Dagur - 17.12.1997, Blaðsíða 13

MIÐVIKUDAGUR 17.DESEMBER 1997 - 13
ÍÞRÓTTIR
L
Tímamótasamning-
ur hjá SKÍ og ITLA?
Skíðasamband íslands hefur að
undanförnu átt í viðræðum við
ítalska sportvöruíramleiðandann
FILA International um auglýs-
ingasamning fyrir I<ristin Björns-
son skíðamann. Kristinn Svan-
bergsson, framkvæmdastjóri
SKI, heldur í dag utan til við-
ræðna við ítalska fyrirtækið, en
ef samkomulag næst verður það
væntanlega tímamótasamningur
fyrir íslenskan skíðamann, því
Kristinn hefur að undanförnu
skíðað á slóðir, sem enginn ann-
ar íslendingur hefur komist á til
þessa.
FILA er einn af þekktari sport-
vöruframleiðendum heims og
markaðsstaða fyrirtækisins er
mjög sterk á Italíu, enda eru flest
öll ítölsk landslið í vörum frá fyr-
irtækinu. Viðræður SKÍ við FILA
hafa staðið yfir alveg frá því að
Ólafsfirðing urinn náði 2. sætinu
í svigkeppninni í Park City. Einn
umboðsmaður FILA var fljótur
að koma auga á auglýsingagildi
Kristins eftir að hann kom í
mark úr síðari ferðinni. Umboðs-
maðurinn, sem er vinur Alberto
Tomba, límdi á hann auglýsinga-
miða frá merkjum fyrirtækisins.
SKI setti sig í samband við
ítalska framleiðandann og það
var upphafið að viðræðum aðil-
anna sem staðið hafa á undan-
förnum vikum.
Kristinn Svanbergsson fram-
kvæmdastjóri vildi sem minnst
ræða um samninginn og hvaða
fjárhæðir væru í húfi. Hann
sagði málið enn á samningastigi
og óljóst væri um útkomuna.
Fimmti á sviglistanum
Þrátt fyrir fall í fyrri ferðinni í
Sestriere á Italíu er Kristinn í 5.
sæti sviglistans í heimsbikarn-
um, en Norðmaðurinn Finn
Christian Jagge skaust upp í
fyrsta sætið með sigrinum í
fyrradag. Kristinn hélt til
Madonna de Campiglione í gær-
dag en næsta mót heimsbikars-
ins verður haldið þar eftir eina
viku. Kristinn mun æfa þar fram
að mótinu.
Tilboði í Cole hafnað
Manchester United hefur hafnað tilboði frá spánska liðinu Deporti-
vo La Coruna, scm bauð enska liðinu 7,5 milljónir punda fýrir Andy
Cole. Tilboð spænska liðsins er hálfri milljón punda hærra en
Manchesterliðið greiddi fyrir Cole, þegar hann var keyptur frá
Newcastle.
Pleat til Spurs
Búist er við því að Tottenham ráði David Pleat sem sérstakan knatt-
spyrnuráðgjafa félagsins á næstu dögum. Pleat, sem var rekinn úr
stjórasætinu hjá Sheffield Wednesday, á þó eftir að semja um starfs-
lok við Sheffieldfélagið. Pleat var framkvæmdastjóri Tottenham um
nokkurra ára skeið á síðasta áratug.
Fowler er ekki til sölu
Roy Evans, framkvæmdastjóri Liverpool, hefur látið þau boð ganga út
að Robbie Fowler, framherji liðsins og enska landsliðsins, sé ekki til
sölu. Arsenal hefur sýnt Fowler mikinn áhuga en litlar Iíkur eru á að
hann gangi til liðs við Lundúnaliðið, sem leitar að eftirmanni Ian
Wright.
Óáuægja meö Dalglish
Leikmenn Newcastle eru sumir allt annað en ánægðir með fram-
kvæmdastjóra sinn, Kenny Dalglish, og þann sið hans að bóka alla
leikmenn á hótel í Newcastle, eflir leiki í miðri viku. Dalglish gerir það
til að koma í veg fyrir drykkju leikmanna, en það mælist misjafnlega
fyrir. Margir vilja eyða fríkvöldunum heima með fjölskyldum sínum.
KÖRFUBOLTI
KFÍ áfram í bikarkeppninni
Isfirðingar unnu góðan en alls ekki iyrirhafnarlausan sigur á Keflvík-
ingum í gærkvöld í 16 liða úrslitum bikarkeppni KKI og Renault,
93:90. Eftir að heimamenn höfðu komist 20 stigum yfir söxuðu gest-
irnir á forskotið og ísfirðingar máttu þakka fyrir að vinna með 3ja
stiga mun. — GÞÖ
Prinsiim fær óskipta
athygli vestanhafs
Hnefaleikariim Naseem Hamed, eða Prinsiim
eins og hann er gjaman kaUaður, háir sína
fyrstn orrustu í Bandaríkjunum nk. föstudags-
kvöld þegar hann leggur WBO titil sinn að
veði gegn Kevin KeUey. SannkaUað prins-æði
hefur gripið um sig í New York, þar sem har-
daginn fer fram, en heimamaðurinn Kevin
KeUey virðist flestum gleymdur.
