Lögberg-Heimskringla - 21.03.1963, Síða 6
6
LÖGBERG-HEIMSKRINGLA, FIMMTUDAGINN 21. MARZ 1963
GUÐRÚN FRA LUNDI:
ÖLDUFÖLL
Skáldsaga
Sigga varð hressari við að
heyra hláturinn í Bensa. Þetta
átti við hann, svona lagaður
kjánaskapur.
„Ég vildi óska að þú kæmir
honum þangað, sem hann á
heima“, sagði hún við Gunn-
vöru. „Mín eign skal hann
aldrei verða. Og þó að ég hefði
efni á að kaupa innihald hans,
vildi ég ekki vita það í minni
eigu, fyrst stóru krumlurnar
á honum hafa snert við því“.
Þá fauk í Gunnvöru.
„Það er svo sem ekki neitt,
sem er um fyrir þér, Sigga
litla. Það á heldur illa við, að
allslausar vinnukonur láti eins
og gikkir“.
Meira sagði hún ekki í það
skiptið af því að Bensi heyrði
til, en alla næstu viku jöguð-
ust þær um böggulinn.
„Ég er viss um, að ef þú sæ-
ir innihald hans, gætir þú
ekki annað en þegið það. Því-
líka gersemi hef ég aldrei séð“,
sagði Gunnvör.
„Hefur þú rifið utan af
bögglinum. Það hefðir þú ekki
átt að gera“, sagði Sigga.
„Líklega kemur einkasonur-
inn á Litlu-Grund á sunnudag-
inn til þess að vita, hvernig
þetta hefur gengið. Þá skalt
þú vera kumpánleg við hann“,
sagði Gunnvör. „Heldur þú,
að það væri ekki munur að
setjast í búið á Litlu-Grund en
þræla hjá öðrum alla ævina“.
„Það ætlar ég mér heldur
ekki að gera“, sagði Sigga. „Þó
að ég asnaðist til þess þetta
árið“.
„Þér dettur þó líklega ekki
í hug, að strákurinn hann
Bensi muni vera einlægur
vinur þinn, eða hvað?“ sagði
Gunnvör. Ég gæti nú sagt þér
margt um þann snáða, ef ég
kærði mig um“, bætti hún við.
„Þú þarft ekki að lýsa hon-
um fyrir mér. Ég þekki hann
eins vel og foreldrana mína
og bræðurna“, sagði Sigga.
„Þú skalt bara reyna sjálf að
ná í Hrólf og sjalið hans, fýrst
þú álítur að það sé svo ákjós-
anlegt, að verða húsmóðir á
Litlu-Grund og láta hlægja að
sér um alla Sveitina, eins og
nú er gert að þessu heimili. Þá
myndi ég áreiðanlega kenna í
brjósti um þig, ef svo illa
tækist til“.
„Hann er auðvítað ekki eins
glæsilegur og hinn“, sagði þá
Gunnvör. „En það er sagt að
hann sé heldur brokkgengur
við kvenfólkið og eigi kannske
krakka einhvers staðar í fór-
um sínurn".
„Ég skil nú alls ekki um
hvern þú ert að tala“, sagði
Sigga, en roðnaði þó. „Við
tölum þá ekki meira um það.
Ég hef tvö alskyggn augu, skal
ég láta þig vita“.
Sigga fór út. Og það var
ekki talað meira um sjalið. En
það var ekki laust við, að
þykkja væri komin á milli
þeirra samverkakvennanna.
Og þótti Siggu það leiðinlegt,
því að Gunnvör hafði verið
henni ágætur félagi. Á sunnu-
dagsmorguninn sagði Gunn-
vör:
„Jæja, nú kemur Hrólfur
sjálfsagt í dag til þess að vita
um erindislokin“
„Góða Gunnvör mín“, sagði
Sigga í sínum blíðasta róm.
„Farðu nú með böggulinn út
eftir, svo að hann komi ekki
hingað, strákasinn. Ég þoli
ekki þetta bolvað stúss í hon-
um.
