Fréttablaðið - 27.11.2001, Page 6

6
FRETTABLAÐIÐ
27. nóvember 2001 ÞRIÐJUDAGUR
SPURNINC DAGSINS
Er rétt að taka svínakjöt af
matseðli grunnskóla af trúar-
legum ástæðum?
„Nei. Þó eitthvað hlutfall borði ekki svína-
kjöt verður það að sætta sig við þetta. Það
er hægt að láta vita þegar það er svínakjöt
og krakkarnir koma með nesti."
Óskar Guðnason tónlistarmaður
Fangelsismál í Bretlandi:
Konur í
steininum
aldrei fleiri
london. ap Yfirmaður fangelsis-
mála í Bretlandi hefur hvatt
dómara í landinu til að hugsa sig
tvisvar um áður en þeir ákveði
að setja fleiri konur bak við lás
og slá. Opinberar tölur í landinu
sýna að fjöldi kvenkyns fanga í
landinu hefur aldrei verið hærri.
Á þessu ári hefur fjöldi kvenna í
fangelsum í Bretlandi aukist um
16%, en alls dvelja rúmlega 68
þúsund manns í fangelsum í
Bretlandi.
Konur í steininum eru nú
4.405 talsins í Englandi og Wa-
les, en árið 1970 voru þær innan
við 1000. „Enginn hefði getað
séð þetta fyrir.. og enginn hefði
getað ráðið við þetta,“ sagði
Martin Narey, forstjóri fangels-
ismálastofnunar í viðtali við
BBC. Vill hann að dómarar íhugi
að fækka gæsluvarðhaldsdóm-
um yfir konum og að stytta refs-
ingar þeirra. ■
Menntaskóli í Bandaríkj-
unum:
Hættuá-
standi aflýst
NEW BEDFORD.IVIA5SflCHUSSETS.flP
Búið er að aflýsa hættuástandi
við menntaskóla í Massachu-
setts í Bandaríkjunum, en ný-
lega komst upp um meint áform
þriggja pilta á aldrinum 15 til 17
ára um að nota sprengiefni og
byssur til að myrða samnemend-
ur sína. Ætluðu þeir síðan að
fremja sjálfsmorð ef lögreglan
fyndi þá. Voru þeir handteknir
sl. laugardag og eiga yfir höfði
sér fangelsisdóma. Um 40 lög-
reglumenn rannsökuðu skólann
hátt og lágt með hjálp 5 leitar-
hunda án þess að finna þar
sprengjur eða önnur merki um
væntanlega árás. ■
--
Seinheppinn glæpamaður:
Húkkaði
far með
lögreglunni
fólk Eftirlýstur maður í Rúmeníu
var handsamaður er hann reyndi
að flýja til næsta bæjar „á puttan-
um“. Maðurinn var það seinhepp-
inn að fyrsti bíllinn sem stöðvaði
fyrir honum var lögreglubíll. Lög-
reglumennirnir báru strax kennsl
á manninn og skutluðu honum
frítt, beinustu leið á lögreglustöð-
ina. Maðurinn hafði verið eftir-
lýstur fyrir ávísunarfals. ■
Ný dönsk stjórn í fæðingu:
Nýtt, t aðlögunar r áðuney ti‘ ‘
fylgist með innflytjendum
dönsk STJÓRNMÁL í dag, þriðju-
dag, má búast við því að Anders
Fogh Rasmussen, formaður
Vinstriflokksins í Danmörku,
kynni nýju stjórnina sína.
Vinstriflokkurinn, sem þrátt fyr-
ir nafnið er flokkur frjálslyndra
hægrimanna, myndar minni-
hlutastjórn með íhaldsflokknum.
Dagblaðið Jyllandsposten
skýrði í gær frá því að Fogh ætli
að fækka ráðherraembættum, úr
21 niður í 19 eða jafnvel 18. Jafn-
framt verður stofnað nýtt ráðu-
neyti, svonefnt aðlögunarráðu-
neyti, sem á að bera ábyrgð á
innflytjendum allt frá því þeir
flytja til landsins og þangað til
þeir teljast nægilega aðlagaðir
að dönsku samfélagi.
Stjórn hægrimanna og íhalds-
manna þarf á stuðningi þriðja
flokksins að halda, enda fengu
flokkarnir tveir aðeins 72 þing-
menn í þingkosningunum þann
20. þessa mánaðar. Alls eru þing-
mennirnir 179 og þarf því 90
þingmenn til þess að mynda
meirihluta. Danski þjóðarflokk-
urinn, sem er með 22 þingmenn,
hefur sagst reiðubúinn til þess
að forða stjórninni falli, en virð-
ist ekki ætla að krefjast þess að
hafa mikil áhrif á stefnu stjórn-
arinnar, þrátt fyrir fyrri yfirlýs-
ingar. ■
FOGH OG FRÚ
Á kosningakvöldinu, þann 20. þessa mán-
aðar, höfðu Anders Fogh Rasmussen og
Anne-Mette eiginkona hans ástæðu til að
brosa breitt. Fogh er þessa dagana að
Ijúka við myndun næstu stjórnar landsins.
