Dagur - 28.10.1997, Qupperneq 4

4- ÞRIÐJUDAGUR 2 8 . OKTÓBER 1997
Dagur
FRÉTTIR
L J
Frá Neskaupstað.
Höfninni mörkuð umhverfisstefna
Hafnarnefnd Neskaupstaðar hefur samþykkt að veita 150 þúsund
krónum til „Neistaflugs ‘97“, útihátíðar sem fram fór um verslunar-
mannahelgina. Hafnarnefnd hefur samþykkt umsókn Gerpis um
uppsetningu á auglýsingaskilti við höfnina. Á skiltinu verða upplýs-
ingar um störf og rekstur björgunarskips Austfirðinga ásamt upplýs-
ingum um þá sem styrkja starfsemina.
Miklar framkvæmdir eiga sér stað við höfnina, m.a. gerð gámavall-
ar sem er 7.000 m2 að stærð og rúmar allt að 200 gáma. Ljóst er þó
að framkvæmdin verður mun kostnaðarsamari en gert var ráð fyrir.
Verið er að færa aðalvatnsæðina í bænum og miklar framkvæmdir í
gangi umhverfis frystihúsið og bræðsluna. Bæjarstjóri, Guðmundur
Bjarnason, skýrði frá því að nauðsyn bæri til að mörkuð yrði stefna í
umhverfisrriálum hafnarinnar. Borið hafi á mengun frá bræðslunni og
skipum. Samþykkt að skrifa stjórn Síldarvinnslunar og fara þess á leit
að frárennslismál fyrirtækisins verði lagfærð.
Afmælishátíð Síldarviunsliumar í
íþr ótt ahúsimi ?
Bæjarráði barst bréf frá Síldarvinnslunni hf. þar sem fyrirtækið óskar
eftir upplýsingum um hvort til greina komi að það fái að halda 40 ára
afmælishátíð félagsins í íþróttahúsinu 11. desember nk. Um 500
manna veislu er að ræða. Bæjarráð tekur jákvætt í beiðnina.
Magnús Sigurðsson lét bóka af þessu tilefni harðorð mótmæli þar
sem segir m.a. að salernisaðstaða sé ónóg í húsinu, loftræstikerfi ekk-
ert og mikill tími fari forgörðum vegna þess að kennsla falli niður í
húsinu svo og útleiga. Bæjarsjóður Neskaupstaðar hafi rekið Egilsbúð
með margra milljóna króna tapi og það sé því ekki ásættanlegt að
íþróttahúsið sé Ieigt út í samkeppni við Egilsbúð. Veitingar í veisluna
koma frá Bautanum á Akureyri og sé gengið fram hjá fyrirtækjum á
Norðfirði. Með leigunni brjóti bæjarsjóður samkeppnislög.
Smári Geirsson og Magnús Jóhannsson sögðu að með ákvörðun
bæjarráðs væri ekki verið að taka afstöðu til einstakra þátta í fram-
kvæmd afmælishátíðarinnar.
Harðir mcmi á útkjálkuin
Á fund formanns umhverfismálaráðs kom í sumar fulltrúi frá „Harð-
ir menn á útkjálkum" og kvartaði undan því að það væri verið að grafa
yfir svæði sem félagið fékk til umráða til að gróðursetja plöntur í. Vak-
in var athygli á því að margir aki um bæinn langt yfir leyfilegum hraða
og var formanni og byggingarfulltrúa falið að senda lögreglustjóra
bréf þar að Iútandi.
Garðurinn að BlómsturvöUum 27 sá
fegursti
Umnverfismálaráð ákvað að útnefna garðinn að Blómsturvöllum 27,
eign Báru Jóhannesdóttur og Kristins V. Jóhannssonar, þann fegursta
á Neskaupstað. Fegursta gatan var austurendi Blómsturvalla; feg-
ursta fyrirtækið Póstur og sími að Miðstræti 26 og viðurkenningu fyr-
ir fegursta opna svæðið fékk Hálfdán Haraldsson vegna uppgræðslu
og ræktunar á Kirkjumel. Auk þessa fékk Magni Sveinsson sérstaka
viðurkenningu fyrir endurbyggingu og lagfæringu á umhverfi Strand-
götu 8, Sjávarborg.
Nýtt íþróttasvæði neðan skógræktar
við Starmýri
Samráðsnefnd um íþróttamál hefur skoðað ástand knattspyrnuvallar-
ins sem hefur verfð mjög slæmt. Mikla nauðsyn ber til að lagfæra
völlinn svo hann verði vel leikhæfur þar til annar völlur verður gerð-
ur. Rætl var um nauðsyn æfingasvæða og er hafin gerð æfingasvæðis
fyrir Ieikjanámskeið úti á Bökkum. Staðreyndin sé sú að enginn
knattspyrnuvöllur þolir það álag sem núverandi völlur verður fyrir og
því nauðsynlegt að hafa æfingasvæði.
Bjarni Helgason frá RALA hefur skoðað íþróttavelli bæjarins, m.a.
grasvöll við flugvöllinn, fyrirhugað æfingarsvæði á Bökkum og fyrir-
hugað íþróttasvæði neðan skógræktar við Starmýri. Að hans mati er
best að byrja á viðgerð á vellinum með þökum og eingöngu í handar-
vinnu. Síðan verði völlurinn gataður og dreift á hann sandi. — GG
Náttúruperlan Gullfoss er nú komin.á Internetið, þökk sé Mennskælingum á Laugarvatni.
