Dagur - 23.04.1998, Page 5

FIMMTUDAGUR 23. APRÍL 1998 - S
FRÉTTIR
Tveir hyggj ast
segja af sér
„Það eru atriði sem
hafa valdið mér heila-
hrotum í samhandi
við veru mína í hauka-
ráðinu og þá ekki
hara í sambandi við
þau mál sem hafa
komið upp að luidan
fömu. Ég þarf að
ræða þessa hluti við
félaga mína í hanka-
ráðinu og flokknum.
Ég vil undirbúa af-
sögnina vel ef af
henni verður,“ segir
Jóhann Arsælsson.
„Ég er vissulega alvarlega að
velta því fyrir mér að segja af mér
setu í bankaráði Landsbankans.
Ég hugleiddi það strax í upphafi
málsins að segja af mér en komst
að þeirri niðurstöðu að það væri
hættulegt fyrir bankann að yfir-
gefa hann meðan á mestu hríð-
Jóhann Ársælsson og Anna Margrét Guðmundsdóttir eru bæði sögð ætla að segja
af sér i bankaráði Landsbankans.
inni stóð þegar bankastjórarnir
sögðu af sér. Ég taldi að það væri
skylda okkar að koma bankanum
í gang aftur en hugleiða málið
síðan eftir það og það hef ég ver-
ið að gera,“ sagði Jóhann Arsæls-
son, bankaráðsmaður í Lands-
bankanum, í samtali \ið Dag.
Ekki náðist í Onnu Margréti
Jónsdóttur bankaráðsmann, hún
er erlendis, en hún er einnig
sögð vera að hugsa um það í al-
vöru að segja af sér.
Jóhann vildi ekki nefna þær
ástæður sem hann hefur fyrir því
að hugleiða afsögn, sagðist í
raun varla tilbúinn með alla
skýringuna.
Sérstakar ástæður
Hann staðfesti þó að ástæðurnar
fyrir þessu séu fleiri en aðalmál-
ið sjálft.
„Það eru atriði sem hafa valdið
mér heilabrotum í sambandi við
veru mína í bankaráðinu og þá
ekki bara í sambandi við þau mál
sem hafa komið upp að undan-
förnu. Ég þarf að ræða þessa
hluti við félaga mína í bankaráð-
inu og flokknum. Ég vil undir-
búa afsögnina vel ef af henni
verður," sagði Jóhann Arsælsson.
Spurning um siðferði
Samkvæmt heimildum úr A-
flokkunum eru það nokkur sið-
ferðisatriði sem þau Jóhann og
Anna Margrét velta fyrir sér.
Fólk segir við þau að þau hafi átt
að vita um hneykslið og hafi þau
ekki vitað það hafi þau ekki stað-
ið sig í stykkinu.
Það er ekki síst þetta atriði
sem veldur þeim hugarangri.
Eins er því haldið fram að þau
vilji gjarnan fá fram rannsókn á
því hvort einhverju hafi verið
haldið leyndu fyrir þeim viljandi.
Það geta þau ekki gert nema
segja af sér.
Þingmenn A-flokkanna, sem
Dagur ræddi við í gær, sögðu að
það yrði ekki aftur snúið, alla
vega ekki hjá Jóhanni. Það gæti
ekki verið trúverðugt að koma
fram um næstu helgi og segjast
vera hættur við að segja af sér.
- S.DÓR
Sjald-
gæfur
saurgerill
Búið er að greina bakteríu í
þremur sýnum af fjórum sem
fóru til Danmerkur vegna mat-
areitrunar á höfuðborgarsvæð-
inu um páskana. I sýnunum
fannst ákveðin tegund kólíbakt-
eríu eða saurgerils sem hingað
til hefur verið óþekkt hér á landi
og sjaldgæf á Vesturlöndum. At-
hygli vekur að gerill þessi smit-
ast yfirleitt frá mönnnum, en
ekki matvælum í aðra menn.
Rögnvaldur Ingólfsson, sviðs-
stjóri matvæla hjá Heilbrigðis-
eftirliti Reykjavíkur, segir niður-
stöðuna mikilvægt skref í að
upplýsa málið en því sé þó
hvergi nærri lokið. „Það er rétt
að samkvæmt okkar upplýsing-
um koma flestar gerðir þessara
baktería sem valda sýkingum í
mönnum frá mönnum. Þær
koma ekki úr dýraumhverfinu.
Þess vegna er mjög mikilvægt að
það sé hægt að greina hvaðan
þetta sé upprunnið. Þessi niður-
staða kemur frá fyrstu saursýn-
um sem tekin voru, en það hef-
ur ekkert fundist í matvælunum
sjálfum sem við höfum verið að
rannsaka."
Rögnvaldur tekur fram að
rannsóknin bendi ekki til þess
að matvæli hafi verið innflutt.
Um 150 manns veiktust eftir að
hafa notið veislufanga frá veit-
ingahúsinu Arbergi í Reykjavík.
Veitingahúsinu var lokað strax í
kjölfar eitrunarinnar. Ekki hefur
verið hægt að ná tali af forráða-
mönnum veitingahússins. — bþ
■llllllil
■ niifiJiivlR
HiPf mW
' "./'ý*'"" ' <> ■■ , " OSOMKWMW ' ''Zm ~ ~ rsmí- Jt
■ ■ ■ ■ i .... 1 - s- V. ' ■ i '
Háötdruð kona sem dvaidi á sjúkrahúsi Skagfirðinga var féfiett afsyni sínum og hefur ekkja hans nú verið dæmd til að greiða
gömlu konunni til baka.
