Breiðablik - 01.11.1906, Side 16

IOO
BREIÐABLIK
gys að tnér, því að þessir ódauðlegu guð-
ir þínir eru nú löngu dauðir, og enginn
trúir á þá framar nema skrælingjar. Sið-
ur vor er miklu betri og fegurri, þar sem
vér trúum á guð einn réttlátan og misk-
unnsaman“. „Fagurþykir mér siður yð-
var og átrúnaður“, mælti eg, ,,en þér
farið líkt með hann og gull yðvart, er þér
geymið í læstum járnskápum, en látið
einskisverðar druslur ganga mannaámilli
í þess stað. Átrúnaðinn og siðinn gull-
fagra geymið þér harðlæstan í hjörtum
yðrum, en notið í hans stað hversdagssið
nokkurn ófagran og illan. Þykir mér
því land þetta undarlegt mjög“.
Þannig mælti eg, en hann svaraði engu
og var hugsi. Komum við nú brátt að
höll þeirri aftur, er eg hafði etið í, en
hann fór með mér inn í höllina miðja að
herbergi einu litlu. Voru veggir þess úr
járngrindum, en sveinn lítill stóð þar í
einu horninu. Við stigum inn í herberg-
ið, en sveinninn lokaði dyrum þess. Þá
kom fyrir atburður nokkur kynlegri en
alt það, er eg hafði áður séð og heyrt í
landi þessu, því húsið tók að síga niður
hægt og hægt, — alt nema herbergið
litla, er við sátum í. Það stóð kyrt, en
gólf eftir gólf í húsinu færðist niður fyrir
okkur. Tók mig þá að svima, en köld-
um svita sló um mig allan. En í því
vaknaði eg á sjávarströndinni,þar sem eg
lagðist til svefns í gærkveldi. Hafði eg
velt mér til hliðar í grasinu svo að eg var
allur rennvotur af næturdögginni.
Endir.
Frá Vínarborg
ritar herra stjórnarráð, J. C. Poestion, oss,
að hann sé heim kominn heill á hóíi úr Is-
lands ferð sinni, hafi skemt sér hið bezta, verið
ágætur sómi sýndur og litist betur bæði á land
og þjóð, en hann hafi áður gjört sér í hugarlund.
Má sjálfsagt búast við því, að hann riti um
þá ferð sína og hafi margt og mikið fróðlegt og
nytsamt að segja, bæði um land og þjóð. Hug-
leiðingar erlendra Islands-vina um hagi og háttu
þjóðar vorrar eru ávalt velkomnar.
Herra Poestion leggur mikið kapp á að
kynna sér þanti skerf, sem Vestur-Islendingar
leggja til ísl. bókmenta, ekki síður en bókmentir
fósturjarðar vorrar. Um það efni ætlar hann
sér að rita og er nú að safna til þess.
Viljum vér því skora á alla Vestur-Islend-
inga, sem eitthvað hafa látið eftir sig prenta, að
senda honum eitt eintak, svo hann geti fengið
yfirlit yfir hið litla bókmentalíf, sem . risið hefir
upp með Islendingum hér í útlegðinni.
Utan á bréf til hans er ritað:
Regierungsrat J. C. Poestion
Marc Aurel Strasse I
Vienna, Austria.
Kosninga úrslit
í Bandaríkjum hafa hin heppilegustu orðið.
Óhug miklum myndi hafa slegið yfir land alt,
hefði miljónamaðurinn ófyrir- leitni, Hearst, náð
kosningu til ríkisstjóraem-bættis í New York-
ríki. Eigin flokksbræðrum hans, demókrötum,
er það til hróss, að þeir gengu í lið með andstæð-
ingum sínum til að fella hann. Blöð hans—og
þau eru mörg—eru full æsinga og ofstækis og
þykja eitt hið ömurlegasta teikn á þjóðlífshimni
Bandamanna.
Pá eru úrslitin í Norður-Dakota ánægjuleg
fyrir Islendinga. Þeir Elís Thorwaldson, Gunn-
laugur Pétursson, Magnús Brynjúlfsson og Jón
Johnson voru allir kosnir í Pembina County.
Flytjum vér þeim öflum hugheilar hamingjuóskir.
I Cavalier County var Pétur Johnson einnig kos-
inn og Gunnar Olgeirsson í McLean Co. Aftur
náðu þeir Skúli Skúlason og Eggert J. Erlends-
son ekki kosning.
Heillavænlega framför teljum vér það, hve
vel það hefir komið í ljós við þessar kosningar,
að kjósendur láta sér um hugað um að skipa hæf-
ustu mönnum í embætti, án tillits til, hvaða flokk
þeir fylla. Þegar flokkur heflr lengi verið við
völd, fer hann oft að ota fram lélegum mönnum.
Og þá má ekki blint flokksfylgi aftra kjósendum
frá að taka í tauma og segja: Hingað og ekki
lengra!
BREIDABLIK. Mánaðarrit til stuðnings íslenzkri
menning-. Fridrik J. Bergmann, ritstjóri. Heimili 259
Spence Strreet, Winnipeg. Telephone 6345. Ólafur S
Thorgeirsson, útgefandi. Heimili og afgreiðslustofa blað
sins 678 Sherbrooke Str., Winnipeg, Canada. Telephone
4342. Verð : Hver árg. 1 doll. Hvert eintak 10 cts. —
Borgist fyrirfram.
Prentsmidja Ólafs S. Tiiorgeirssonar.