BFÖ-blaðið - 01.01.1966, Blaðsíða 12

frá dnlrium 09 félagntarfí
Stofnuð deild á Siglufirði
Árið 1965, miðvikudaginn 8. desember
komu saman í Suðurgötu io nokkrir félags-
menn í Bindindisfélagi ökumanna í þeim til-
gangi að ræða um stofnun félagsdeildar BFÖ
á Siglufirði.
Til bæjarins var kominn hr. Sigurður
Gunnarsson, erindreki og hafði hann átt við-
tal við Guðmund Kristjánsson, umboðsmann
BFÖ á Siglufirði um hvort mögulegt myndi
að stofna þar deild BFÖ, en um 50 félagar
voru þar í landssamtökunum. Guðmundur
Kristjánsson hafði því haft samband við all-
marga félagsmenn og boðað til þessa fund-
ar. Mættur á fundinn var Sigurður Gunnars-
son.
Þá fór fram kosning stjórnar. Skv. lögum
skal kjósa formann sérstakri kosningu. Uppá-
stunga kom fram um Guðmund Kristjánsson
sem formann. Engin önnur uppástunga var
gcrð og var Guðmundur því sjálfkjörinn
formaður. Uppástungur að tveim mönnum í
stjórn komu fram og var stungið upp á
Einari M. Albertssyni og sr. Ragnari Fj.
Lárussyni. Engar aðrar uppástungur komu
fram og voru þeir því sjálfkjörnir.
Þá var stungið upp á tveim varamönnum í
stjórnina, þeim Júlíusi Júlíussyni og Þórarni
Hjálmarssyni og urðu þeir sjálfkjörnir. Tveir
endurskoðendur urðu einnig sjálfkjörnir,
þeir Þórarinn Vilbergsson og Birgir Vil-
helmsson og til vara Ágúst Stefánsson.
Að lokum var Sigurði Gunnarssyni þökk-
uð koman og skildu allir er fundi var slitið
eftir ánægjulega kvöldstund.
Stofnuð deild í Bolungavík
Hinn 1. des. s.I. var í Bolungavík haldinn
stofnfundur BFÖ deildar með 1} stofnendum
12
og þann 9. jan. s.l. var svo haldinn fram-
haldsstofnfundur og deild endanlega stofn-
uð með 20 félögum.
Sigurður Gunnarsson, erindreki áfengis-
varnarráðs, hafði verið þarna á ferð nokkru
áður, og réðist þetta þá, enda margir áhuga-
menn um umferðaröryggi og bindindi á
staðnum.
Deildarstjórn: Formaður: Maris Haralds-
son, smiður; ritari: Ólafur Halldórsson, hér-
aðslæknir; gjaldkeri: Jónatan Sveinbjörns-
son, vélvirki.
Varastjórn: Guðmundur B. Jónsson, Jón
Guðnason og Grétar Pétursson.
Bjóðum hinar ungu deildir velkomnar í
Bindindisfélag ökumanna og óskum þeim til
hamingju.
Samstarfsnefnd í umferðarmálum
(BFÖ, FÍB og SVFÍ)
Verulegt samstarf ríkir nú á milli þessara
félaga. Hefur að vísu alltaf verið gott á
milli áður fyrr, en ekki um mikið sam-
starf að ræða. Hefur nefndin haldið áfram
fundum sínum.
Nefndin hefur nú fengið nokkuð magn af
1. flokks glitmerkjum og munu verða höfð
samráð á milli félaganna, hvernig þeim verði
dreyft. Er ekki ósennilegt, að gamalt fólk,
sem er á ferli, verði fyrst og fremst látið
njóta þeirra. Merkin verða iátin í té ókeypis.
Ráðstefna á Hótel Sögu þ. 22. og 23.
janúar s.l.
BFÖ átti þar 2 fulltrúa, forseta sinn og
hr. hdl. Hákon H. Kristjónsson. Stjórn BFÖ
hefur ekki enn tekið ákvörðun um aðild að
þeim samtökum, sem þar voru til umræðu,
enda geta þau vart talizt stofnuð er þetta er
ritað.
BFÖ-BLAÐIÐ