Gunnvör fór að greiða sér
og hafa fataskipti, ætlaði auð-
sjáanlega að verða við bón
hennar. En áður en hún kæm-
ist af stað, komu litlu syst-
kinin inn og sögðu, að Hrólfur
væri áleiðinni utan mýrarnar.
Hann kæmi óvanalega
snemma nú til þess að spila.
Sigga fór fram í búr og bauðst
til þess að taka við strokkn-
um, sem húsmóðir hennar var
að búa í. Krakkarnir sögðu
henni, að Hrólfur og Gunnvör
væru á eintali fram í skála.
Það var ágætt, hugsaði Sigga.
Þá er þetta búið.
Þegar Sigga kom inn næst
var Hrólfur seztur við spil inn
í hjónahúsi. Þar var spilað
fram í vökulok. En oft þurfti
Hrólfur að fara út að gá til
veðurs. Hann sendi Benza og
Siggu hornauga um leið og
hann gekk um baðstofuna. Þau
spiluðu Gosa við Tona og
Gunnvöru. Þegar hann fór
loksins að kveðja, fór Sigga
fram í eldhús og stóð þar í
myrkrinu og kuldanum.
Þegar Gunnvör kom inn úr
fjósinu, var hún hálf önUg við
Siggu yfir því, hvernig hún
gæti hagað sér eins og kjáni.
Þessi maður meinti ekki ann-
að en allt hið bezta. Svo kast-
aði hún til hennar sendibréfi.
„Það er til þín, þetta bréf,
þó að föðurnafnið vanti á ut-
anáskriftina. Hann vissi ekki
hvers dóttir þú varst“, sagði
hún. „Hann bað þig velvirð-
ingar á því“.
„Er þetta frá honum?“
spurði Sigga eins og svolítið
utan við sig.
„Auðvitað er það frá hon-
um“, sagði Gunnvör stuttlega.
„Þú ert þó líklega farin að
skilja það, að hann gengur á
eftir þér með grasið í skónum,
aumingja maðurinn".
Siggas rétti bréfið til henn-
ar.
„Ég held að ég lesi það
ekki“, sagði hún.
„En hvernig þú lætur,
manneskja. Það líklega drepur
þig ekki, þð að þú reynir það“,
sagði Gunnvör.
Sigga reif bréfið upp og fór
að lesa það. Þetta var víst
bónorðsbréf, þó að það væri
nokkuð klaufalega stílað og
illa skrifað. Hann sagðist
aldrei ætla að taka við sjalinu
aftur. Það ætti að vera fyrsta
gjöf hans til hennar, eins
konar tryggðapantur. Fleiri
gjafir myndu koma á eftir, því
að nú ætti hún að flytja að
Litlu-Grund í vor og verða
húsmóðir þar. Þetta væri efni
bréfsins.
Skárri væri það maðurinn,
sem hún átti völ á. Eða þá
tengdamóðirin. Karlinn hafði
hún ekki séð, nema tilsýndar.
Líklega var hann af sama
sauðahúsi og þau. Hún náði
sér í pappírsmiða og umslag
og settist niður og skrifaði.
„Þetta getur aldrei orðið.
Vona að þú nefnir það ekki
framar“.
Svo skrifaði hún nafnið sitt
neðan undir og skrifaði utan
á til Hrólfs og bað Gunnvöru
að koma þessu fyrir sig út eft-
ir til hans.
Sigga þóttist skilja það á
húsmóður sinni, að Gunnvör
hefði ljóstað því upp, sem
leynt hefði átt að fara, því að
hún var ákaflega lausmálg.
Friðrika var kímin á svip og
sagði, að þær, sem væru
komnar fast að giftingu,
þyrftu að fara að læra hitt og
þetta. Sigga jánkaði því bara
og reyndi að láta sér ekki
bregða.
Eitt kvöldið í rökkrinu hljóp
Gunnvör út að Litlu-Grund
fyrir þrábeiðni Siggu, með
bréfið og böggulinn. Hún
þóttist viss um að Hrólfur
kæmi þá ekki suður eftir fyrst
um sinn, ef hann fengi svona
greinilegt afsvar. Annars
mátti búast við því, að hann
yrði að þvælast þar á hverjum
sunnudegi.
