Dagur - 24.12.1997, Blaðsíða 3

FRÉTTIR
MIÐVIKUDAGUR 24.DESEMBER 1997 - 3
Áitægðir
unglæknar
áAlmreyri
Sumum fiimst kannski
kominn tími á „karlinn“
Guðmundur Bjamason, umhverfisráðherra.
Guðmundur Bjama-
son umhverfisráð-
herra segir orðróm
um að hann eigi stutt
eftir sem ráðherra
ekki koma sér á óvart.
„Ég svaraði þessum orðrómi í
haust þegar hann fór af stað. I
raun hef ég engu þar við að bæta
en auðvitað veit enginn sína æv-
ina fyrr en öll er í þessu sem
öðru. Ég hef ekki hugsað mér
það að breytingar séu á döfinni,"
sagði Guðmundur Bjarnason
landbúnaðar- og umhverfisráð-
herra í samtali við Dag um þann
þráláta orðróm að hann sé á leið
út úr pólitík.
Orðrómurinn fékk byr undir
báða vængi þegar Steingrímur
Hermansson seðlabankastjóri
lýsti því yfir á dögunum að hann
ætli að láta af störfum 1. júlí
næstkomandi þótt hann geti,
lögum samkvæmt, setið út næsta
ár. Guðmundur Bjarnason er
reyndur bankamaður og því er
haldið fram að hann taki við af
Steingrími.
Dagur spurði Guðmund hvort
hann útilokaði algerlega að hann
dragi sig í hlé áður en kjörtíma-
bilinu lýkur:
„Það er ekki hægt að segja að
eitthvað sé að gerast. Það hafa
engir nema ljölmiðlar rætt hugs-
anlegar breytingar við mig og ég
hef ekki rætt þær við nokkurn
mann. Hins vegar er ég búinn að
vera 20 ár í pólitík og þess vegna
getur það verið að einhverjir í
kringum mig tali um að Jtað sé
kominn tími á „karlinn". Eg man
þá umræðu sem ungur maður
þegar við ræddum um hvenær
væri kominn tími á þá sem voru
á undan manni, þannig að um-
ræðan nú kemur mér ekkert á
óvart,“ sagði Guðmundur.
„Ykjusagnahöfimdiu-
Alþýduflokksins“
Því var haldið fram í DV í vik-
unni að Þorsteinn Pálsson sjáv-
arútvegsráðherra væri á útleið úr
pólitík. Hann var spurður um
málið í gær:
„Það er einföld skýring á þess-
ari kjaftasögu um að ég sé að
hætta í pólitík. Eftir að DV
tengdist þingflokki Alþýðuflokks-
ins, þá hefur ýkjusagnahöfundur
Alþýðuflokksins fengið nokkuð
frjálsar hendur við að skrifa þar
fréttir. Þegar dregur að jólum
fær hann að njóta sín á útsíðum
blaðsins og því held ég að þessi
saga eigi sér þær rætur. Hún á
alla vega ekki rætur í neinni
ákvörðun sem ég hef tekið,“
sagði Þorsteinn. -S.DÓR
„Vinnustaðasamningurinn við
unglækna á Fjórðungssjúkra-
húsinu á Akureyri er trúnaðar-
mál, en ég get sagt að þar eins
og annars staðar var yfirvinnu-
prósentan meginkrafan og
unglæknarnir eru mjög ánægðir
með samninginn," segir Bryn-
hildur Eyjólfsdóttir, formaður
Félags ungra lækna, í samtali
við Dag.
Unglæknar á Akureyri hafa
dregið til baka uppsagnir sínar,
en þar sögðu átta af níu
unglæknum upp. Það gerðist eft-
ir að vinnustaðasamningur tókst
við stjórn Fjórðungssjúkrahúss-
ins. Meginástæða uppsagna
unglækna um Iand allt er að í ný-
gerðum samningum við Lækna-
félag Islands og Læknafélag
Reykjavíkur var yfirvinnupró-
sentan lækkuð úr 1% af dag-
vinnulaunum í 0,8% og má skilja
þróunina svo að á Akureyri hafi
þetta verið lagfært að öllu eða
mestu Ieyti. Einnig voru vinnu-
staðasamningar langt komnir á
sjúkrahúsinu á Akranesi, en að
sögn Brynhildar strandar þar á að
stjórn sjúkrahússins vildi aðeins
semja til áramóta, en þá kemur
nýr hópur unglækna til starfa.