Tók fé frá móður
Ekkja dæmd til að
greiða tengdamóður
siiuii hálfa mifljón
vegna fjárdráttar son-
ar á peningum háaldr-
aðrar móður sinnar.
Rúmlega sextug ekkja í Reykja-
vík hefur verið dæmd til að
greiða háaldraðri tengdamóður
sinni á Sauðárkróki rúmlega
hálfa milljón króna þar sem
sannað þótti að eiginmaður ekkj-
unnar heitinn hafi nýtt sér elli og
bágindi hinnar öldruðu móður
sinnar og slegið eign sinni á pen-
inga hennar. Það var bróðir hins
látna sem höfðaði málið fyrir
hönd móður þeirra.
Látni bróðirinn annaðist fjár-
reiður móður sinnar þar til hann
andaðist í september 1993, en
þá tók hinn bróðirinn við um-
sýslunni. Hann uppgötvaði fljót-
lega að ekki var allt með felldu í
Ijármálum móður sinnar, sem
dvaldi á Sjúkrahúsi Skagfirðinga,
úr öllum tengslum við raunveru-
leikann. í ljós kom að búið var að
tæma og eyðileggja sparisjóðsbók
gömlu konunnar, þar sem lagt
hafði verið inn andvirði húseign-
ar hennar á Sauðárkróki.
Gögn Búnaðarbanka staðfestu
að innistæðan hefði verið lögð
inn á reikning hins látna bróðurs
og peningarnir nýttir m.a. til að
framlengja víxla, greiða skulda-
bréf og kaupa erlendan gjaldeyri.
Þetta gerðist síðustu tvö árin
sem bróðir kærandans var á lífi,
en eftir lát hans lét ekkjan eyði-
leggja bókina. Taldi eftirlifandi
bróðirinn að gögnin sönnuðu að
látni bróðirinn hefði í heimildar-
Ieysi og með saknæmum og ólög-
mætum hætti dregið sér og nýtt
fé móður sinnar.
Ekkja hins látna bróður mót-
mælti því að maður sinn hefði
notað féð í heimildarleysi. Halla
Bachmann Olafsdóttir settur
héraðsdómari komst hins vegar
að þeirri niðurstöðu, í ljósi veik-
inda móðurinnar og að bróðirinn
hefði ekki látið systkini sín vita
um ráðstöfunina, að ekkjan
skyldi greiða tengdamóður sinni
það sem upp var sett, ásamt
vöxtum og 170 þúsund króna
málskostnaði. — FÞG
INNLENT
Hvatningin til
Ingibjjargar
Dr. Ingibjörg
Harðardóttir
matvælafræð-
ingur fékk
hvatningar-
verðlaun
Rannsóknar-
ráðs sem af-
hent voru í
gær, fyrir
rannsóknir
hennar á
áhrifum fisk-
olía á sýkingu.
Olafur Ragnar Grímsson forseti
afhenti Ingibjörgu verðlaunin
en þau nema 1 milljón króna.
Krefst ámiim-
ingar
Vilhjálmur Ingi Árnason, stjórn-
armaður í Neytendasamtökun-
um og fyrrverandi formaður
Neytendafélags Akureyrar og
nágrennis, mun bera upp álykt-
unartillögu á þingi Neytenda-
samtakanna sem hefst á morgun
gegn Jóhannesi Gunnarssyni,
núverandi framkvæmdastjóra og
verðandi formanni Neytenda-
samtakanna. Vilhjálmur vill að
Jóhannesi verði veitt alvarleg
áminning fyrir að hafa látið
Neytendasamtökin nota ólögleg-
an tölvubúnað. I ályktuninni er
mælst til að þingið feli stjórn að
sjá til þess í framtíðinni að Neyt-
endasamtökin noti aðeins lög-
Iegan tölvuhugbúnað. — BÞ
Hjálmar for-
maður
Nýr formaður
tók við í
Blaðamanna-
félagi íslands
á aðalfundi
félagsins á
þriðjudag.
Lúðvík Geirs-
son sem verið
hefur for-
maður í 11 ár Hjáimar Jónsson,
lét af embætti formaður BÍ.
og Hjálmar
Jónsson vara-
formaður tók
við formennskunni.
Björgiinarskip tH
Raufarhafnar
I dag, sumardaginn fyrsta, er
væntanlegt til Raufarhafnar nýtt
björgunarskip Slysavarnafélags-
ins. Þetta er síðasta skipið af
fimm sem keypt eru til iandsins
- en hin eru á Neskaupstað, Rifi,
Isafirði og Siglufirði. Þetta
nýjasta skip kemur frá hollenska
sjóbjörgunarfélaginu og hefur
verið í notkun frá árinu 1968.
Það er búið fullkomnum tækj-
um til leitar og björgunarstarfa
og um borð er aðstaða til þess að
hlynna að sjúkum. I frétt frá
Slysavarnafélagi íslands segir að
í 70 ára sögu þess hafi alla tíð
verið markmið í starfi þess að
hafa öflugt björgunarskip í
hverjum landshluta. Nú sé sá
draumur að rætast „...sem þýðir
byltingu í öryggi sæfarenda við
Islandsstrendur." — SBS