Vísir - 09.05.1968, Side 5

VÍSIR . Fimmtudagur 9. maí 1968.
aðaleinkermi vortizkunnar — áhrif frá
hippium og Austurlandadýrkendum
Vorstúlka frá ensku tízkudrottningunni Mary Quant í stutt-
um kjól með blúndum og tvöföldum púffermum. Takið eftir
sokkabandinu sem hún er með rétt neðan við kjólfaldinn.
Garbo-hattur og hálf-háir hanzkar fylgja og rós prýðir
mjaðmabeltið.
Jjó að stærstu tízkuhús heims
séu fyrir nokkru búin að
haida vorsýningar sínar og boða
þar með tízkuna fyrir sumarið,
er stöðugt verið að halda tízku-
sýningar um allan heim. Sýn-
ingar á sérstökum fatategund-
um, svð sem baðfötum, sport-
fötum o. fl. fyrir sumarið, eru
haldnar af og til og minni tízku-
hús halda nýstárlegar sýnin'gar,
sem margar hafa vakið mikla
athygli. Tízkufréttaritarar er-
lendra blaða segja, að það sé
langt síðan tízkuhús heimsins
hafa boðið upp á aðra eins fjöl-
breytni og í ár. Ekki aðeins af
þv£ að þeim getur ekki komið
saman um hvar pilsfaldurinn
skuli vera, þó að ljóst sé, aö
stutta tízkan ætli að hafa yf-
irhöndina í sumar, heldur af
því að fram hafa komið ótrú-
legustu stefnur í fatatízku.
,,Biómatízkan“ svokallaða,
sem hingað til hefur þótt til-
heyra hippíum, er nú orðin út-
breidd meðal tízkukvenna um
allan heim. Að vísu ekki í sama
formi og hjá hippíunum. Þeir
eru flestir mjög ósnyrtilegir, en
leggja allt upp úr litum' og
hvers kyns „náttúru“-skrauti,
svo sem blómum, skeljum, perl-
um o. fl. Hippíamir voru fyrstir
til að taka einkennisbúningana
upp á sína arma, og nú má sjá
óteljandi útgáfur af frökkum,
drögtum og kjólum í öllum er-
lendum tízkublöðum, sem minna
mjög mikiö á einkennisbúninga,
t. d. hermannafrakka.
í kjölfar blómatlzkunnar
fylgir „austurlandadýrkunin",
sem vafalaust á einhverjar ræt-
ur að rekja til Austurlandaferða
lags Bítlanna frægu. Hippíar og
fylgismenn beirra eru um þess-
ar mundir margir hverjir á kafi
í fornum trúarbrögðum, og leita
mjög til Indlands eftir frekari
andlegum áhrifum. Má nú sjá
áhrif frá Indlandi og ýmsum
fjarlægum þjóðum, t. d. Afríku
og Arabíu, á tízkusýningum,
einkum þar sem samkvæmis-
klæönaður er sýndur. Indversk-
ir kyrtlar og „sari“ (þjóðbún-
ingur indverskra kvenna) njóta
mikilla vinsælda sem samkvæm
isklæðnaður, afríkanskar strúts-
fjaðrir og arabískir túrbanhatt-
ar eru gjarna notuö með sam-
kvæmisklæðnaði.
Þrátt fyrir alla þessa skraut-
legu tízku á hin einfalda og
kvenlega tízka stöðugt mestu
fylgi að fagna. Hún hefur að
vlsu notfært sér ýmsar nýjung-
ar blómatízkunnar og Austur-
landatízkunnar, en á mjög fág-
aðan og einfaldan hátt. Hún er
aldrei yfirdrifin, þó að flestum
finnist hún dálítiö djörf til að
byrja með, enda er alltaf svo
um tízkunýjungar. Garbo-hatt-
arnir eru vissulega kvenlegir
og pinfaldir, þó aö ennþá snú-
um við okkur flest viö á göt-
unni, e við sjáum stúlku með
slíkan hatt. Andlitsförðunin er
líka dálítiö ólík því sem við
höfum átt að venjast, hár-
greiðslan er kvenleg og mest
lagt upp úr sem flestum liðum
og lokkum.
Jplestir tízkufrömuðir, hvaða
stefnu sem þeir kunna að
fylgja, leita nú að gömlum tízku
einkennum til að prýða sýning-
arstúlkurnar, og draga fram I
dagsljósiö. Einna mesta athygli
hafa gömh' „can-can“ sokka-
böndin vakiö, en þau sjást nú í
ýmsum tilbrigðum notuð utan
yfir sokkabuxur og látin nema
rétt neðan við kjólfaldinn. Hin
fræga enska tízkudrottning,
Mary Quant, hefur komið fram
með óteljandi gerðir af slíkum
sokkaböndum, blúndubönd með
mislitum borðum þræddum f
gegnum til að nota við fíngerða
bjúndukjóla, slétt bönd með
slaufum til að nota við pils og
peysu og rósótt bönd við smá-
rósóttu púfferma kjólana.
