Tölvumál - 01.09.1988, Blaðsíða 8

Bjarni Júlíusson:
Á I i t a m á I
RANNSÖKNARSTOFNUN
Á VILLIGÖTUM?
Fyrir nokkru bárust undirrituðum niðurstöður nefndar sem skipuð var
til að fjalla um framtíðarskipan rannsókna í tölvufræðum innan
Háskólans. Þar sem niðurstöður nefndarinnar snerta nokkuð starfsemi
hugbúnaðarhúsa þótti við hæfi að skoða hvaða áhrif slík stofnun gæti
haft á hugbúnaðariðnaðinn í landinu.
Niðurstöður nefndarinnar voru þríþættar. í fyrsta lagi taldi nefndin
að nauðsynlegt væri að efla rannsóknir hérlendis í tölvufræðum. í
öðru lagi var talið að nú væri tímabært að sameina krafta hinna ýmsu
stofnana sem vinna að tölvumálum innan Háskólans og reyna þannig
að nýta betur alla aðstöðu, búnað og mannafla er Háskólinn hefur yfir
að ráða. í þriðja lagi, taldi nefndin að mikil þörf væri á að efla
sérstaklega þjónustu við íslenskan hugbúnaðariðnað.
Til að ná fram þessum markmiðum telur nefndin að nú sé tímabært að
stofna "Upplýsingatæknistofnun íslands". í skýrslu nefndarinnar er
því lýst hvernig stofnunin skuli uppbyggð og hvernig starfsemi
hennar skuli háttað.
Flestir geta fallist á það, að ofangreind markmið nefndarinnar séu
æskileg og eflaust væri það íslenskum tölvu- og upplýsingaiðnaði og
Háskóla íslands til framdráttar, ef þau næðu fram að ganga. Hins
vegar eru þær leiðir sem nefndin hugðist fara til að ná fram ofan-
greindum markmiðum vægast sagt hæpnar og gætu jafnvel verið
skaðlegar íslenskum hugbúnaðariðnaði.
Yið lestur skýrslunnar vöknuðu ýmsar áleitnar spurningar um hlutverk
þessarar stofnunar og munu nú nokkur sláandi atriði tínd til.
Til hvers nýja stofnun?
Hverjum á þessi ágæta stofnun að þjóna? Er henni ætlað að þjóna
hugbúnaðarhúsum eða á hún að aðstoða önnur fyrirtæki sem þurfa á
8 TÖLVUMÁL