Norðurljósið - 01.01.1979, Blaðsíða 19

NORÐURLJÓSIÐ
19
Svo óbetranlegt er manneðlið fallna, að djöfullinn getur
táldregið mennina þá alveg eins og í upphafi vega þess í
Edens-garði. Þar með eru staðfest orð Drottins Jesú, þau er
hann mælti við Nikódemus forðum: „Enginn getur séð
Guðs ríki nema hann endurfæðist.11 (Jóh. 3. 3.) Allir þeir,
sem endurfæðast, eiga það eðli, sem vill lúta Guði og hefur
unun af að vera í návist hans með því að lesa eða heyra orð
hans og leita samfélags hans í bæn.
Þetta endurfædda fólk Guðs er ríki Krists og fjallið
stóra, sem Nebúkadnesar konungur sá, að náði yfir alla
jörðina. Það ríki mun aldrei taka enda. Hvers vegna mun
það ekki gera það? Af því að allir þeir, sem í því ríki eru,
elska Drottin Jesúm og eru honum þakklátir fyrir allt, sem
hann hefur fyrir þá liðið og gert, er hann fyrirgaf þeim
syndir þeirra.
Kæri lesandi minn, ertu fullviss um, að Drottinn Jesús
hafi fyrirgefið þér syndir þínar, svo að þú verðir þegn hans í
ríki hans hér á jörð? Ef ekki, viltu þá ekki leita á fund hans
einmitt NU og gera út um þetta mál. Sendu svo ritstj. Nlj.
nokkrar línur, svo að hann geti glaðst með þér.
S.GJ.
„Við viljum fá það nú þegar“
Ræða eftir dr. Billy Graham. (Stytt.)
Gervi-kaffi er á boðstólum, og tilbúnar súpur og máltíðir.
Allt á að vera tilbúið fyrirfram. Við viljum ekki bíða, heldur
fá það nú. Það var þetta, sem synir Elí æðstaprests sögðu:
„Við viljum fá það nú þegar!“ Við viljum ekki vinna fyrir
því. Við viljum ekki þurfa að bíða eftir því. Við viljum ekki
gera það með Guðs aðferð. Við viljum fá það nú. Þetta
sagði Esaú líka. Þegar hann kom heim, var hann svangur og
þreyttur. Hann sá, að bróðir hans, Jakob, hafði soðið
baunarétt. Jakob sagði: „Gefðu mér fyrst frumburðarrétt
þinn, þá skal ég gefa þér réttinn.“
Allt var fólgið í frumburðarréttinum. En Esaú var svo
svangur og girntist svo mjög baunaréttinn, svo að hann
seldi frumburðarrétt sinn til þess að fá matinn strax. Hann
lítilsvirti þau réttindi, sem hann hafði hjá Guði. Löngun
hans að njóta þess, er heimurinn hafði, var meiri en löngun
hans eftir Guði.
Djöfullinn greiðir líka laun.
Jesús sagði líka söguna af týnda syninum. Unglingurinn
vissi, að hann átti arf í vændum. Hann fór til föður síns og
sagði: „Eg vil fá hann núna.“Hann eyddi síðan arfinum í
óhófsömum lifnaði. Hann eyddi fé sínu, varð allslaus og
vonsvikinn. Allir hans vinir yfirgáfu hann. Þágirntisthann
að eta það sem svínin fengu.
Þið sjáið, að djöfullinn geldur líka kaup. Ef þú þjónar
djöflinum, mun hann borga þér það. Hann mun lofa þér
svo öllu fögru, að annað eins hefur þú aldrei heyrt. En
djöfullinn er „lygari og faðir lyganna.“ Boðin, sem Satan
býður, eru ávallt hjúpuð í fegurstu umbúðir. En
„djöfullinn er lygari og faðir lyganna.“ Hann er einmitt
að ljúga að þér núna. Hann er að hvísla í eyra þér. Hann er
að segja þér, að hans leið sé betri en vegur Guðs. Þetta sagði
hann týnda syninum.
Ungi maðurinn gafst upp að lokum. Hann ákvað, að
betra væri heima hjá föðumum en vera hjá svínunum, þar
sem djöfullinn hafði sett hann. Satan gefur heiminum
loforð. Hann gefur líka gjafir: tómt hjarta og glataða sál.
Þeir, sem fylgja honum, fá að kenna á afleiðingunum: dómi
og helvíti.
Gefstu blátt áfram upp.
Hefur þú fundið sjálfan þig andlega? Ertu kominn í það
samband við Jesúm Krist, að þú eigir gleði, frið og ham-
ingju og fyrirgefningu syndanna? Veistu, ef þú dæir á þessu
andartaki, að þú færir þá til himins?
Þú segir: „Jæja, ég er meðlimur í kirkjunni. Eg hef verið
fermdur. Ég hef reynt að gjöra hið besta, sem ég get.“ En
innst í hjarta þínu hefur þú aldrei gefist Kristi algerlega.
Hann getur verið frelsari þinn, en hann er ekki orðinn
Drottinn þinn. Þetta, að hann er Drottinn og frelsari,
verður að fara saman. Hann er Drottinn Jesús Kristur.
(Taktu á móti honum)
S.G.J.
KRAFTAVERK
Blind, rússnesk stúlka lceknuð.
Maður í Rússlandi ritaði bréf ekki alls fyrir löngu vini
sínum, sem á heima í Wales á Bretlandi. Þar segir hann:
„Framgangur fagnaðarerindisins í Rússlandi um þetta
leyti er blátt áfram furðulegur. Það virðist sem heilagur
Andi svífi yfir þessu geysistóra landi og dragi fólk til
frelsarans.”
Þetta er ekki verk manna, heldur er það verk Guðs sjálfs.
Áður en Meistarinn fór frá lærisveinum sínum, lýsti hann
yfir því, að heilagur Andi mundi „sannfæra heiminn um
synd, réttlæti og dóm, þegar hann kæmi.
Spádómsorðin rœtast nú bókstaflega.
Við væntum þess, að ennþá stærri kraftaverk gerist, og sá
dagur komi, að hinn vondi verði alveg truflaður, en Frelsari
vor verði alstaðar upphafinn. Hann sigraði á krossinum
hinn vonda. Þessi sigur hans verði sýndur, ekki aðeins í
Austur-Evrópu, heldur úti um allan heiminn. Þar sem
syndin yfirgnæfði, þar flóði náðin yfir enn meir.
Við þörfnumst vemdar hins dýrmæta blóðs (Krists) á
sérhverri stundu í starfi okkar. Reiði Satans er vakin. Við
vitum, að barátta vor er ekki við blóð og hold, heldur við
tignir og heimsdrottna myrkursins. (Efes.br. 6. 12. Þýð.)
Hingað koma stundum bréf frá Sovét Rússlandi, sem
vekja furðu.