Frækorn - 15.10.1903, Blaðsíða 8

136
FRÆKORN.
Merkir bindindismenn
IV.
FriObjörn Steinsson
bóksali á Akureyri er nú maður yfir
sextugt. Mér er ekki svo kunnugt um
æfiferil hans, að eg geti gefið neitt ágrip
hér af honum, enda ekki rúm til þess hér.
Að eins má geta þess, að hann hefur
jafnan notið trausts og virðingar sam-
bæjarmanna sinna og samsýslunga, einatt
verið fulltrúi þeirra í ýmsum trúnaðar-
stöðum.
En það er sérstak-
lega sem bindindis-
manns og Good-
Templars, að vér
jafnan hugsum til
hans og minnumst
hans.
Hann er elzti Good-
Templar landsins, þ.
e. hcfur lengst allra
Islendinga vcrið í G.
T. - Reglunni, þótt
hún telji nú ýmsa
upp meðal meðlima
sinna, sem eldri eru
að áratölu. Og það,
sem mest er um vert:
hann má heita faðir
Reglunnar hér álandi,
fyrsti Islendingur,sem
varð hvatamaður og
stuðningsmaður að innleiðslu hennar hér-
lendis.
Þegar Ole Lie, Norðmaður, sem var
búsettur hér eða dvalfastur um stund og
sjálfur var Templar, var að hugsa um, að
æskilegt væri að koma upp Templara-
stúku á Islandi, ef það reyndist vinnandi
vegur, þá bar svo heppilega til, að hann
komst í kynni við Friðbjörn Steinsson, sem
þá var að berjast fyrir bindindi. Hann
sagði Friðbirni frá Reglunni og lýsti fyrir-
komulagi hennar fyrir honum, og þóttist
Friðbjörn þá skjótt sjá, að hér var hinn
bezti og skipulegasti félagsskapur til bar-
áttu gegn áfeinginu, sem. hann hafði sögur
af haft, og bauðst hann þegar til að ljá
lið sitt til að stofna stúku, Er vandséð,
hvort það hefði svo snemma orðið og svo
vel tekist, ef ekki hefði við notið áhuga
og dugnaðar Friðbjarnar og þess trausts
og fylgis, er hann naut manna á meðal.
Varð hann einn af stofnendum stúkunnar
»ísafold«, fyrsta stúkunnar, sem stofnuð
var á íslandi. Hefur hann jafnan síðan
verið, og er enn, einn helzti meðlimur
hennar. Hann hefur jafnan verið kosinn
Stórstúku-fulltrúi hennar, og hann varð
fyrsti Stór-Gæzlumaður Ungtemplara hér
á iandi. Hann var og eitt tímabil Stór-
Gæzlumaður kosninga.
Hann hefur lengi
og vel starfað með
heiðri, og vér vonum
að njóta hans lengi
enn.
»Good-Templar.<
■<oS>
Augrnablik-
Ef vér helgum
drottni daga vora,
því þá ekki cins vel
klukkustundirnar,
mínúturnar og augna-
blikin? Vér metum
ekki rétt þýðingu
augnablikanna. Lít-
um vér yfir sögu
kirkjunnar á liðnum öldum, þá sjáum vér,
hversu oft hið mikilvægasta verk á rót
sína að rekja til eins augnabliks tíma í
lífi einhvers af þjónum guðs; máske hefur
það verið notað til þess að mæla fimm
orð, en þau fimm orð urðu til þess að
seðja fimm þúsundir eða jafnvel fimm
hundrað þúsundir manna. Það er ekki
svo oft, að heil prédikun sem einstök
setning úr henni verða til þess að gefa
sálinni líf. Og hversu oft hefur drottinn
ekki fyllt einstök augnaklik lífs vors með
blessun sinni ? Og ef það er svo, hví
skyldi hann ekki uppfylla hvert augna-
blik ? (F. R, Havergal.)