Lögberg-Heimskringla - 18.03.1976, Blaðsíða 8

8
LÖGBERG-HEIMSKRINGLA, FIMMTUDAGINN 18. MARS 1976
'Híibpt oq JJkohid
£fiÍA
tjCUldcVl ýaAdMlAáJDn
Breska eftirlitsskipið Hausa kom nýlega inn á Norðfjörð
með fótbrotinn mann. Var maðurinn með lélegt gips um fót-
inn og var skipt um umbúðir og fékk maðurinn síðan að
fara aftur um borð í skipið, þar sem læknar töldu ekki þörf
á því að hann væri í sjúkrahúsinu á Neskaupstað, enda voru
fyrirmæli dómsmálaráðuneytisins þau, að ef ekki væri þörf
á því að maðurinn legðist inn í sjúkrahús skyldi hann aftur
sendur um borð.
Samkvæmt upplýsingum Péturs Sigurðssonar, forstjóra
Landhelgisgæslunnar, var 31 togari að veiðum fyrir Norð-
austurlandi, allflestir á friðaða svæðinu úti fyrir Langanesi.
Fjórar til fimm freigátur gættu skipanna, 4 dráttarbátar og
2 aðstoðarskip, alls 11 skip, að verja 31 breskan togara, en
búist var við að ein freigátan væri á förum heim til Bret-
lands. Pétur sagði að varðskipin hefðu verið að stelast inn
á milli togaranna og hefði þeim gengið dável að trufla veiðar
þeirra.
Tveir bílar fuku í Oddsskarði í byrjun mánaðarins. Annar
bíllinn var mannlaus, hafði verið skilinn eftir vegna óveð-
urs, en hinn fór sex veltur með bifreiðarstjórann og farþega
hans innanborðs. Fólkið slasaðist ekki, en þó var stúlka í
bílnum lögð inn í sjúkrahúsið á Neskaupstað.til öryggis.
Ríkisstjórnin hefur staðfest ákvörðun verðlagsnefndar um
hækkun á neyslufiski, en hún fylgir í kjölfar hækkunar á
almennu fiskverði. Hvert kg af ýsuflökum hækkar úr 204
krónum í 253 krónur eða 24%. Kg af ýsu með haus hækkar
úr 91 krónu í 114 krónur eða 25,3%. Hvert kg af þorskflökum
hækkar úr 204 krónum í 251 krónu eða 23%. Hvert kg af
þorski með haus hækkar úr 91 krónu í 113 krónur eða 25%.
Samkv. gengisskrá númer 47 — 9 mars 1976 eru 175.60 ísl. kr.
í einum kanadískum dollara. (175,60 ísl. kr. sama og $1.00)
Eg reyndi þvínæst að reka bílinn í bakkgír en það tókst ekki.
Þá var ekki annað að gera en stökkva upp, opna hurðina og
hrópa á fólkið að koma sér strax út. Þetta sagði Gestur Hall-
dórsson í samtali við Mbl., en Gestur ók 17 manna áætlunar-
bíl, sem fór fram af veginum Siglufjarðarmegin við Stráka-
göng í byrjun mánaðarins, en í þessu slysi beið einn maður
bana, Magnús Sævar Viðarsson sjómaður. Gengur krafta-
verki næst að takast skyldi að koma öllum farþegum út úr
bílnum stjórnlausum og bremsulausum og er það fyrst og
frcmst að þakka snarræði bílstjórans að það tókst.
Fyrsti áfangi Hjónagarða stúdenta verður tekinn í notkun
1. maí n.k. Hefur Félagsstofnun stúdenta þegar auglýst laus-
ar til leigu þrjátíu íbúðir sem tilbúnar verða í vor. í þessum
fyrsta áfanga eru 57 xbúðir og verða þær sem eftir eru vænt-
anlega tilbúnar 1. október n.k.
Ný freigáta hefur bætst í hóp þeirra Scyllu, Bacchante og
Naiad, sem nú gæta 32ja breskra togara, ásamt dráttarbátun-
um. Er það freigátan Mermaid F 76, sem er nokkru minni
en þær freigátur, sem hér hafa verið við land. en þær hafa
allflestar verið af svokallaðri Leander-gerð. — Mermaid er
2.300 tonna skip og kom á miðin 8. mars.
Landhelgisgæslan hefur fest kaup á þyrlu af Hughes-gerð.
Þyrlan er tilbúin til afhendingar í Bandaríkjunum og kem-
ur til Islands með fyrstu ferð. Þyrlan er splunkuný og kaup-
verð hennar er um 35 milljónir íslenskra króna.
