Vísir - 04.06.1965, Blaðsíða 16
VISIR
Föstudagur 4. júní 1965.
FECURDARSAMKCPPNIN
Þátttakendur í fegurðarsamkeppninni hafa raðað sér upp á sviðið. Frá vinstrl: Herta Ámadóttir, Guðný Guðjónsdóttir, Sigrún Vignis,
Jóhanna Ósk Sigurðardóttir og Bára Magnúsdóttir. ' ■ ”ú-‘ ri-i'r.
Urslitin
í kvöld
í gærkvöldi fór fram fyrri
hluti fegurðarsamkeppninnar í
Súlnasal Hótel Sögu, Kjömar
voru ungfrú ísland 1965 og ung
frú Reykjavík 1965. Úrslitin
verða kunngerð í kvöld og krýn
ir þá Rósa Einarsdóttir fegurð
ardrottningamar.
Að þessu sinni tóku fimm
stúlkur þátt f keppninni og
komu þær fram í þessari röð:
Bára Magnúsdóttir, Jóhanna
Ósk Sigurðardóttir, Sigrún
Vignis, Guðný Guðjónsdóttir,
og Herta Ámadóttir.
Komu stúlkurnar fyrst fram
í kjólum en síðar um kvöldið
birtust þær í baðfötum.
Dómnefnd Fegurðarsam-
keppninnar skipuðu: Jón Eiríks-
son læknir, formaður, Sigríður
Gunnarsdóttir, framkvæmda-
stjóri Fegurðarsamkeppninnar,
Brian Holt starfsmaður brezka
sendiráðsins, Guðmundur Karls
Framh. á bls. 6.
Handleggshrotnaði
Vinnuslys varð við Reykjavíkur-
höfn f gærdag, um hálffimmleytið
e. h.
Sextán ára gamall piltur, Ómar
Skúlason, Mosgerði 16, sem var
að vinna við m.s. Langá, slasaðist
og var fluttur í slysavarðstofuna.
1 ljós kom að hann hafði hand-
leggsbrotnað.
Hundur ræðst
Óður hundur réðist á lömb á
Bústaðabletti f gær og var búinn
að drepa tvö þegar lögreglan skarst
í leikinn og greip hundinn.
Maður sem sá aðfarir hundsins
um 'hálftvöleytið e. h. í gær gerði
lögreglunni aðvart og sendi hún
strax menn á síaðinn. Þá var hund-
urinn búinn að drepa tvö lömb.
Lögreglan tók hundinn í vörzlu
sína, og þar sem hundahald er ó-
heimilt innan marka borgarinnar,
þarf varla að efa að hundurinn
verður drepinn.
Á AÐ KVIKM YNDA NJÁLSSÖGU?
í danska blaðinu B. T. er
frétt um það, að næsta sum-
ar eigi að kvikmynda Njálssögu
og að Benedikt Árnason og
Erik Balling muni að mestu
leyti bera veg og vanda af mynd
inni. Erik Balling muni stjórna
töku myndarinnar, en Benedikt
munj leika og hafi skrifað hand
rit að myndinni. í fréttinni seg
ir að íslenzkt, danskt og þýzkt
fjármagn muni standa að mynd
inni. Prógram II þýzka sjón-
varpsins muni fá myndina til
sýningar og að myndin verði
tekin hér á landi næsta sumar.
í blaðinu er stutt spjall við
Benedikt, sem var staddur á
námskeiði leikstjóra í Odense.
Eftir Benedikt er m. a. haft:
Hollywood hefði getað fengið
stórkostlegt efni úr Njálssögu í
litum, á breiðtjaldi og með hóp
sýningum. Ég held að samvinna
okkar muni verða til þess að
æsingalaus og heiðarleg túlk-
un muni fást, sem gæti sýnt
nútímafólki stríð og erjur í
hinni gömlu íslenzku menn-
ingu.
Vísir sneri sér til Guðlaugs
Rósínkranz þjóðleikhússtjóra
í gær og spurði hann hvort
Edda-film hefði nokkuð með
þetta að gera á þessu stigi máls
ins. — Ég hef ekkert heyrt um
þetta fyrr en útvarpið hringdi
í mig i gær og sagði mér frá
þessari frétt í B. T. Það hefur
lengi staðið til að gera mynd
um Njálssögu og hefur Edda-
film staðið í bréfaskriftum við
Nordisk Film Kompani nú um
Iangan tíma, en ekkert bréf
hefur borizt frá því fyrirtæki
nú í langan tíma. Ætlunin var
að N. F. K. útvegaði fé í mynd-
ina m. a. frá Þýzkalandi og
hafði ég heyrt að BaJIing hefði
verið búinn að semja við V-
þýzka sjónvarpið um lánsfé
gegn því að það fengi að sýna
myndina. Annars hefur ekki
verið meira ákveðið með að
kvikmynda Njálssögu en Út-
nesjamenn, en kvikmyndahand-
rit liggur hjá félagi í London og
Stokkhólmi og hefur verið
þar lengi án þess að neitt
ákveðið svar hafi borizt. Þeir
eru lengi að vinna úr öllum
þeim handritum sem berast.
