Fréttablaðið - 08.02.2002, Page 9

FÖSTUDAGUR 8. febrúar 2002
FRÉTTABLAÐIÐ
9
Neita bótaábyrgð í máli fyrrum félagsmálastjóra:
Bærinn kærður
til umboðsmanns
HAFNARFJÖRÐUR
Bæjaryfirvöld í Hafnarfirði neita að hlýða úrskurði félagsmálaráðuneytisins.
hafnarfjörður Bæjaryfirvöld í
Hafnarfirði viðurkenna ekki
bótaábyrgð í máli Mörtu Berg-
mann, sem var sagt upp störfum
sem félagsmálastjóri árið 1999.
Gestur Jónsson, lögmaður Mörtu,
sagðist telja líklegt að málið yrði
kært til umboðsmanns Alþingis.
Rök bæjarins voru þau að leg-
gja ætti stöðu félagsmálastjóra
niður. Skömmu síðar var Félags-
þjónusta Hafnarfjarðar stofnuð
og Félagsmálastofnun lögð niður.
Þá var ráðinn nýr maður starfa.
Marta sætti sig ekki við þetta og
kærði uppsögnina til félagsmála-
ráðuneytisins. f haust féll úr-
skurður í málinu sem kvað á um
að ranglega héfði verið staðið að
uppsögninni.
Gestur sagði að í framhaldi af
úrskurðinum hefði verið boðið
upp á viðræður um að Marta
fengi greiddar bætur. Þær við-
ræður hefðu engan árangur borið
og bærinn ekki talið sig vera
bótaskyldan. Bæjarráðsmenn
Samfylkingarinnar lögðu fram
bókun þar sem segir: „Urskurður
félagsmálaráðuneytisins liggur
skýrt fyrir í þessu máli, þar sem
fundið er með alvarlegum hætti
að stjórnsýslu og vinnubrögðum
meirihlutans. Við getum því á
engan hátt tekið undir það að
bótaskylda bæjarins sé engin í
málinu. Eðlilegt er að bæjaryfir-
völd leiti sátta og samninga um
niðurstöðu þessa máls. Þá ítreka
bæjarráðsmenn Samfylkingar
óskir um svör við fyrirspurnum
frá því á sl. ári varðandi breyt-
ingar á stöðu og starfssviði for-
stöðumanns Félagsþjónustunnar
frá því sem áður giltu um stöðu
félagsmálastjóra.“ ■
Ungir bræður myrtir í
Birmingham:
Talid tengjast
fjölskyldu-
deilum
birmingham Sjö og átta ára gamlir
bræður fundust myrtir í farangurs-
geymslu bifreiðar í Birmingham á
Englandi sl. miðvikudagskvöld.
Bræðurnir höfðu verið stungnir til
bana. Maður, sem er talinn vera fað-
ir drengjanna, fannst einnig í bíln-
um, en hann var særður á brjósti og
var fluttur á sjúkrahús. Lögreglan í
Birmingham telur að morðin tengist
fjölskyldudeilum. 43 ára karlmaður
hefur verið handtekinn í tengslum
við morðin. ■
MARGRÉT OG HINRIK
Vormisserið verður mjög annasamt hjá
prinsinum þegar hann kemur aftur til baka
frá Frakklandi þar sem hann dvelur enn.
Mikill stuðningur við
Hinrik prins:
Bréfum
og gjöfum
rignir inn
panmörk Gjafir, bréf og tölvu-
póstur rignir nú yfir Amalíuborg,.
heimili dönsku konungshjónanna,
í skilaboðunum er lýst yfir stuðn-.
ingi við Hinrik prins, sem lýsti því
yfir í viðtali við B.T. að honum
þætti hann settur til hliðar í kon-
ungsfjölskyldunni. Starfsmenn
prinsins hafa nú vart undan því að
svara bréfunum. Hinrik þarf
greinilega ekki að óttast að hann
sé jafn óvinsæll og hann hélt sjálf-
ur. Danir finna þvert á móti mjög
til með honum segir í Berlingske
tidende. Á annað þúsund manns
hafa líka lýst yfir stuðningi við
hann á heimasíðunni
kafka.dk/prinshenrik sem sett var
upp af tilefninu. ■
—♦—
Viðskipti Búnaðarbank-
ans með Delta:
Þingið tjáir
sig ekki
delta Verðbréfaþingið hvorki játar
því né neitar að viðskipti Búnaðar-
bankans með bréf Delta í síðustu
viku verði tekin til skoðunar. Lög-
um samkvæmt hefur þingið eftirlit
,með því að reglum um upplýsinga-
skyldu sé fylgt. Sagt hefur verið
frá því í blaðinu að þegar bankinn
keypti fimmtungshlut í Delta fyrir
rúmri viku þá vissi hann að hlutur-
inn yrði áframseldur til Delta inn-
an fárra daga, en gaf ekki út til-
kynningu þess efnis fyrr en sl.
mánudag. Þá höfðu starfsmenn
bankans unnið um nokkurra daga
skeið með Delta áð kaupunum á
Omega Farma. Fimmtungshlutur-
inn var notaður sem greiðslueyrir
við yfirtökuna. Gtngi Delta hækk-
aði um 20% þegar hún var loks til-
kynnt.
Bapkinn og Delta sögðust hafa
ráðfært sig um málið við VÞÍ.
Staðfesting á þessu fékkst frá
þinginu en jafnframt var tekið
fram að ekki væri hægt að taka af-
stöðu til mála af þessu tagi fyrr en
eftir á. Erigiii svör varðandi fram-
vindu málsins fengust frá Verð-
bréfaþinginu þegar blaðið leitaði
eftir slíku í gær. Engar upplýsing-
ar fengust um eðli þess samráðs
aðilanna við þingið sem varð þess
valdandi að þeir teldu sig ekki
þurfa að tilkynna viðskiptin. ■
Skíði
Skíðaskór
Skíðabindingar
Skíðastafir
Skíðatöskur
Skíðafatnaður
UTILIF
GLÆSIBÆ & SMARALIND
Sími 545 1500 • www.utilif.is
17.februar