Dagur - 18.10.1997, Blaðsíða 10

10- LAUGARDAGUR 18. OKTÓBER 1997
ro^tr
BORGARSTJÓRINN í REYKJAVÍK
Auglýsing
um fyrirkomulag leyfisveitinga til veitin-
gareksturs og vínveitinga í Reykjavík.
Á fundi borgarráðs þann 7. október sl. var gerð
eftirfarandi samþykkt:
Á vegum Reykjavíkurborgar er nú unnið að þróun-
aráætlun fyrir miðborgina.
Gert er ráð fyrir að þeirri vinnu ljúki um næstu
áramót og í kjölfar þess verði hægt að taka heild-
stæðar á málefnum miðbæjarins en gert hefur verið
til þessa. í framhaldi af því er nauðsynlegt að fyrir
liggi samþykkt stefnumótun opnunartíma veitinga-
húsa og afgreiðslu umsókna um leyfi til veitingar-
eksturs og vínveitinga.
Út frá jafnræðissjónarmiðum telur borgarráð
rétt að gefa húseigendum og rekstraraðilum
ákveðinn aðlögunartíma og mun því ekki mæla
með veitingu nýrra leyfa meðan unnið verður að
stefnumótuninni eða frá 1. janúar n.k. og þar til
að hún hefur verið samþykkt af borgarráði.
Umsóknir sem berast borgarráði til 31. desember
n.k. verði afgreiddar með hefðbundum hætti.
Reykjavík, 15. október 1997
Borgarstjórinn í Reykjavík
Kosningar
Kosningar um sameiningu Staðarhrepps,
Fremri-Torfustaðahrepps,
Ytri-Torfustaðahrepps,
Hvammstangahrepps,
Kirkjuhvammshrepps,
Þverárhrepps og Þorkelshólshrepps
í
Vestur-Húnavatnssýslu
Kosið verður um sameiningu allra sveitarfélaga í
Vestur-Húnavatnssýslu laugardaginn 29. nóvember
1997. Á kjörskrá skulu þeir vera sem eru með lög-
heimili samkvæmt þjóðskrá í viðkomandi sveitarfélagi
í Vestur-Húnavatnssýslu, fimm vikum fyrir kjördag
sbr. 19. gr. I. nr. 8/1986.
Kjörskrár munu liggja frammi á skrifstofum hrepp-
anna eða hjá oddvitum, nema annað verði auglýst,
eigi síðar en 18. nóvember 1997.
Vegna þessara kosninga mun utankjörfundarat-
kvæðagreiðsla hefjast föstudaginn 31. október 1997
og Ijúka 29. nóvember 1997.
Hægt er að kjósa utan kjörfundar á skrifstofum sýslu-
manna og umboðsmanna þeirra um land allt.
Þeir sem samþykkja tillöguna skrifa „Já“ á atkvæða-
seðilinn, en þeir sem ekki samþykkja tillöguna skrifi
„Nei“ á atkvæðaseðilinn.
Framkvæmd um sameiningu sveitarfélaga í
Vestur-Húnavatnssýslu.
BELTIN

IUMFERÐAR
RÁÐ
ÞJÓÐMÁL
Jarðarfor rafsegul-
sviðs í lifandi verum
EINAR
ÞORSTEINN
ÁSGEIRSSON
HÖFUNDUR
BÓKARINNAR
LÍFSSPURSMÁL
\ &5iL— SKRIFAR
Laugardaginn 18. október stend-
ur Landlæknisembættið að jarð-
arför rafsegulsviðs í lifandi ver-
um á ráðstefnu í Norræna hús-
inu. Dánarvottorðið hefur þegar
verið gefið út. Athöfnin hefst
klukkan tvö og eru allir velkomn-
ir.
Undirritaður er einn af þeim
sem Olafur E., landlæknir, bauð
að Ijalla um þetta málefni þar,
með þeim orðum að þetta væri
auðvitað „tómt rugl“. Olafur hef-
ur ennfremur lýst því yfir í blaða-
grein að þeir sem halda því fram
að rafmagn geti haft slæm áhrif
á lifandi verur séu „Iygarar11. Sá
virðulegi embættismaður og full-
trúi Iæknisfræðivísindanna kall-
ar okkur í þessum hópi, þar að
auki óvísindalega „pinnamenn", í
sannfæringarkrafti sinnar hrein-
trúar.
Hreintrúar... en ekki
vísindalegrar hugsunar
Það er vonandi ekki of seint að
benda Olafi E. á það að jarða
nálastunguaðferðina í leiðinni?
