Skólablaðið - 01.01.1912, Blaðsíða 7
SKOLABLAÐIÐ
7
fyrir þeim, að það sem er þess vert, að það sé gjört, er og
þess vert, að það sé gjört vel.
Þannig löguð áhrif á hugsunarhátt barnanna eru mikilsverð
og við verðum að gjöra alt sem í okkar valdi stendur til að
gjöra þau sem varanlegust.
Heimilin taka beinlínis eða óbeinlínis höndum saman við
okkur, með því að við styðjum viðleitni góðu heimilanna á að
innræti börnum þeirra heilbrigðan hugsunarhátt í öllu, er að
vinnu lýtur, en gegnum börnin sjálf höfum við ætíð nokkur
áhrif á hin lakari heimili.
Ennfremur álít eg að handavinnan í skólunum hafi mikla
þýðingu sem nauðsynleg og hressandi tilbreyting fyrir barnið,
það er þreytandi og sljófgandi að sitja 5—6 klukkustundir í
lotunni við bóknám.
Kennarinn kynnist fleiri hliðum á hæfileikum barnsins, og
getur því gefið barninu sjálfur eða aðstandendum þess haldbetri
leiðbeiningar viðíkjandi því fyrir hvaða stöður það er hæft en
ella væri, því jeg geri ráð fyrir að allir góðir kennarar láti sjer
framtíð barnanna á hjarta liggja lengur en meðan þau njóta
kenslu hjá þeim,
Börnunum er námsgrein essi flestum kærari, óska að hún
væri kend á hverjum degi, harma það ef frídagur fellur á handa-
vinnudag, og eiga jafnan bágt með að trúa því að tímarnir sjeu
liðnir, þegar hringt er til útferðar. (Við höfum handavinnu 2
tíma í einu og engar frímínútur á milli). Fyrir þau börn sem
litla hæfileika hafa til bóknáms, er handavinnan sönn blessun.
engum er als varnað, þau eru mörg lagin til handanna þessj
börn, og laðar því handavinnan þau, að skólanum, og gjörir
þau honum aldrei fráhverf þrátt fyrir alt.
Foreldrarnir segja að börnin séu meira inni við á kvöldin
minna í sollinum, dunda við handvinnuna, sem þeim er sett
fyrir.
Eins og auðvitað er getur þessi handavinna aldrei orðið
annað en undirstaða, en sé handavinnan vel kend og verði
hún börnunum kær, vona eg aö þau leggi hana aldrei á hilluna
og mörg nauðsynleg undirstöðuatriði vona jeg að gleymist
aldrei.