BFÖ-blaðið - 01.12.1988, Blaðsíða 7

Helgi Hallgrímsson:
Hvenær nær bundið
slitlag frá Reykjavík
til Akureyrar?
Undanfarin ár hefur verið lögð mikil áhersla
á að leggja bundið slitlag á þjóðvegi. í árslok
1988 er komið bundið slitlag á alls um 1980
km af þjóðvegakerfi landsins. Megnið af þessu
slitlagi er á aðalvegunum. Á þessu ári voru
lagðir 254 km af bundnu slitlagi.
Leiðin milli Reykjavíkur og Akureyrar hef-
ur notið góðs afþessari þróun. Vegalengdmilli
þessara staða er 432 km. Bundið slitlag er á 331
km, þar af voru 24 km lagðir á þessu ári.
Malarvegir á þessari leið eru því 101 km nú
í árslok. Ekki verður fullyrt með vissu, hve-
nær þeir verða komnir með bundið slitlag.
Vegáætlun er til endurskoðunar á Alþingi nú
í vetur og hætt við nokkrum samdrætti í vega-
framkvæmdum á næsta ári. Þá verður að hafa
í huga að á nokkrum stöðum þarf að verja
miklu fé til undirbyggingar vega, áður en
unnt er að leggja á þá bundið slitlag. Það sem
sagt er hér á eftir um þessi efni er því að hluta
til getgátur, ef til vill blandnar nokkurri ósk-
hyggju.
I Hvalfirði og neðanverðum Borgarfirði eru
fjórir malarkaflar samtals að lengd um 13 km.
Vonir standa til að bundið slitlag verði lagt á
þá á næsta ári.
í ofanverðum Borgarfirði og beggja megin
Holtavörðuheiðar eru þrír malarkaflar.
Lengd þeirra allra er um 20 km. Lagt verður á
hluta þeirra næsta ár, en þeim lýkur varla
fyrr en á árunum 1990-91.
Helgi Hallgrímsson er yfirverk-
fræðingur hjá Vegagerð
ríkisins.
Norðurlandsvegur á austanverðu Vatnsskarði, ofan Varmahlíð-
ar í Skagafirði.
í Víðidal í Vestur-Húnavatnssýslu er eftir
einn kafli rúmlega 6 km langur og verður lagt
á hann næsta ár. Á Vatnsskarði eru um 10 km
eftir. Hluti þess kafla verður lagður bundnu
slitlagi á næsta ári. Þá verður eftir svokölluð
Bólstaðarhlíðarbrekka, og tekur það að
minnsta kosti 2-3 ár í viðbót að ljúka henni.
í Skagafirði austanverðum er eftir að leggja
á um 14 km. Hluti kaflans fær bundið slitlag á
næsta ári, en reikna verður með 2-3 árum í
viðbót til að ljúka honum.
Malarvegur er um Öxnadalsheiði vestan-
verða og um mestan hluta Öxnadals eða alls
um 30 km. Hér er um dýrar framkvæmdir að
ræða og ólíklegt að þeim ljúki á skemmri tíma
en 4-5 árum.
Loks er ólokið við rúma 8 km í Hörgárdal en
væntanlega fær sá kafli bundið slitlag á
næstu tveim árum.
Samkvæmt þeirri tilgátu sem hér er sett
fram mun malarköflum á leiðinni til Akur-
eyrar fækka jafnt og þétt á næstu árum. Þó
munu væntanlega líða 4—5 ár áður en þeir eru
allir horfnir. 7