Skólablaðið - 01.06.1912, Síða 4

84
SKÓLABLAÐIÐ
og verðlauna af fé skólanna, og geta farið á mis við fleiri styrk-
veitingar af góðgerðastofnunum þjóðfélagsins. Svona mætti halda
áfram að telja.
Hér á landi eru engar skorður reistar gegn því að selja
smábörnum tóbak. Menn hafa sjálfsagt ekki fundið þörf á því
enn sem komið er. En til þess gæti þó komið á endanum, og
er ef til vill þegar rekið að því. Það er sem sé allmjög farið
að bóla á því, líklega meira en margur hyggur, að börn vor
reyki, eru sumstaðar sem óðast að leggja út á þá ógæfubraut.
Og tóbakið, sem þau reykja, er oftast versta úrhrakið sem til
er, vindlingar. Eg tel víst að það sé hvorki að vilja foreldra
né kennara, en get hins vegar ekki ímyndað mér annaö en að
það sé á vitund eigi allfárra. Hér er því alvarlegt verkefni
fyrir höndum fyrir kennarana, og raunar hvern hugsandi mann,
sem ekki getur horft á það með köldu blóði, að unga kynslóð-
in veiklist, úrættist og siðspillist.
Mér er vitanlega ekki vel kunnugt um það, hve mikið
kveður að vindlingareykingum barna víðsvegar á landinu, en
hefi ástæðu til að halda að nokkur brögð séu að þeim, eink-
um í kaupstöðum og fjölbygðari kauptúnum. Meðan málið er
órannsakað að öllu leyti, er ekki gott að segja með vissu, hvern-
ig ástandið er; en það er tilætlun þessara lína að vekja menn
til umhugsunar um það, og fá menn til að gera tilraunir í þá
átt að komast að réttri niðurstöðu.
Hér í »Eyjum« er ástandið því miður ekki sem glæsileg-
ast. Eg var oft búinn að verða þess var, að sum skólabörnin
voru farin að leggjast í reykingar. En hve víðtækur þessi ósið-
ur væri orðinn, var mér ókunnugt um; því börn reyna að dylj-
ast svo lengi sem þau geta. Mig langaði að fá eitthvað stað-
betra á að byggja en lauslegar ágiskanir, og ásetti mér að grafast
fyrir það með lempni, hvort um nokkurn verulegan voða væri
að tefla. Með aðstoð kennaranna við skólann rannsakaði eg 3
efstu bekki skólans 12. febrúar síöast liðinn, og korn þá í ljós,
sem fæsta mun hafa grunað, að 64% af börnum þessum höfðu
gert sig sek í því að reykja — reykja þenna tóbaksóþverra,
sem fæst í vindlingum. í lægri bekkjunum tveimur fundust
síðar 9 börn á aldrinum 9, 10 og 11 ára, sem voru þegar