Þegar Gunnvör kom til
baka, var hún eitthvað drýg-
indaleg yfir viðtökunum á
Litlu-Grund. En Sigga spurði
hana einskis. Hún kveið ein-
ungis fyrir sunnudeginum, því
að þá óttaðist hún að þessi
þráláti biðill hennar myndi
koma enn einu sinni. Þann
dag stóð einmitt svo á, að
Friðrika hélt að ein kýrin
hennar myndi bera og bað
Gunnvöru að sitja úti í fjósi
fyrir sig, ef hún mætti vera að.
En Gunnvör var óvön því að
sitja heima, ef fært veður var
á milli bæja og sæmilegt færi,
og var þann dag ferðbúin
fram að Holti. En þar bjó
systir hennar. Þarna gafst á-
gætt tækifæri. Sigga bauðst
til þess að sitja út í fjósi yfir
kúnni. Hún tók með sér heklu-
dótið sitt, og fór út í fjós, þó
að hún hefði aldrei fyrr gert
neitt að ljósmóðurstörfum,
hvorki í fjósi né annars staðar.
Hún var þá viss um að verða
ekki á vegi Hrólfs, þó að hann
kæmi.
„Þetta er víst hvergi venja,
nema hjá Friðriku“, rausaði
Gunnvör. „Að láta sitja svona
yfir kýrskepnunum, þó að von
sé á kálfi. Herdís á Litlu-
Grund segist alltaf láta þær
bera í flórinn. Og að það sé
bezt“.
VIÐ KVIÐSLITI
Þjáir kviðslit yður? Fullkomin
lækning og vellíðan. Nýjustu að-
ferðir. Engin teygjubönd eða viðj-
ar af neinu tagi.
Skrifið SMITH MFG. Company
Dept. 234. Preston, Ont.
ÆTLARÐU
AÐ
FERÐAST?
Hvert sem þú
ferð, spara ég
þ é r • peninga
og létti af þér
áhyggjum án
auka kostnað-
ar. Ég er um-
boðsmaður Icelandic Airlines
og allra aðal flug- og skipa-
ferðafélaga; skipulegg ferðir
innanlands og erlendis. Ég
leiðbeini þér varðandi vega-
bréf, visa og hótel, ókeypis, og
með 30 ára reynslu get ég
ábyrgzt ágæta fyrirgreiðslu.
ARTHUR A. ANDERSON
ALL-WAYS TRAVEL BUREAU
315 Hargrov* St., Winnipeg 2
Office Ph. WH 2-2535 - Res. GL 2-544«
Special Low-Cost Easter Tour!
10 wonderful days ! Visit
Vancouver - Nanaimo
and Victoria/
GREAT IDEA! — a spring vacation in Canada’s
evergreen province! You’ll see the Rockies from the
scenic dome of “The Canadian” . . . enjoy bus and
steamship tours . . . take a beautiful 5 hour scenic
drive to Paradise Valley Lodge near Squamish . . .
visit famous Butchart Gardens . . . dine at exciting
new places, stay at the best hotels!
See your CPR agent now for free descriptive folder
or write: General Passenger Agent, CPR Station,
Winnipeg.
Gi/tcu/icui (fhcfoc
TRANS / TRUCKS / SHIPS / PlANES / HOTELS / TELECOMMUNICATIONS
WORLD'S MOST COMPLETE transportation system
FROM WINNIPEG
AS LOW AS $181.20
Leaves Winnípeg April 11
Rtns. from Vancouver April 19
Matreiðið uppáhalds fiskrétt
yðar eftir þessari bók
Yfir 50 myndir. "Canadian Fish
Cookbook" skýrir frá ágætum
matreiðsluaðferðum fyrir hinar
mörgu tegundir fisks í Kanada.
Uppskriftirnar eru fyrir ljúf-
fenga, lystuga og ódýra rétti.
Skrifið eftir eintaki í dag. Sendið
dollars seðil ásamt nafni yðar og
heimilisfangi til: The Queen’s
Printer, Ottawa.
DEPARTMENT OF FISHERIES
OTTAWA, CANADA
Hon. J. Angus MacLean, M.P., Minisler