Sveitarfélög tapa um
einum milljarði
Aformaðar skattabreytingar stjórnvalda. Rætt um að ríkið greiði fasteignaskatta og hlutdeild
sveitarfélaga í stofnkostnaði framhaldsskóla og heilsugæslu. Breytingar á verkaskiptingu.
skattabreytingar Samband ís-
lenskra sveitarfélaga telur að
áformaðar skattabreytingar
stjórnvalda muni skerða tekjur
sveitarfélaga um einn milljarð
króna. Af einstökum þáttum veg-
ur einna þyngst hækkun trygg-
ingagjaldsins sem áætlað er að
skerði tekjur sveitarfélaga um
500 - 550 milljónir króna. Til að
bæta sveitarfélögum þessa tekju-
skerðingu hefur m.a. verið rætt
um að ríkið greiði fasteignaskatta
af eignum sínum
sem mundi skila
Rætt um að sveitarfélögum
ríkið greiði um 400 milljón
fasteigna- króna tekjum á
skatta af eign- ári. Þá hefur ein-
um sínum nig verið rætt um
sem mundi að ríkið taki á sig
skila sveitarfé- hlutdeild sveitar-
lögum um félaga í stofn-
400 milljón kostnaði vegna
króna tekjum framhaldsskóla og
á árj. heilsugæslu-
stöðva, eða um 350
milljónir króna á
ári. Stjórn Sambands íslenskra
sveitarfélaga hefur þegar rætt
áformaðar skattkerfisbreytingar
við fjármálaráðherra og félags-
málaráðherra auk þess sem áætl-
aður er fundur í samráðsnefnd
ríkis og sveitarfélaga n.k. mánu-
dag.
Vilhjálmur Þ. Vilhjálmsson
stjórnarformaður Sambands ís-
lenskra sveitarfélaga segir að ef
þessar áformuðu álögur lenda á
sveitarfélögunum án bóta frá rík-
inu komi aðeins tvennt til greina
.Annars yegar að sveitarfélögin
verði að draga saman seglin sem
því nemur í þjónustu sinni við
HÖFUÐBORGARSVÆÐIÐ
Sveitarfélög eru uggandi um fjárhagslega stöðu
VILHJÁLMUR Þ.
VILHJÁLMSSON
Að óbreyttu gættu
sveitarfélög staðið
frammi fyrir þvi að
draga úr þjónustu
eða hækka álögu.
íbúa sína og hins vegar að nýta til
hins ítrasta þá tekjustofna sem
þau hafi til umráða. Hann segir að
það sé frumskylda ríkisins að
bæta sveitarfélögum þetta áæti-
aða tekjutap vegna þess að þau
eigi ekki að þurfa að taka á sig
svona aðgerðir sem þau hafi ekki
átt neinn þátt í að ákveða. Hann
segist því ætlast til þess af ríkinu
að sveitarfélögin bíði ekki fjár-
hagsiegan skaða af þessum
skattabreytingum. í þeim efnum
sé t.d. hægt að koma til móts við
sveitarfélögin með ýmsum að-
gerðum í sambandi við verka-
skiptingu ríkis og sveitarfélaga
Að öðrurn kosti séu skilaboð ríkis-
ins til sveitarfélaga þau að þau
eigi að skeróa þá þjónustu sem
það sagði þeim að framkvæma.
grh@frettabladid.is
Rússneskir ráðamenn vilja að litið sé á þá sem jafningja:
Ætla ekki að ,,rústa“
NATO innanfrá
moskva, ap Igor Ivanov, utanríkis-
ráðherra Rússlands, segir að rúss-
neska stjórnin hafi ekki áhuga á
því að „rústa" Atlantshafsbanda-
laginu (NATO) innanfrá. Þvert á
móti vilji rússneskir ráðamenn
taka þátt í nánu samstarfi með
NATO þar sem fullt mark verði
tekið á sjónarmiðum Rússa.
Þetta sagði Ivanov á sunnudags-
kvöld að lokinni heimsókn Robert-
son lávarðar, framkvæmdastjóra
NATO, til Rússlands.
Samskipti Rússa og NATO
kólnuðu mjög þegar loftárásirnar
á Kosovo hófust vorið 1999, en
kærleikar milli þeirra hafa aukist
til muna eftir hryðjuverkin í
Bandaríkjunum 11. september.
Rússar vilja umfram allt að
komið sé fram við þá sem jafn-
ingja, og svo virðist sem ráða-
menn NATO séu reiðubúnir til
þess að breyta samstarfsháttum
sínum vió Rússa.
Robertson lávarður sagðist
hafa rætt við rússneska ráða-
menn um að Rússar gætu orðið
svo gott sem fullgildir aðilar að
NATO, a.m.k. á ákveðnum mála-
sviðum. Þeir sætu þá við sama
borð og aðrir ráðamenn NATO og
hefðu jafnvel rétt til þess að
greiða atkvæði um aðgerðir á
vegum NATO.
Ivanov nefndi sem dæmi mála-
ROBERTSON OG IVANOV
George Robertson, framkvæmdastjóri NATO, á tali við Igor Ivanov, utanríkisráðherra Rúss-
lands.
svið á borð við baráttuna gegn urlyfjum og skipulagðri glæpa-
hryðjuverkum, baráttu gegn eit- starfsemi. ■