefur ráðherraembætti, en
stuðningsyfirlýsingin þótti styrk-
ja stöðu hans verulega í barátt-
unni gegn Clarke.
í gær voru kjörseðlar sendir
til meira en 300.000 flokksmanna,
en úrslit verða tilkynnt þann 12.
september. ■
HVERGI BANGINN
Kenneth Clarke ætlar ekki að láta yfirlýsingu flokksleiðtoga síns slá sig út af laginu.