Dagur - 13.05.1998, Blaðsíða 10
26 - MIÐVIKUDAGUR 13. MAÍ 1998
LÍFIÐ t LANDINU
Reykj avíkur-
meistaramótið
Vormót hestamannafélaganna
eru nú komin á fullan skrið. Um
síðustu helgi var Reykjavíkur-
mótið í hestaíþróttum haldið í
Víðidalnum og var þátttaka mik-
il. Þar var keppt í ijórgangi og
fimmgangi, tölti og gæðinga-
skeiði. Flokkarnir voru 5: Opinn
flokkur, áhugamannaflokkur,
ungmennaflokkur, unglinga-
flokkur og barnaflokkur. Enn var
Oddur frá Blönduósi á ferð-
inni og sigraði Sigurbjörn
Bárðarson á honum í opna
flokknum bæði í tölti og
fjórgangi. I áhugamanna-
flokknum í tölti sigraði
Auður Stefánsdóttir á Röðli
og Lára Grimm í ung-
mennaflokknum á Glæsi, í unglinga-
flokknum Þórdís E. Gunnarsdóttir á
Gyllingu og í barnaflokknum Steinar T.
Vilhjálmsson.
I fjórgangi í áhugamannaflokki sigr-
aði Marían Gunnarsdóttir á Hyl, í ung-
HESTAR
Kári
Arnórsson
skrifar
Orríferekki
norður.
mennaflokki Lára Grimm á
Glæsi, í unglingaflokki Sylvía
Sigurbjörnsdóttir á Djákna og í
barnaflokki Maríanna Magnús-
dóttir á Ekkju.
I fimmgangi í opna flokknum
sigraði Sveinn Ragnarsson á
Brynjari, í áhugamann flokkn-
um Þórunn Eyvindsdóttir á
Gjöf, í ungmennaflokki Davíð
Matthíasson á Stjörnuglóð, í
unglingaflokki Jóna Ragn-
arsdóttir á Mána. Gæð-
ingaskeiðið vann Sigur-
björn Bárðarson á Snarfara
og ungmennaflokkinn vann
Davíð Jónsson á Dropa.
1 Stigahæsti knapi í opnum
flokki var Sigurbjörn Bárð-
arson með átta gull.
Geysismenn voru með opið íþrótta-
mót á Gaddstaðaflötum á laugardaginn.
Það var World Cup mót og greint verð-
ur frá úrslitum á hestasíðunni á föstu-
daginn.
Veiran á fullri ferð
Landbúnaðarráðherra hefur numið úr
gildi fyrri reglugerðir um varnarlínur
vegna hitasóttatrinnar í hrossum. Það
er hins vegar nokkuð ljóst að eftir að
veikin hefur borist norður á einn bæ í
Skagafirði þá muni hún stinga sér nið-
ur innan skamms á fleiri bæjum og sú
hætta var auðvitað fyrir hendi að með
auknum samgöngum sem fylgja vorinu
myndi veiran berast um landið.
Það er á vissan hátt mikil vonbrigði
að ekki skyldi vera hægt að halda Norð-
ur- og Austurlandi hreinu fram á sum-
ar, þó svo það kunni að hafa verið
óraunhæft. Menn velta því nú fyrir sér
hvaða áhrif þessi nýja smitun kunni að
hafa á mótahald í sumar. Þeim áhrifum
er ekki hægt með neinu móti að gera
sér grein fyrir. Því er ekki um annað að
gera en halda áfram með undirbúning
að landsmótinu eins og mótshaldarar
hafa verið að gera og allt tal um að
hætta við mótið á að fella niður en
snúa sér að því að kynna þau hross sem
líkleg eru til þátttöku og þá keppni sem
þeirra á milli verður.
Að velja sér landsmót
Sú ákvörðun að afkvæmi Orra frá Þúfu
skuli ekki mæta til heiðursverðlauna er
mjög slæm fyrir mótið. Orri er með
langhæstu kynbótaeinkunnina í ár og
mér finnst það nánast skylda manna að
slíkur afkvæmahópur mæti. Sú fyrir-
bára að ekki hafi verið tök á því að
mæta með hestinn sjálfan í góðu formi
á.ekki að ráða úrslitum þegar verið er
að fjalla um afkvæmadóm.
Þessi ákvörðun gefur líka þeirri
skoðun undir fótinn að menn fari að
velja sér landsmót og er þannig bein af-
Ieiðing þeirrar ákvörðunar að hafa
landsmót annað hvert ár. En landsmót-
in rísa varla undir nafni ef bestu hross-
in mæta ekki til leiks. Menn fara þá
líka að velta fyrir sér kostnaðinum sem
því fylgir að flytja hrossin milli lands-
fjórðunga og vilja frekar bíða tvö ár eins
og Orradæmið sýnir. Ef þróunin verður
með þessum hætti þá er það mjög nei-
kvætt fyrir þá sem búnir eru að kosta til
miklum fjámunum til þess að geta boð-
ið upp á sem besta aðstöðu fyrir stór-
mót. Eg tel mjög líklegt að eigendur
Orra hefðu viljað fá heiðursverðlaun á
hann núna, ef fjögur ár hefðu verið til
næsta landsmóts. Það er eðli kynbóta-
matsins að hestar lækka í einkunn þeg-
ar þeir komast á efri ár vegna þess að
þá er afkvæmahópurinn orðinn svo
stór, ef hestarnir hafa verið vinsælir, og
því líklegt að gæðin verði minni í heild.