Dómsmálaráðuneytið ritaði utanríkisráðuneytinu bréf, dag-
sett 5. mars, þar sem þess er óskað, að þeirri málaleitan verði
beint formlega til Bandaríkjastjórnar að íslensku Landhelg-
isgæslunni verði látin í té bandarísk gæsluskip af gerðinni
“Asherville” eða önnur samsvarandi. Er í bréfinu vitnað til
ákvæðis í viðauka frá 1974 við varnarsamninginn við Banda-
ríkin, málaleitan þessari til stuðnings. Baldur Möller, ráðu-
neytisstjóri dómsmálaráðuneytisins, sagði Mbl. sama dag, að
vísað væri til E-liðar í 3. grein fyrrnefnds viðauka, þar sem
fjallað er um samstarf varnarliðsins og Landhelgisgæslunn-
ar. Sagði Baldur að orðlag þessa viðauka væri almennt og
ekki nánar fjallað um það í hverju þetta samstarf væri fólg-
ið, en sú túlkun væri á því, að Landhelgisgæslan ætti að geta
notið þar góðs af. Fyrrnefnd skip af “Asheville” gerð hafa
skipherra Landhelgisgæslunnar bent á sem heppileg, hrað-
geng skip, en þeir hafa einnig bent á rússneska smáfreigátu
af “Mirka”-gerð í sama skyni.
JIM GOODMAN
Framh. af bls. 1
Jim hneigðist að hockey og
stundaði bá bióðlegu vetrar-
iþrótt með Pittsburgh Horn-
ets um skeið, en betta var að-
eins tómstunda iðn og henrii
fylgdu lítil sem eingin laun.
í von um að hún yrði at-
vinna hans með tíð og tíma,
lagði Jim á atvinnuleit norð-
ur í fylki klyfjaður. hockey
útbúnaði.
Sú von brást þegar það kom
upp úr kafinu að hann þurfti
að vinna hverja nótt í hverri
viku i heilt ár og þar með
voru ævingar og leiksam-
keppni útilokaðar.
Jim segir að sér gleymist
aldrei kuldinn í Flin Flon
þegar hann kom þangað at-
vinnulaus á miðjum vetri og
vissi ekki hvar hann átti að
leita sér húsaskjóls. Fyrstu
nóttina svaf hann í tjaldi en
komst svo á heimili hjá ís-
lenskri fjölskyldu sem heitir
Einarsson. Er sumt af því
fólki enn í kringum Flin
Flon.
Fjölskyldan hafði tekið á
leigu stóra stofu uppi á lofti
yfir járnsmiðju, skipt henni
í herbergi og komið þar fyrir
sex manns, fjölskyldunni og
þrem aukamönnum, sem
höfðu þar fæði og húsnæði.
Oft stóð svæla upp úr járn-
smiðjunni, sér í lagi þegar
verið var að járna hesta.
íbúðin var upphituð með
tveim eldstæðum og var við-
ur notaður til eldsneytis. —
„Um hádegi var manni loks-
in sfarið að hlýna um herð-
arnar,” segir Goodman.
Honum lærðist samt fljótt
að það var talið sjálfsagt í
Flin Flon að mönnum væri
heimilt að bjóða gestum á
heimili þeirra, sem menn
bjuggu hjá. „Stundum rakst
maður á náunga, sem var ný
kominn og datt ekki ánnað í
hug en að bjóða honum að
koma með sér heim og skríða
í bólið hjá sér. Ef fólk var í
vandræðum þurfti að ráða
fram úr þeim og við höfðum
öll reynt þetta sjálf.”
Fyrstu sex vikurnar í Flin
Flon vann hann við sitt af
hverju, en komst svo að hjá
Hudson Bay Smelting and
Mining Company og var sett
það fvrir að tína grjót, sem
var svo mulið með vélum. —
Hann vann um nætur og
fékk 38 cent á tímann. Loks
var hann færður í fram-
leiðslu deild fyrirtækisins.
Það var annað vorið, sem
hann var í Flin Flon að hann
tók ástfóstri við staðinn. —
Hann labbaði að hinum mik-
ilfengulegu og fögru stöðu-
vötnum og andaði að sér
hreinan blæinn, sem blés yf-
ir vatnið. Þetta er töfrandi
land, segir hann og hann hef
ur aldrei misst ást á því.
Eftir fimm ára erfiðis-
vinnu, fór Goodman að
hugsa um að afla sér frekari
menntunar. — Hann lauk
menntaskóla prófi í kvöld-
skóla og árið 1940 hóf hann
nám í- málmvinnslufræði við
British Columhiri háskóla,
fór svo aftur til Flin Flon ár-
ið 1944 með Bachelor of Sci-
ence^ gráðu í málmvinnslu-
verkfræði.
