Tölvumál - 01.12.1988, Blaðsíða 8

FRÁ FORMANNI:
Á aðalfundi Skýrslutæknifélagsins
í janúar n.k. verða nokkur umskipti
í stjórninni. Undirritaður, Lilja
Ólafsdóttir og Stefán Ingólfsson,
hafa ákveðið að gefa ekki kost á
sér til endurkjörs. Þau Lilja og
Stefán hafa bæði setið lengi í
stjórn SÍ og sett mikinn og já-
kvæðan svip á starf félagsins.
Enn um sinn mun þó félagið njóta
krafta og ritfærni Stefáns sem
ritstjóri Tölvumála. Þá hyggur hinn
ágæti framkvæmdastjóri okkar á
önnur mið, og er okkur öllum
mikil eftirsjá í henni eftir frábær-
lega vel unnin störf.
Nú gætu menn freistast til að álykta útfrá þessu, að einhver misklíð
sé á ferðinni, eða að stjórnarseta sé svo erfið eða jafnvel leiðinleg að
fólk hrökklist frá félaginu.
Ekkert af þessu er þó tilfellið, heldur öðru nær. Mér hefur a.m.k.
fundist samkomulag í stjórninni og í félaginu í heild gott, og stjórnar-
setan mjög skemmtileg og gefandi.
Þetta segi ég ekki síst í þeim tilgangi að hvetja félagsmenn til að
gefa kost á sér í næstu stjórn. Helst óska ég þess fyrir hönd félagsins
að sjá 2-3 í framboði um hvert stjórnarsæti og fjöruga atkvæðagreiðslu
á fjölmennum aðalfundi. Ég þykist nefnilega viss um að falleraðir
kandídatar muni ekki fyrtast við. Viss samkeppni af þessu tagi mun
hins vegar lífga upp á félagið og auka áhuga félagsmanna á starfsem-
inni.
En hvernig starfar stjórnin? Nú er það eflaust mjög mismunandi, en
núverandi stjórn hefur fundað í hádegi, stundum allt að vikulega, en
oftast þó sjaldnar. Sum mál eru unnin sameiginlega, en í öðrum skipta
menn verkum og vinna nokkuð sjálfstætt í samvinnu við framkvæmda-
stjóra. Sem dæmi um hið síðarnefnda má nefna undirbúning funda,
ráðstefna og annarrar félagsstarfsemi, sem stjórnin hefur ákveðið að
standa að. Af slíkum viðburðum á undanförnu ári, má nefna ráðstefn-
8 TÖLVUMÁL