Það er t.d. ekkert öruggt að Orri standi
efstur í kynbótamati eftir tvö ár þó lík-
urnar séu miklar vegna þess hve hann
stendur hátt núna. En hvað sem því Ifð-
ur þá verður að ætlast til þess að þau
hross sem vekja mesta eftirtekt og
áhorfendur vilja sjá komi fram á lands-
mótum.
Lélegt sjálfsmat
SVOJMA
ER LIFID
Vigdís
svarar
í símann!
Ertu með ráð,
þarftu að spyija,
viltu gefa eða
skipta?
Vigdís svarar í
símann ld. 9—12.
Síminn er
563 1626 (beint)
eða 800 7080.
Póstfang:
Þverholt 14 Rvk.
eða Strandgötu 31
Akureyri.
Netfang:
ritstjori@dagur.is
Lesandi
Lesandi hafði
samband við þátt-
inn og sagði það
alltaf valda sér
heilabrotum að
fólk sem kvartar og
kveinar yfir því að
greiða fimmþús-
und krónur í
heilsuræktarstöðv-
ar, færi kannski
um aðra hverja
helgi og keypti sér
drykki á krá fyrir
sjö þúsund og
greiddi með bros á
vör.
Svona er lífið!
Hefur þú einhver ráð við Iitlu sjálfsmati? Ég er
að beijast við að bera mig saman við aðra og
finnst ég alltaf vera verri eða minni manneskja
en þeir sem ég ber mig saman við. Mér líður
líka alltaf eins og ég segi einhverja vitleysu þeg-
ar ég tala við fólk, að ég svari heimskulega og svoleiðis. Ein
Iangt niðri.
Kæra Iangt niðri. Mörgum líður líkt og þér einhvern tíma
og öll höfum við verið langt niðri um tíma of fundist allt
ómögulegt en hér eru nokkrir punktar til að fara eftir:
Sæstu við sjálfa þig, veikleika þína, styrk og tilfinning-
ar. Það merkir þó ekki að þú eigir ekki að vinna að því að
bæta það sem þú ert ósátt við.
Fyrirgefðu sjálfri þér mistök þín og sjáðu þau sem
tækifæri til að læra og þroskast.
Taktu þér tíma fyrir sjálfa þig til að læra, lesa, leika
þér, skrifa eða hvað annað sem þig langar til að gera.
Treystu hugsunum þínum og innsæi. Gerðu það sem
orsakar að þér líður vel.
Vertu stolt af áföngum sem þú nærð, bæði stórum og
smáum.
Settu þér raunhæf markmið og þroskaðu hæfileika
þína.
Dragðu fram jákvæða hluti, slepptu þessum neikvæðu.
Sjáðu til þess að þú fáir góða næringu og nægan svefn
og stundaðu einhverja líkamsrækt. Vertu innan um heil-
brigt og jákvætt fólk. Ekki vera með endalausan samaburð
við annað fólk. Engir tveir eru eins og því er ómögulegt
að vera með slíkan samanburð.
Rabarbari, illgresi
eða sælgæti?
Rabarbarinn er með því
fyrsta sem kemur upp á vorin
og strax í júní getum við far-
ið að nota hann til matar.
Þó rabarbarinn sé góður
til matar og rfkur af C
vítamíni, eru þeir til sem
álíta hann illgresi, meðal
annars vegna þess hve hann
vex hratt og er duglegur að
breiða úr sér fyrir utan að
hann þykir ekki falleg planta.
Hér á landi vaxa að
minnsta kosti þrjár tegundir
af rabarbara, en hann er
upprunninn frá fjallahérðuð-
um Asíu. Hann var upphaf-
lega ræktaður vegna rótanna
sem lyf voru unnin úr, en á
18. öld var farið að vinna
leggina til matar.
Tegundin Linnaeus er
snemmvaxin. Ljósrauður
neðst, með granna leggi og
grænleitur efst. Bragðmildur
en stundum nokkuð þurr.
Victoría er heldur seinni
til á vorin. Þetta er grófgerð-
ur og stórvaxinn rabarbari,
grænleitur en bleikur neðst.
Af honum fæst mest upp-
skera.
Svo er það Vínrabarbar-
inn. Hann er rauður bæði að
innan og utan og mjög
bragðgóður enda notaður til
að brugga af saftir og vín.
Hann er hægvaxta, safaríkur
og góður til matar.
AHur rabarbari vex best í
góðum jarðvegi. Hann er
þurftafrekur á áburð og vel
þess virði að hlúa vel að hon-
um. Best er að undirbúa
rabarbaraplönturnar tíman-
lega því hann tekur mjög
fljótt við sér. Ef vel er um
hann hugsað má fá uppskeru
tvisvar á sumri. Best er að
hreinsa beðið strax og frost
er farið úr jörðu og ef flytja
þarf plöntur ætti að gera það
strax og hægt er að vorinu.
Venjulega er fyrri uppskeran
bragðbetri en sú síðari og því
ætti að nota hana í grauta og
og fínni uppskriftir en seinni
uppskeruna í sultur og saftir.
Sagtumpeninga
• Peningar eru það sem þú notar þegar þú ert búin að eyða
framyfir heimild á öllum kreditkortunum.
• Peningar eru ekki allt - en vandamálið er hversu miklu máli
þeir skipta samt.
• Peningar kaupa ekki vináttu, en geta kannski leigt hana
stöku sinnum.
• Peningar kaupa ekki ást heldur, en þú hefur mildu betri
samningsaðstöðu ef þú átt nóg af þeim.
• Og hvort peningar kaupi hamingju, heldurðu virkilega að
náunginn sem á 250 milljónir sé miklu hamingjusamari en
sá sem á bara 200 milljónir?
• Þegar peningar tala, tekur enginn eftir málfræðinni.