Árið 1949 kvæntist Jim
Goodman Shirley Anderson,
hjúkrunarkonu í sjúkrahús-
inu í Flin Flon. Þau hjón
eiga fjögur börn, eitt búsett
í Flin Flon, tvö í Winnipeg
og eitt í British Columbia.
Flin Flon hefu.r vaxið upp
úr smábæjar stakknum síðan
Jim kom þangað fyrst. Nú er
þetta stæðileg borg. Síðustu
árin hefur hann verið við
það riðinn að gera nýtísku
endurbætur á vinnutækjum
félaesins. Á meðal annars
hefur verið reistur þar 820
feta hár reykháfur.
Tæknileg kunnátta Good-
mans er mikil, en hann er
líka sérstaklega glöggur á
skapferli fólks og eiginleika.
„Eg hef gengið eina eða tvær
mílur í sömu spor og hver
einasti maður, sem starfar
hér, skil hvað hann á við að
stríða og þekki inn á tilfinn-
ingar hans,” segir hann. —
Þessi orð sanna sig sjálf í
hvert sinn, sem hann afhend
ir starfsmönnum félagsins
verðlaun og viðurkenningar
við sérstök tækifæri.
Hann hefur gaman af að
minnast þess að hafa einu
sinni verið húsbóndi tveggja
hockey leikara, sem nú eru
frægir liðsmenn Philadelph-
ia Flyers, þeirra Bobby
Clarke og Reg Leach, sem
spilðu hockey með Flin Flon
Bombers á starfsárum sínum
þar. Um Clarke segir Jim að
hann hafi verið sjálfum sér
líkur við vinnu og í leik, lagt
sig allan fram.
Jim Goodman er gæddur
góðum söng hæfileikum, tók
þá í arf frá föður sínum, sem
var organisti , Fyrstu lúth-
ersku kirkju í Winnipeg á
sínum tíma. — Eitt af því
fyrsta, sem hann ætlar að
taka að sér þegar hann sest
í helgan stein, er stjórn söng
flokksins; “Flin Flon Glee
Clubs.” Hann hefur verið í
söngflokknum frá upphafi til
veru hans, fyrst einn af söng
vörunum, en svo bar það við
að stjórnandi flokksins var
fluttur veikur á sjúkrahús
þegar verið var að æva söng
leik og var Jim beðinn að
taka við af honum.
• Síðan hefur hann sett á
svið marga vinsæla söngleiki
svo sem “Oklahoma,” “Briga-
doon,” “The Merry Widow,”
“The Music Man,” “Guys
and Dolls” og “Hello Dolly.”
Það gleður hann mest, seg-
ir hann, að finna í einhverri
versluninni á aðalstræti bæj-
arins, náunga sem er gædd-
ur persónuleika og góðri
söngrödd en finnst hann ekk
ert geta. Maður þjálfar hann
einn vetur og svo blómstrar
þetta allt fyrsta kvöldið, sem
leikurinn er sýndur.
En hið yfirgripsmikla starf
aðalf ramkvæmdarst j óranns
gerði honum ókleift að vera
eins riðinn við framleiðslu
söngleikjanna og hann hefði
viljað síðustu árin. Það var
ómögulegt að sinna hvoru-
tveggja, segir hann. — Allt,
sem þurfti að hugsa um kom
st ekki fyrir í einu höfði.
Nú er hann 65 ára gamall
og frjáls ferða sinna, getur
gefið sig allan að músik og
heimsótt Mike bróður sinn,
sem nú er 78 ára gamall og
býr í Miami, Florida. Hockey
garpurinn sem vann sér til
frægðar með Fálkunum forð
um, er farinn að hlakka til
þess að bregða sér á skauta
með yngri bróður sínum þeg
ar hann kemur suður, láta
hann reyna sig í “figur skat-
ing.”
Jim Goodman hóf starfs-
feril sinn í grjóthrúgunni í
Flin Flon og kveðst vera
bjartsýnn á framtíð hennar
og námanna í norður Mani-
toba.
Það er allt undir tvennu
komið, segir hann, heims-
markaðnum og lífsmöguleik-
um (viability) fyrirtækisins.
Hið síðarnefnda kveður hann
fyrirtækið hafa til að bera,
ef skattar verði ekki látnir
r"áða því að fullu, það hafi
alla málmvinnslu möguleika
til að tryggja því langa fram
tíð.
Jim heldur áfram að þjóna
fyrirtækinu sem ráðunautur
og þau hión búa áfram í
Flin Flon. Þau kunna þar vel
við sig.
MESSUBOÐ
FYRSTA LÚTERSKA
KIRKJA

JOHN V. ARVIDSON,
PASTOR
Sími: 772-7444
Sunday School 9.45
Services
Sundays 9.45 and 11.00 a.m.
Icelandic Service
MARCH 28th — 7 o clock