Tölvumál - 01.10.1989, Blaðsíða 15
Netkerfi þessi hafa verið í notkun
frá því í september og hafa reynst
mjög áreiðanleg. Varla kemur fyrir
að netið eða vélar á þvífrjósi, og ef
það gerist tekur ræsing aðeins 2-3
mínútur.
Tölvumál október 1989
Uppsetning netkerfis
Það var ekki þrautalaust að finna
lausn sem gat komið til móts við
allar þessar þarfir, enda voru margir
aðilar til kallaðir við þá leit. S.l. vor
voru gerðar margvísiegar tilraunir
sem að lokum leiddu til þeirrar
lausnar sem varð fyrir valinu og hér
verður lýst.
Sett var upp Token-Ring net í
skrifstofuálmuna, og var það net
tengt við Token-Ring netið í PS/2
tölvuslofunni. Þar með var einnig
lagður grunnur að netvæðingu alls
skólans, því Token-Ring netið nær
nú um alla bygginguna.
Við uppsetninguna var notuð
hönnun IBM kapalkerfisins og er
hægur vandi að bæta við kerfið.
Til að tengjast RSN netinu í gömlu
tölvustofunum var sett upp
svokölluð brú á milli Token-Ring
netsins og RSN netsins. Þar með var
gert mögulegt að tengjast Novell
netstjórunum frá vélum á Token-
Ring netinu rétt eins og frá vélum á
RSN netinu. Er uppsetningin nú
þannig, að þegar vélar dagskóla-
kennara eru ræstar, tengjast þær
sjálfkrafa við netið, kennari skráir
sig inn, og hefur þar með aðgang að
öllum hugbúnaði skólans og
geymsluplássi á diski.
Kennarar Tölvuháskólans geta
einnig tengst Novell netinu og AS/
400 vélinni auk OS/2 netinu á
einfaldan hátt. Þessi uppsetning
hefur uppfyllt flestar þarfir, og
reynst vel.
Þótt Novell Netware sé líklega einn
öflugasti nethugbúnaður í heimi,
kom fram eitt vandamál, sem hann
réð ekki við, en það er prentun án
þess að prentarinn sé tengdur við
netstjórann. Novell gerir nefnilega
ráð fyrir að allir prentarar séu
tengdir við netstjóra, en þar sem
ætlunin var að nota netstjóra í
tölvustofu í öðrum enda hússins var
það mjög óhentugt. Lausnin fólst í
notkun á forriti frá Brightwork, PS-
PRINT, en það gerir kleift að gera
hvaða PC vél sem er á netinu að
prentarastjóra, og stýra prentun á
þeim prentara. Hafa nú þegar verið
settir upp tveir prentarar með þessu
forriti, annar fyrir kennara
Tölvuháskólans og hinn fyrir
skrifstofu og kennara dagskólans.
Einnig var tengdur plotter við netið
sem kennarar Tölvuháskólans geta
notað. Þessi uppseming hefur virkað
mjög vel og geta starfsmenn skólans
nú sent prentun sína á “laser”
prentara eftir þörfum.
Tenging hinna þriggja tölvustofa
við AS/400 vélina var næsta skrefið.
Eiginleg tenging milli RSN og
Token-Ring er ekki til, og eina
lausnin sem fannst var notkun
gáttar. Sett var spjald í eina PC vél
og virkar hún nú sem gáttarstjóri,
sem leyfir 6 öðrum tölvum að
tengjast í gegnum RSN netið um
gáttina inn á AS/400. Sett voru
spjöld í 4 vélar, þannig að tengja má
heila stofu, alls 28 vélar, við AS/
400 vélina.
Netkerfi þessi hafa verið í notkun
frá því í september og hafa reynst
mjög áreiðanleg. Varla kemur fyrir
að netið eða vélar á því frjósi, og ef
það gerist tekur ræsing aðeins 2-3
mínútur.
Það er von mín að einhverjir
lesendur hafí fundið fróðleik í
þessari stuttu grein, sem þeir geti
hagnýtt sér við uppsetningu
netkerfa annars staðar. Þeir sem
óska eftir nánari upplýsingum
eða langar til að skoða netkerfi V.f.
geta haft samband við
greinarhöfund hjá Verzlunarskóla
íslands, sími 688400, sem er fús til
að sýna félagsmönnum
Skýrslutæknifélagsins búnað
skólans.
15