Kelley er frá New York og hefur
ekki keppt í heimaborg sinni í
fimm ár. Þrátt fyrir það hefur at-
hyglin öll beinst að Hamed og
risastór veggspjöld af honum eru
vfða í New York.
„Eg greiddi leiðina fyrir ná-
unga eins og Prinsinn og það er
mér að þakka hve fjaðurvigtin er
vinsæl í Bandaríkjunum, en mér
hefur aldrei verið boðinn samn-
ingur eins og sá sem Prinsinn
fær fyTÍr að síást. Það er eins og
ég sé svarti sauðurinn í hnefa-
leikaheiminum, öll athyglin
beinist að þessum náunga sem
enginn þekkir og er ekki einu
sinni héðan," segir Kelley um
mótherja sinn, Prinsinn frá
Sheffield.
Kelley fær ekld aðeins mun
minni athygli, heldur fær hann
einnig mun minna fé fyrir að
slást. Prinsinn fær 1,25 milljónir
dala í aðra hönd frá dreifingarað-
ilum sjónvarpsefnis (rúmlega
níutíu millj. ísl. kr.), en Kelley
fær „aðeins“ 400 þúsund dali.
Tilmæli frá frænkuimi
Meira að segja gömul frænka
Kevin Kelley er orðin þreytt á
þeirri athygli sem Englendingur-
inn fær.
„Frænka mín, sem er mjög trú-
uð kona og segir aldrei neitt illt
um fólk, ræddi við mig um dag-
inn og sagði: „Kevin, ég hef séð
þessar auglýsingar og hann
(Prinsinn) er bæði hrokafullur
og illgjarn. Þú þarft að berja
hressilega á honum, hann þarf á
því að halda," sagði frænkan.
Kelley sem er þrítugur að aldri
hreppti WBC-titilinn þegar hann
sigraði Gregorio Vargos á stigum
fyrir fjórum árum. Fjórtán mán-
uðum síðar tapaði hann fyrir Al-
ejandro Gonzalez og það er eina
tap hans á ferlinum til þessa úr
50 viðureignum. Prinsinn hefur
aldrei tapað í hringnum og 26 af
28 viðureignum hans hefur
hann unnið með rothöggi.
Ef Kelley kemur á óvart þá
mundi það koma í veg fyrir risa-
bardaga prinsins við Junior Jones
sem fyrirhugaður er næsta sum-
ar. Jones sagði nýlega að hann
hefði ekki trú á því að Kelley
mundi spilla þeirra veislu.
„Kelley er einn af mínum bestu
félögum, en ég hef ekki trú á því
að hann geti bundið enda á sig-
urgöngu prinsins."
Ef Kelley sigrar á föstudags-
kvöld þá má búast við því að vin-
sældir hans muni margfaldast og
hann komist í hnefaleika-elít-
una, fámennan hóp heims-
þekktra hnefaleikara sem þiggja
risafjárhæðir í hvert sinn sem
þeir berjast.
Prinsinn reiður
Prinsinn, sem á tvö heimsmeist-
arabelti, hefur aldrei háð bar-
daga vestanhafs. Hann reiddist
mjög um síðustu helgi þegar
honum var skipað að hætta æf-
ingum á Chelsea Piers æfinga-
stöðinni um helgina þar sem
hann hafði reiknað með að æfa
sig f>TÍr átökin. Ástæðan var sú
að starfsfólk stöðvarinnar hugð-
ist halda jólagleði.
„Hvort metið þið meira bar-
dagann minn eða jólaglöggið
ykkar,“ var það eina sem heims-
meistarinn sagði við eigandann
þegar hann strunsaði út. Það
þarf ekki að spyrja að því að
Prinsinn skipti strax
um æfingastöð og æfir
nú í Blue Velvet.
Framkvæmdastjóri
Naseem Hamed,
Frank Warren, sagði
að framkoma starfs-
fólks stöðvarinnar hafi
verið með þeim ólfkindum
að hann hafi aldrei kynnst
öðru eins. Það hafi verið
dónalegt og á allan hátt
reynt að gera
Prinsinum lífið
leitt. Því hafi
ekki verið um
neitt annað
að gera en
að skipta
um æfinga-
stöð.
- fe/gþö