Tölvumál - 01.09.1988, Blaðsíða 15

Einn tölvusali nefndi að tölvutegund sem ný gerð Ieysti af hólmi fyrir
tveimur árum væri nú seld fyrir 35% af verði nýju tölvunnar. Þetta er
í góðu samræmi við það sem gerist í Bandaríkjunum. Eins og fyrr
segir er ekki um raunverulegan endursölumarkað að ræða fyrir notaðar
tölvur hér á landi. Tölvusölum bar þó saman um að algengast sé að
notaðar ET tölvur séu auglýstar í smáauglýsingadálkum DV. Lausleg
athugun gaf til kynna að daglega væru til jafnaðar 3,25 tölvur
auglýstar til sölu. Samkvæmt því eru nálægt 1000 ET tölvur aug-
lýstar til sölu í DV á ári. Þegar tekið er tillit til þess að oft þarf að
auglýsa hverja tölvu oftar en einu sinni má reikna með að á "DV
markaðinum" fyrir notaðar ET tölvur séu seldar 500 til 600 vélar á
ári. Við það bætast notuð tæki sem einstaklingar og fyrirtæki selja
milliliðalaust. Einnig þekkist að fyrirtæki og rikisstofnanir sem kaupa
nýjar tölvugerðir í stað eldri selji starfsmönnum sínum gömlu tækin á
afskrifuðu verði. Þegar allir þessir aðilar eru taldir saman má ætla að
600 - 800 notaðar ET tölvur séu seldar árlega. Áætlað söluverð þeirra
er 30 til 40 milljónir króna. Af þeim veltir DV bróðurpartinum eða 25
til 35 milljónum króna.
Endurbætur á tækjum
Það færist í vöxt að gamlar einmenningstölvur séu endurbættar á
ýmsan hátt. Algengt er að keyptir séu harðir diskar fyrir tölvur sem
seldar voru með einu eða tveimur disklingadrifum. Þá er segulminni
stækkað og hraðvirkari örgjörvar settir í tölvurnar. Einnig er skipt á
svart-hvítum skjám og litaskjám. Að sögn aðila sem þekkja til má
ætla að 100 til 200 gamlar tölvur séu "gerðar upp" á ári fyrir 5 til 7
milljónir króna. Mikið af hugbúnaði er fáanlegur fyrir tölvur af IBM
PC gerð. Gamlar tölvur halda því gildi sínu á meðan þær ráða við þau
forrit sem fáanleg eru. Gamlar einmenningstölvur hafa oft ekki nema
tvö disklingadrif. Til þess að unnt sé að varðveita nægilega mikið
magn upplýsinga þarf meira geymslurými. Eigandi tölvu getur með
litlum fyrirvara keypt 20 - 30 milljón stafa seguldisk og látið setja
hann í tölvuna fyrir lítið verð. Stærð segulminnis setur notendum
nokkrar skorður. Elstu gerðir tölvanna hafa lítið minni. Til þess að
unnt sé að nota nýjustu og bestu útgáfur af stöðluðum hugbúnaði þarf
að stækka segulminnið. Það er ekki mikið flóknari aðgerð en að bæta
við seguldiski. Ef auka þarf vinnsluhraða ET tölvu er unnt að skipta
um örgjörva. Segja má að gamla sagan um ættargripinn eigi við um
einmenningstölvur. Afi gamli átti öxi sem hann hafði fengið í arf frá
föður sínum. Gamli maðurinn skipti um skaft á öxinni áður en hann
afhenti syni sínum ættargripinn. Sonurinn setti á hana nýtt blað.
Þriðji ættliðurinn tók síðan við ættargripnum. Svipaða sögu má ef til
TÖLVUMÁL 15