Skólablaðið - 01.03.1920, Blaðsíða 13
SKÓLABLAÐIÐ
41
ðÖru fremur bók þessari til ágætis, mundi það verða þetta, hve virð-
ingin og ástin til heimilisins skín þar á hverju blaði.
STJÓRNARBYLTING A SKÓLASVIÐINU. Eftir Steingrím
Arason. Sjerprentun úr Andvara — Rvík 1919.
Bæklingurinn er 28 bls., en hjer ræðir um merkilegt mál, nýjustu
skólaskipun Bandaríkjamanna og rannsóknir þeirra og tilraunir um
hagnýta skólakenslu, að koma skólunum í sem best samræmi við lífið
sjálft. Allir skólamenn keppa að þessu sama, að skólarnir verði börn-
unum að sem mestum notum og búi þau sem best undir lífið, en
um aðferðirnar deila menn sí og æ. Ameríkumenn hafa á síðustu
áratugum reynt meira fyrir sjer í þessum efnum en nokkur önnur
þjóð, og margir líta nú þangað vonaraugum um lausn á ýmsum
vanda í uppeldismálunum. En aðrir þykjast þó sjá mikla galla á
sumum nýjungum Bandarikjamanna, og að alt þatta umsvifamikla
skólanám verði að lokum merglaust, en mikið á lofti eins og Banda-
ríkjaborgarinn sjálfur.
Höf. er mjög bjartsýnn á þessi mál Bandarikjamanna, og má honum
vera sjón sögu rikari, því hann hefir, sem kunnugt er, dvalið vestra
árum saman og kynt sjer þessi mál af alúð og áhuga.
Bæklingurinn ber þess ljósan vott, að höf. hefir verið miklu meira
niðri fyrir og drepið miklu lauslegar á efnið en hann sjálfur vildi.
En hjer ræðir mest um námsstjórn, eða sameiginlega leiðsögn sjer-
stakra ráðunauta, bæði um námsefni á hverjum stað og um námsað-
ferðir og kenslulag; annað aðalatriði í bæklingnum er flokkun barna
eftir andlegum þroska. í báðum þessum atriðum hafa Bandaríkja-
menn rutt nýjar brautir og unnið mikið verk, og mun árangurinn
eiga erindi til allra þjóða.
Steingrimur hefir hjer í stuttu máli gert löndum sínum nokkra
grein fyrir þessum nýjungum, sem hann kallar „stjórnarbylting á skóla-
sviðinu", og mun það ekki ofmælt.
Páll Eggcrt Ólason: MENN OG MENTIR SIÐASKIFTAALD-
ARINNAR A ÍSLANDI. — 1. bindi — JÓN ARASON________________
Rvík — Bókav. Guðm. Gamalíelssonar — 1919.
Þetta er, eins og kunnugt er, doktorsrit, hið fyrsta, sem varið er
hjer við háskólann, og er þetta fyrsti þáttur í miklum ritbálki, sem
höf. hefir í smíðum. „Er til þess ætlast," — segir höf. — „að annar
þáttur taki yfir frumkvöðla siðaskiftanna, þriðji þáttur ræði um Guð-
brand biskup Þorláksson og fjórði þáttur um veraldlegar bókmentir
þessarar aldar, siðskiftaaldarinnar." — Þessi fyrsti þáttur er mikil
þók, 454 bls. í stóru 8 bl. broti, og prýðileg mjög að öllum ytra frágangi.