Allir þrír unglæknarnir á Akra-
nesi sögðu upp. FÞG
Tíðarfarið á landinu hefur verið með eindæmum gott undanfarnar vikur. Þessir hressu garðyrkjumenn voru að sinna uppskerunni í gær, en
það eru afar óhefðbundin störfá Þoriáksmessu. mynd: hilmar.
Jólákartöflur teknar
upp á aðventunnl
Jólakartöflurnar frá Reykjum í
Mosfellsbæ þarf ekki að afhýða.
Þær eru nýkomnar upp úr mold-
inni hjá garðyrkjubændunum
þar. Helgi Asgeirsson er garð-
yrkjubóndi á Reykjum, en tví-
burarnir Sveinn og Sverrir hafa
stjórnað aðgerðum að undan-
förnu.
Tíðarfarið á landinu hefur ver-
ið með eindæmum gott undan-
farnar vikur. Það þýðir að ferskt
og gott grænmeti er á boðstól-
um. Þannig voru nýjar kartöflur
teknar upp á aðventunni í Mos-
fellssveit, fallegar rauðar, stinnar
og sætar á bragðið.
„Við höfum aldrei áður náð því
að taka upp í desember. Það var
skilið eftir smávegis af kartöflum
í haust, og það nýtist vel núna,
því við erum búnir að ná í þetta
allt saman, nema svolítið af gul-
rótum í Víðinesi þar sem við
erum líka með garða," sagði
Sveinn.
Nýtt og ferskt kál hefur verið á
boðstólum frá Reykjum, hvítkál,
kínakál, rauðkál og brokkolí og
fleira, allt ræktað úti. Risarófur á
stærð við handbolta hafa verið
að koma upp úr görðunum á
þessum mildu vetrardögum, of
stórar fyrir almennan markað en
úrvals vöru eigi að síður. -JBP
Rauðvíii og koníak á jólum
Freyðivín og kampavín um áramót. Starfsfólki fjölgað. Opið kl. 10-12
á laugardag. „Það er meira um rauðvín og koníak um jólin en á öðr-
um árstímum. Um áramót er það svo freyðivín og kampavín,“ segir
Þór Oddgeirsson aðstoðarforstjóri Áfengis- og tóbaksverslunar ríkis-
ins, ÁTVR.
Reiknað er með að landsmenn eyði 800-900 milljónum króna í
áfengiskaup í desember, eða hátt í einn milljarð króna. Lætur nærri
að það sé tvöfalt miðað við það sem gengur og gerist í venjulegum
mánuði. Þrátt fyrir mikil rauðvíns- og koníakskaup um jólin er bjór-
salan mikil og fer vaxandi. Sem dæmi um áfengiskaup landans þá
keypti hann áfengi fyrir um 7 miljarða króna í fyrra og er þá virðis-
aukaskattur meðtalinn.
-GRH
Á Suður-
skautsjökli á
jólanótt
Islendingarnir Ingþór Bjarna-
son, Ólafur Haraldsson og
Haraldur Ólafsson voru á Þor-
láksmessu 250 km frá Suður-
pólnum í 2.300 metra hæð í
djúpum rifsköflum og miðaði
hægt. Þeim félögum hefur mið-
að 24 til 26 km á dag en upp-
hafleg áætlun var að ganga 20
km á dag. 25 stiga frost er þar sem þeir eru og ef áætlunin gengur
eftir munu þeir gista á Suðurskautsjökli (Antarctic Glacier) á jóla-
nótt og næstir þeim verða Ástralíumenn í 150 km fjarlægð. Þeir fé-
lagar hafa engan frídag tekið sér og aðeins tafist um einn dag vegna
veðurs. Á aðfangadagskvöld verður kveikt á jólakerti, sett upp jólatré
og jólaborði og sungnir jólasöngvar. Þeir félagar munu borða
jólasteik og hugsa heim til fjölskyldna sinna á Islandi.
Rifskaflarnir hafa verið erfiðir yfirferðar en ef ekkert fer úrskeiðis
verða þeir á Suðurpólnum á nýársdag. Þaðan verður flogið með þá á
Twin-Otter til grunnbúðanna í Patrot Hill og síðan til Punta Arenas
í Chile og til íslands gegnum Florida um miðjan janúarmánuð.
Banaslys við Nauteyri
Banaslys varð á veginum við Nauteyri við Isafjarðardjúp á
mánudagskvöldið er jeppabifreið fór þar út af veginum og valt. Öku-
maður, karlmaður á fimmtugsaldri, ér talinn hafa misst stjórn á
bifreiðinni í lausamöl, kastast út úr henni og lent undir henni og er
talið að hann hafi látist samstundis.