Vísir hafði einnig samband
við eiginkonu Benedikts Áma-
sonar, Völu Kristjánsson, en
eins og áður er sagt er Bene-
dikt erlendis. Vala sagðist ekk-
ert hafa heyrt um þetta fyrr
en blaðamaður Vísis las fyrir
hana fréttina úr B. T. — Um
fréttina sagði hún: „Æ þér vit
ið hvernig B. T. slær öllu upp.
Reglubundið útsýnis-
flug hefst um helgina
Flugfélag íslands hefur á sunnu-
daglnn kemur útsýnisflug um land
ið með hinni nýju Fokker Friend-
ship flugvél Blikfaxa. Verður farið
á sunnudagsmorgun kl. 10 og kom
ið aftur um hádegi. Blikfaxi er
sérlega vel fallinn til útsýnisfiugs,
þar sem gluggar hans eru óvenju
stórir og vængurinn er ofan á bol
flugvélarinnar og skyggir ekki á
útsýni.
Um tvær leiðir er að velja 1 út-
sýnisflugferðunum og veður látið
ráða, hvor leiðin verður farin
hverju sinni. Björn Þorsteinsson
sagnfræðingur hefur skrifað bækl-
inga um flugleiðirnar og verður
hann leiðsögumaður í ferðunum.
Syðri leiðin liggur frá Reykja
vík um Surtsey, Vestmannaeyjar,
Heklu, Landmannalaugar, yfir
Skaftáreldahraun að Arnarfelli og
Hofsjökli og þaðan suðvestur um
Hvftárvatn, yfir Gullfoss og til
Reykjavíkur.
Nyðri leiðin liggur frá Reykja-
vík norðvestur yfir Snæfellsjökul
að Bjargtöngum og þaðan norður
að Hornbjargi og sfðan suðaustur
með Ströndum að Gjögri og yfir
Hólmavík. Þaðan yfir Breiðafjörð
og inn yfir Borgarfjörð hjá Baulu,
en þaðan verður tekin stefna á
Skjaldbreið og flogið yfir Þingvelli
og til Reykjavíkur.
Fjölmennt á Snæfelknesið
i
Snæfellsnesið virðist vinsælasti
áfangi ferðamanna um hvítasunn-
una og þangað fer hver stór hópur
inn á fætur öðrum fyrir utan ein-
stakiinga og smáhópa.
Ferðafélag íslands reið á vaðið
með ferðalög á Snæfellsnes og Snæ
fellsjökul um hvítasunnuna. Hefur
það efnt til ferða þangað á hverju
einasta vori um 30—40 ára skeið,
fyrst á skipum og eftir að bílvegir
kpmu var ferðazt þangað á bifreið-
um. Skipta þeir orðið þúsundum
sem farið hafa með Ferða-
félaginu vestur á Snæfellsnes um
hvítasunnuna.
En auk Ferðafélagsins efna marg
ir aðrir til ferða vestur á Snæfells
nes um rfæstu helgi þ. á m. má
geta Guðmundar Jónassonar, Úlf-
ars Jacobsen og Litla ferðaklúbbs-
ins, sem allir efna til hópferða
þangað vestur um helgina og að
því er Vísir hefur fregnað er þátt-
taka mikil hjá flestum þeirra. Sum
ir hóparnir, m. a. Ferðafélagið
munu ætla að ganga á jökulinn
ef verður og skyggni leyfa, en aðr
ir, þ. á m. Úlfar Jacobsen og Litli
ferðaklúbburinn munu leigja báta
og fara frá Stykkishólmi út f
Breiðafjarðareyjar.
Þá hefur Vísir ennfremur fregn
að að bæði félög og starfshópar
muni efna til ferða út á Snæfells
nes um helgina og þ. á m. er Sjálf
stæðisfélagið í Kópavogi.
Bæði Ferðafélagið og Farfuglar
efna til hópferða í Þórsmörk og
Ferðafélagið auk þess til fyrstu
ferðar sinnar í ár í Landmanna-
laugar, en þangað hefur ekki verið
fært til þessa.