Tölvumál - 01.01.1988, Blaðsíða 7

Óheyrilegur auglýsingakostnaður hækkar verð tölvunámskeiða.
Heyrst hefur að kostnaður við það að fá nemendur á styttri námskeið
(8-20 klst.) sé orðinn allt að 40% af tekjum af hvers námskeiðs. Er
það álit þeirra sem standa að tölvuskólunum, að breytist þetta ekki,
þá muni skólarnir hætta slíkum námskeiðum, en einbeita sér að lengra
námi.
Há laun í tölvufyrirtækjum.
Félag íslenskra iðnrekenda gekkst fyrir könnun á launakjörum
starfsmanna í tölvufyrirtækjum. Kom í ljós að laun þeirra eru mjög
góð ef borið er saman við önnur fyrirtæki með svipaðan rekstur.
Starfsmenn eru almennt ánægðir með þessi launakjör, en sagt er að
eigendur fyrirtækjanna stynji undan háum launakostnaði.
Athygli vekur í þessari könnun FÍI að sölumenn eru almennt ekki
sérmenntaðir og fylla lægri launaflokkana. Virðist sem tölvunarfræð-
ingar og verkfræðingar leggi ekki á þá braut ótilneyddir. Þeir sem
það hafa gert eru sagðir ágætir sölumenn vegna sérþekkingar sinnar
og faglegrar umfjöllunar.
Er ekki ástæða fyrir hugbúnaðar- og tölvufyrirtæki að huga að þessum
mikilvæga þætti rekstrarins með áherslu á vandaða og góða sölu-
mennsku með sérmenntuðu fólki? í erlendum stórfyrirtækjum eru það
yfirleitt best menntuðu starfsmennirnir sem sinna sölumálum.
Radarstöðvar Nató.
Mikið kapp er nú hlaupið í íslensk verkfræði- og hugbúnaðarfyrirtækji
vegna fyrirhugaðra framkvæmda við radarstöðvar. FÍI hefur haft
forustu um að vinna að kynningu íslenskra fyrirtækja á þessu sviði
með það fyrir augum að þau fái hlutdeild í uppbyggingu radarstöðva
fyrir Nató á íslandi. Mun um háar fjárhæðir að tefla, en heildar-
kostnaður við þetta verk er talinn verða á bilinu 200 - 300 milljónir
dollara.
Guðríður Jóhannesdóttir
- 7 -