Tölvumál - 01.12.1987, Síða 9

ÞURFUM AÐ HRISTA MANNINN
OG TÆKNINA BETUR SAMAN
Lengi vel lofsungu menn tölvuna, en nú er komið bakslag i
umræðuna. Menn benda á ýmsar neikvæðar hliðar tölvu-
væðingarinnar. Hefur tölvan ekki leitt til þeirrar
hagræðingar, sem menn bjuggust við?
Þessi spurning var m.a. lögð fyrir dr. Jón Þór
Þórhallsson, forstjóra SKÝRR og fyrrverandi
formann Skýrslutæknifélagsins, i skemmtilegu og
fróðlegu viðtali við hann sem birtist i 6. tbl.
Frjálsrar verslunar. Hér á eftir fer svar dr.
Jóns Þórs, sem TÖLVUMÁL fengu góðfúslega leyfi
til að birta.
Neikvæð tölvuumræða
"Þessi óttablandna virðing, sem menn báru fyrir tölvunni,
er að hverfa og menn spyrja sig hvort þeir hafi haft erindi
sem erfiði með tölvuvæðingunni. Margir hafa orðið fyrir
voribrigðum en ég held að nú sé að koma hættulega neikvæður
tónn í garð tölvunnar i opinbera umræðu.
Þetta stafar af þvi að tölvan hefur verið ofseld sem
einföld aðferð til að leysa allan vanda. Hver kannast ekki
við orð sölumannsins: "Þetta er ekkert mál". Margir hafa
áhuga á að kynnast tölvum en þeir eru færri sem hafa nennu
eða elju til þess að tileinka sér þær nógu vel til að hafa
verulegt gagn af þeim. Þarna hefur þvi farið saman of
mikil sölumennska, óskhyggja kaupanda og áhugaleysi eða
vankunnátta á að nýta tölvuna. Útkoman er vonbrigði og
neikvæð umræða.
Tölvan stendur enn fyrir sinu en við þurfum að endurmeta
afstöðu okkar til hennar og bæta aðferðir við tölvuvæðingu.
í fyrsta lagi þurfum við að færa rök fyrir ágæti tölvunnar.
Hefur tölvuvæðingin leitt til aukins hagræðis? Til að
svara þessu er best að slökkva á tölvunum og ráða menn til
þess að vinna störf þeirra jafn vel á jafn skömmum tima og
bera saman kostnaðinn með og án tölvu. Ég held að menn
geti séð i hendi sér að tölvan hefur vinninginn. Auk þess
getur tölvan skapað ný viðskiptatækifæri og bætt sam-
keppnisstöðu. Tölvubankar eru gott dæmi um það.
9