Tölvumál - 01.06.1993, Blaðsíða 13

Tölvumál - 01.06.1993, Blaðsíða 13
Júní 1993 Sýndarveruleiki Hannes Högni Vilhjálmsson, tölvunarfræðinemi við Háskóla Islands Draumurinn ímyndaðu þér að löngum vinnu- degi sé lokið og fyrir framan þig flökti línuteikning af nýju lista- safni á tölvuskjá. Undanfarnar vikur hafa farið í að gera teikn- ingar í fullkomnu CAD kerfi, en nú er ekki annað eftir en að prenta þær út og leggja fyrir byggingar- nefnd. Götuljósin speglast í pollum á regnvotri gangstéttinni og rautt neonskilti varpar dulúðlegum bjarma á framhlið glæsilegrar byggingar skammt frá. Þunnar glerhurðir undir skiltinu víkja til hliðar með lágu suði og fyrir innan blasir við stórfenglegur salur, baðaður í þægilegri birtu frá ótal litlum ljóskösturum. Gos- brunnur þey tir glitrandi vatnssúlu gegnum framúrstefnulega högg- mynd úr grjóti og á veggjum hanga litrík verk milli stílfagurra súlna. Hratt fótatak nálgast og safnstjórinn sjálfur kemur aðvíf- andi, þungur á brún. Þó að hann sé mjög ánægður með bygg- inguna í heild, þykir honum sem stiginn upp á aðra hæð skyggi á nokkur málverk. Þegar aðstæður eru skoðaðar nánar kemur í ljós að flytja þarf stigann aðeins fjær veggnum. Við létta snertingu líður hann hljóðlaust á nýjan stað og safnstjórinn kinkar ánægður kolli. Snöggur hvinur berst frá stórum geislaprentara við hliðina á skrif- borðinu. Hvílíkur draumur! Þú hlýtur að hafa dottað meðan prentarinn var að festa teikning- arnar á pappír. Síðasta síðan bætist við bunka af volgum ný- prentuðum blöðum og þú slekkur á tölvunni. Þegar þú grípur bunkann verður þér starsýnt á efstu síðuna því stiginn upp á aðra hæð hefur greinilega hliðrast! Sýndarveruleiki Tölvur geta varðveitt óhemju- magn upplýsinga, til dæmis um útlit og eiginleika bygginga, hæðalínur landslags, uppbygg- ingu mannslíkamans eða sam- setningu flókinna efna. Það væri stórkostlegt að geta stokkið inn í miðja tölvuteikningu og með- höndlað gögnin eins og um Notendaumhverfi kallast sýndar- veruleiki (Virtual Reality) þegar gögn frá tölvu leika á skynfæri notandans og telja honum trú um að hann sé staddur í öðrum heimi. Útfærsla á þessu er nýtt og spenn- andi svið sem spannar margar greinar tækni og vísinda. Hvað þarf til að fólki finnist það statt í annarri veröld? Algengt er að tala um þrjú stig sýndarveruleika. Á fyrsta stigi er notandinn einungis áhrifalaus áhorfandi. Á öðru stigi er honum frjálst að ferðast um sýndar- veröldina og kanna umhverfið. Mynd 1. Ein útfœrsla sýndarveruleikabúnaðarins. Notandinn hefur höfuðbúnað með heyrnartólum, víðóma skjá (mismunandi sjónarhorn milli augnanna skapar þrívídd) og hljóðnema sem tekur við skipunum. Þegar notandinn hreyfir höfuðið breytist sjónarhorn hans og með hanskanum getur hann haft áhrif á þann veruleika sem hann upplifir. raunveruleg fyrirbæri væri að ræða. Þá fengi maður tilfinningu fyrir viðfangsefninu og stirð notendaskil eins og lyklaborð og mús væru ekki lengur að þvælast fyrir. Á þriðja og síðasta stiginu getur notandinn haft áhrif á heiminn, mótað hann eða breytt rás atburða. Fullkominn búnaður sýndarveruleika þarf að taka á öllum þessum þáttum, umhverfi, staðsetningu og athöfnum. 13 - Tölvumál

x

Tölvumál

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tölvumál
https://timarit.is/publication/239

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.