Það sparar ríkinu að taka aðra
gröf á kostnað skattpeninga al-
mennings. - En vel á minnst, það
var einmitt frændi minn, hann
Gísli á „Elló“ sem kom með
fyrsta nálastungulækninn frá
Þýskalandi kringum 1957, eða
fyrir fjörutíu árum. En þeir sem
létu hann meðhöndla sig þá,
voru dæmdir geðveikir af lækna-
stéttinni hér. Nema hvað, þessir
Kínveijar hafa bara notað þessa
aðferð í þrjú þúsund ár og það án
niðurgreiðslu ríkisins þar. Það
kann ekki góðri lukku að stýra.
En þar sem undirritaður er
sem sé í þeim hópi sem telja
sjúklinginn sem nú á að veita ná-
bjargirnar, samt enn við góða
heilsu. Og eigi ennfremur langa
lífdaga fyrir höndum, þá er ekki
úr vegi að hvetja almenning til
að fylgjast vel með þessari skipu-
lögðu útför. Okkar hópur vill alla
vega frábiðja sér ein læknamis-
tökin í viðbót.
Ut í hinum stóra heimi er til
heil vísindagrein, ung að árum
þó, sem kennir sig við rafsegul-
svið í lifandi verum. Forsvars-
menn hennar hafa verið til-
nefndir tvlsvar við Nóbelsverð-
launa. „Því að rafsegulsvið er
gunnurinn undir öllum ferlum
mannslíkamans, þar á meðal
efnaskipta hans“, segja þeir. Þeir
Út í hiniun stóra
heimi er til heil vís-
mdagrein, sem kenn-
ir sig við rafsegulsvið
í lifandi verum. For-
svarsmenn hennar
hafa verið tilnefndir
tvisvar við Nóbels-
verðlauna.
eru ennfremur búnir að upp-
götva annað boðkerfi innan
mannslíkamans við hliðina á
taugunum. Það boðkerfi byggist
á jafnstraumi. Og þar með er
ljóst að rafmagn getur ekki að-
eins valdið skaða í mannslíkam-
anum heldur má nota það til
lækninga! Og það er gert í dag
annars staðar í heiminum. Er
engin ástæða til að kynna sér
það, þér andans menn og konur?
Sú staðreynd að heill hópur
fólks hér á Iandi sem kennir sig
þó við vísindi, veit þetta ekki,
það er óráðin gáta. - En svo seg-
ir mér þó hugur, og það er vita-
skuld byggt á sjálfsmenntun,
brjóstviti og miklum bókalestri
en ekki háskólagráðu á sviði líf-
fræðilegrar tilveru mannsins, að
sá tími komi að landlæknisemb-
ættið íslenska, þurfi að endur-
lífga „náinn", sem nú skal jarð-
settur með illu eða góðu. Og þá
er bara spurningin hvort það
embætti sé þess umkomið að
gera slíkt kraftaverk?
íslenskir borgarar í þéttbýli
hafa á síðustu árum fengið yfir
sig nýtt regn af rafsegulbylgjum,
örbylgjum og öðru álíka góðgæti
í vaxandi mæli. Og það gagnrýn-
islaust. Fylgifiska nýjustu tækni
og vísinda. Bændur þessa lands
eru dæmdir réttlausir gagnvart
rafsegulinngripi á eigin jörðum
sínum. Þeir tapa sannanlega
stórfé með gripadauða. En kerfið
hefur tekið höndum saman um
að fría sig allri ábyrgð á auka-
verkunum tæknibyltingarinnar,
sem nú eru smátt og smátt að
koma í ljós.
I stað þeirra vísindalegu
vinnubragða að kynna sér grunn
málsins og gera viðhlítandi ráð-
stafanir. Og þar á eftir jafnvel að
hagnast á því að vera á undan
öðrum þjóðum með að beita
lækningum sem á þessari nýju
lífrafsegulfræði byggjast. Þá skal
beita skammtíma ijárhagssjónar-
miðum, sem kemur þjóðarheild-
inni aftast í biðröðina sem leiðir
til framþróunar.
Þá skal ennfremur leysa málið
með jarðarför og reynt að „kvik-
setja" vel frískan sjúkling. - Ut-
förin verður gerð í Norræna hús-
inu þann 18. október. Blóm og
kransar afþakkaðir...
i Útboð
F. h. Gatnamálastjórans í Reykjavík er óskað eftir tilboðum í verkið:
„Staðahverfi - Leiruvogsræsi. Jarðvinna og lagnir“.
Helstu magntölur eru:
600 mm ræsi 43 m
500 mm ræsi 1.224 m
300 mm ræsi 20 m
Brunnar 21 stk.
Verkinu skal lokið fyrir 1. júní 1998.
Útboðsgögn verða afhent á skrifstofu vorri frá og með þriðjud.
21. október nk. gegn 10.000 kr. skilatryggingu. Opnun tilboða: Kl. 11
þriðjud. 28. október 1997 á sama stað.
INNKAUPASTOFNUN
REYKJAVÍKURBORGAR
Frfkirkjuvegi 3 - Pósthólf 878 «121 Reykjavík
Sími 552 5800 Bréfsími 562 2620