Kirkjublaðið - 01.12.1896, Blaðsíða 3
211
um standmynd úr eir í Vittenberg, þar sem hann lifði,
starfaði og andaðist. Með engu minni áhuga munu menn
nú grípa tækifærið við 400 ára fæðingarafmæli hans, til
þess að reisa honum minnisvarða í Bretten, þar sem
hann er fæddur og lifði æskuár sín, þar sem honum var
svo ljúft að dvelja á f'ullorðinsárunum hjá móður sinni,
og á efri árum hjá bróður sínum, og þangað sem hann
þrásinnis leitaði bæði í sorg og gleði, — að reisa honum
á þessum stað slíkan minnisvarða, er bæði hæfi svo á-
gætuni manni sem Melankton var, og sje í fullu samræmi
við innri mann hans.
Borgin Bretten í stórhertogadæminu Baden liggur
þar sem meginþjóðvegurinn nú er um landið, Hún
geymir trygglynda minningu síns frægasta sonar, og bæj-
arbúar hafa með töluverðum kostnaði keypt lóðina, þar
sem vagga Melanktons stóð, en á ófriðartímum er fyr-
ir nokkrum öldum hið skrautlega hús, þar sem hann
fæddist, hrunið til grunna, en annað samsvarandi hefir
eigi síðan verið reist í þess stað. Enginn staður er bet-
ur fallinn til þess, að reisa á honum minnisvarða Melank-
tons, heldur en einmitt þessi fæðingarstaður hans, sem
nú er til taks. En hugsunin er, að reist verði á þessari lóð
fagurt og veglegt stórhýsi, er sje hvorttveggja í senn: minningar•
salur og safnhús. Á neðra gólfi á að vera mikill salur, prýddur
líkneskjum og litmyndum, er sýni oss hel'z.tu siðbótarmennina og
leibi oss fyrir hugskotssjónir hið þýðingarmesta, sem Melankton
afrekaði, en á loptinu á að vera safn af 'öllum þeim munum
og gripum, sem eru til menja um þetta mikilmenni, svo sem hand-
rit með hans hendi, litmyndir, eirstungur, trjeskornar myndir,
minnispeningar með mynd hans m. fl., en umfram allt fullkomið
safn af öllum prentuðum ritum eptir hann og um hann — en
mikið skortir á að slíkt safn sje nú til nokkursstaðar i heiminum-
ennfremur eiga þar að vera rit eptir vini hans og andmœlendur.
Að sjálfsögðu verður sjeð svo um, að Melanktonshúsið með öll-
um fjársjóðum þess standi opið hverjum þeim, er það vill skoða,
ekki að eins í þvi skyni að styrkja hina evangelisku tilfinningu
og hugarstefnu trúarbrœðranna, heldur einnig til þess að húsið
og safnið megi verða auðug uppsprettulind þekkingar og fróð-
leiks. Verði fje afgangs, hefir komið til orða að reisa tilsvar-