Gullfoss á Netiuu
Meimtaskóliim á
Laugarvatni kynnir
uppsveitir Ámessýslu
á Intemetinu. Tíma-
mótasamstarf í Evr-
ópu.
Nemendur Menntaskólans á
Laugarvatni hafa tekið að sér að
gera vefsíðu fyrir uppsveitir Ár-
nessýslu þar sem menning og
helstu náttúrufyrirbrigði eru
kynnt. Drjúgur hluti ferðamanna
er talinn koma til Islands eftir
kynningu á Internetinu og er til-
gangurinn með samstarfinu tvf-
þættur. Að auka ferðamanna-
strauminn og brydda upp á ný-
breytni i skólastarfi.
Elísabet Geirsdóttir, nemandi
við ML, segir þetta tímamóta-
samstarf. „Þetta er byltingar-
kennt að því leyti að svona verk-
efni hefur aldrei verið unnið í
allri Evrópu, þ.e.a.s. að skólar
vinni fyrir sveitarfélög með þess-
um hætti. Okkar ávinningur er
aftur sá að við lærum á tölvurnar
og kynnumst Internetinu. Auk
þessa tekur skólinn þátt í Evr-
ópuverkefni sem kallast Net-
Days, eða Netdagar.
Á meðal frægra náttúruundra í
uppsveitum Árnessýslu má
nefna Gullfoss og Geysi. Hrepp-
anir sem fá kynningu á netinu
eru Biskupstungur, Gnúpverja-
hreppur, Grafningshreppur,
Grímsmeshreppur, Hruna-
mannahreppur, Laugardals-
hreppur og Skeiðahreppur. — BÞ
Rassía hjá peninga-
ke öj uíyrirt a*kj u ni
Lögregla í 30 löndum
lokaði peningakeðju-
fyrirtækjum sem nota
Intemetið fyrir starf-
semi sína.
Lögreglan í Danmörku hefur
ásamt kollegum sínum í þijátíu
löndum ráðist gegn pýramídafyr-
irtækjum í Iöndum sínum.
Pýramídafyrirtækin reka pen-
ingakeðjur á Internetinu og er
hægt að taka þátt í keðjunni með
rafrænum greiðslum.
Slík starfsemi er eins og önnur
fjárhættuspil ólögleg hér á landi
og þar sem fjárhættuspil eru
leyfð í nágrannalöndunum eru
þau háð ströngum skilyrðum. Að
sögn Arnars Jenssonar hjá efna-
hagsbrotadeild lögreglunnar
Arnar Jensson hjá efnahagsbrotadeild
lögreglunnar segir Islendinga í góðum
tengslum við sambæriiegar deildir
erlendis.
voru íslendingar ekki með í þess-
ari rassíu. Hann segir deildina í
miklum tengslum við sambæri-
legar deildir á Norðurlöndum,
en engar grunsemdir séu uppi
um slíka starfsemi hér á Iandi.
Höfð voru afskipti af 74 slík-
um fyrirtækjum í Danmörku svo
umfang þessarar starfsemi er
veruleg. Margir hafa og látið
blekkjast og tapað peningum hjá
pýramídafyrirtækjunum. Dagur
skoðaði heimasíðu slíks fyrirtæk-
is á netinu þar sem menn gátu
lagt fram fé sem Iofað var að
myndi 64 faldast. Til þess að
slíkt gerist þurfa þúsundir
manna að láta glepjast og eins og
í öllum peningakeðjum græða
þeir einir sem stofna keðjuna.
Komi menn inn í keðjuna í 20.
umferð þurfa ríflega 67 milljónir
manna að hafa tekið þátt áður
en maður fær eitthvað í sinn
hlut. - HH
Milljarðiir í sóknargjöld
Samkvæmt yfirliti Ríkisbókhalds
námu sóknar- og kirkjugarðs-
gjöld 1.491 milljónum króna á
síðasta ári. Þar af voru venjuleg
sóknargjöld um 897 milljónir
króna, í Kirkjumálasjóð runnu
93 milljónir, í Jöfnunarsjóð
sókna 152 milljónir og kirkju-
garðsgjöld voru upp á 349 millj-
ónir króna. Þjóðkirkjan fær um
90% af sóknargjöldum og aðeins
þjóðkirkjusóknir fá úthlutun úr
jöfnunarsjóðnum.
Sóknir fá úthlutað af sóknar-
gjöldum eftir fjölda safnaðar-
meðlima 16 ára og eldri og sam-
kvæmt því fær Nessókn mest,
fékk 32,6 milljónir króna á síð-
asta ári. I næstu sætum koma
Hafnarfjarðarsókn með 30 millj-
ónir, Akureyrarsókn með 29
milljónir, Háteigssókn með 27,5
milljónir og Seljasókn með 27
milljónir króna. Þessar tölur
hækka í ár í samræmi við fjölgun
sóknarbarna og hækkun tekju-
skattsstofns. — FÞG