Dökkblái liturinn er mjög á-
berandi I tfzkuklæðnaði sem
stendur, og íslenzku fánalitim-
ir, blátt, rautt og hvltt virðast
ætla að verða litir sumarsins.
Mildir Ijósbrúnir litir og karry-
gulir eru vinsælir á drögtum
og kápum, en langflestir kjólar
eru nú smárósóttir eða smá-
mynstraðir. Ermarnar eru I flest
um tilfellum undir áhrifum frá
gamalli tfzku, púff-ermar, jafn-
vel tvöfaldar og þrefaldar, eru
mjög áberandi. Við þessa kjóla
eru gjarna notaðir háir hanzk-
ar, langar slæður og beltin eru
ýnjist breið og £ mittinu eða
mjá á mjöðmum.
Gömlu gerviblómin, sem mæð-
ur okkar skrýddu samkvæmis-
kjólana sína með fyrir nokkr-
um áratugum, eru líka að koma
fram I dagsljósið aftur og prýða
þau nú hálsmálið, beltið eða
jafnvel vasalokin á sumarkjól-
unum.
Mislitu sokkamir eru á und-
anhaldi, enda ónothæfir við
marglita kjóla, en I stað þeirra
er farið að framleiða sokka I
ýmsum ljósum litum, svo sem
ljósgræna, ljósgráa, ljósgula og
ljósbláa og eru þeir notaðir
við mislita kjóla og þá hafðir
I sama lit og aðalliturinn I kjóln
um. Skórnir hafa hins vegar
tekið litlum breytingum síðustu
mánuðina, lágir og breiðir Hæl-
ar virðast vera of þægilegir til
að þeir fari úr tízku á næst-
unni.
i
i
i
i
Auglýsing
Sveitarstjómirnar í Reykjavík, Hafnarfirði,
Kópavogi, Garðahreppi og Seltjarnarnes-
hreppi hafa samþykkt að nota heimild í 2.
málsl. síðustu málsgr. 31. gr. laga nr. 51 10.
júní 1964, um tekjustofna sveitarfélaga, sbr.
breyting frá 10. apríl 1968.
Samkvæmt þessu verða útsvör þessa árs því
aðeins dregin frá hreinum tekjum við álagn-
ingu útsvara á árinu 1969 í áðurnefndum ‘
sveitarfélögum, að gerð hafi verið full skil
á fyrirframgreiðslu eigi síðar en 31. júlí í ár
og útsvör ársins einnig að fullu greidd fyrir
n. k. áramót. Sé eigi staðið í skilum með fyrir-
framgreiðslur samkv. framansögðu, en full
skil þó gerð á útsvörum fyrir áramót á gjald-
andi aðeins rétt á frádrætti á helming út-
svarsins við álagningu á næsta ári. Þá skal
vakin athygli á því, að þar sem innheimta
gjalda til ríkis og sveitarfélaga er sameigin-
leg (sbr. lög nr. 68 frá 1962) er það enn frem-
ur skilyrði þess, að útsvör verði dregin frá
tekjum við álagningu, að öll gjaldfallin opin-
ber gjöld, sem hin sameiginlega innheimta
tekur til, séu að fullu greidd fyrir ofangreind
tímamörk.
8. maí 1968.
Borgarstjórinn í Reykjavík
Bæjarstjórinn í Hafnarfirði
Bæjarstjórinn í Kópavogi
Sveitarstjórinn í Garðahreppi
Sveitarstjórinn í Seltjarnarneshreppi.
Vinnuskóli Kópavogs
Vinnuskóli Kópavogs (unglingavinna) tekur
til starfa um mánaðamótin maí—júní n. k. og
starfar til ágústloka. í skólann verða teknir
unglingar fæddir 1952, 1953 og 1954. Um-
sóknum veitt móttaka og upplýsingar gefnar
í síma 41866 í Æskulýðsheimili Kópavogs,
Álfhólsvegi 32 kl. 5—7 e. h. föstudag, kl. 10—
12 f. h. laugardag, kl. 5—7 e. h. mánudag og
þriðjudag n. k.
Unglingavinnunefnd.
BORGARSPIT ALINN
Hjúkrunarkonur
Hjúkrunarkonur vantar að Geð- og taugar
deild Borgarspítalans frá 1. júní n. k.
Upplýsingar gefur forstöðukona spítalans í
síma 81200.
Reykjavík, 8. 5. 1968.
Sjúkrahúsnefnd Reykjavíkur.