Kirkjublaðið - 01.11.1891, Page 3

67
af hending maður sjóð á akri fann,
og allar sínar eigur seldi hann,
og akur keypti, þar sem íjeð var dulið.
Um akur Guðs vjer göngum mörgum sinnum
en gulls ei sjáum vegsummerki nein;
af hendingu þá hrösum vjer um stein;
þá að er gáð, vjer fjársjóð dýran íinnum.
Guðs ríki’ er þannig leyndardómur dulinn,
er Drottinn lætur oss af hending finna.
Ó seljum allt svo akur kaupa megum.
í akri Guðs vjer eigum fjesjóð hulinn
á akri lífsins mikið er að vinna;
í akri dauðans dýrust laun vjer eigum.
Guðs ríki’ er perla, dýrst í Drottins heimi.
Að dýrum perlum maður leita vann,
unz eina perlu ágætasta fann,
og hana keypti hann við miklum seimi.
Svo leitum vjer að lífsins perlum góðum,
vjer leitum si og æ í hverjum stað;
vjer finnum margt, en þó er eitthvað að
hjá sjálfum oss og öllum heimsins þjóðum;
í gleði, upphefð, auði, völdum háum,
í öllum fræðum, vísindum og listum,
í náttúrunnar nautn og unaðsblóma.
Vjer aldrei, aldrei frið í hjörtun fáum
ef finnum vjer ei Drottin Jesúm Kristum;
hjá honum einum lífs sjest perlan ljóma.
Guðs ríki’ er net í heimsins mikla hafi,
sem hefur Drottinn varpað lífs af strönd.
Að landi vill oss draga Drottins hönd
úr spillingar og synda svörtu kafi.
í netið safnast sægur ógurlegur
úr sævi heims í stóra netið hans,
hins almáttuga, mikla veiðimanns.
fíann allt saman að lifsins landi dregur.